Aposel 27:24 - Basef Buꞌwami Godi

²⁴ na'ipi na'i, ‘Pol, ine' owa' umbamehena, owa'. Ine' nambimb nefe' nitu naep gavman dembinai Sisar. Ea' ine' neme', epes hiesi isima sape salomena sipi, isima God nambimb nigiambamas. Ea' ina atuwasi enin higililan, owa'.’

Aposel 27:24 Iomraidhean Croise

Matyu Nandaꞌafi 10:18

Amam mogawa ipe' panda' maol ae'anai ea' mondaiwa'mepa, ea' mofa'epa pefe' pitu naep kinga gavman dambami ma peawalapa basef ae'ami bu'wami ma amam moloma esis amam nematawa ina sogawa Godi pi'ipasam.

Matyu Nandaꞌafi 10:28

Ipe' ina umbamehepama esis soha alop atona neaga'i, ea' anona nemaf esis ina la'ifisa soha ambagof ipe'mi, owa'. Ea' ipe' umbamehepama aman anama la'ifinai ma noha alop si'ina noloma ambagof ipe'imi ma wambel aonai hel.

Jon Nandaꞌafi 11:9

Ea' Jisas nagwamama basef na'i, “Nemaf atotona awa 12-pelain nape. Emi egafis safe' alipi esis ina sowa, owa'. Dei' main, esis sati hauguma etap anae' howalagon safe' andeande'.

Aposel 19:21

Amama mafe' ea', okom Poli nohafel la'ifina na'i nefe' etap hiagoma Masedonia esis Grik sapoma ea' nefe' Jerusalem. Anan na'iam na'i, “Ae' efe' anama ea' efe' iti Rom wapoti'.”

Aposel 23:11

Wafilu owamb Dembinai nafi'i naitu felefele'ma Pol na'ipana na'i, “Ine' nitu la'ifina. Ina umbamehena, owa'. Fowa' nawalapa basef ae'ami Jerusalem, ea' nambimb ine' newalapam na'ama etin wambel lu'unai Rom wapoti'.”

Aposel 25:11

I'i ae' anona waf aonai ma enda' anom amamaga awami mondahama ae' ega', andeande'ma amam mohe ega'. I'i basef amama amam manda' kotima ae'ami owa' endilisimi, ina andeande'ma dembinai gavman nese'e efe'ma lagof amamumi, owa'. Dei' ae' efala gavman dembinai Sisar neme' kot ae'anai.”

Aposel 27:31

Ea' Pol na'ipa dembinai soldia Julius naloma amam soldia na'ipam na'i, “I'i amam amama owa' mope sip la'la'ef, atuwasi ipe' awepa higililipa.”

Aposel 27:37

Afa' hiafai wape sip wataga 276-peleifa hiafai.

Aposel 27:42

Ea' amam soldia ukup amamumi ma'i moha amama manda' kalabusi afum hi'ilam, ama amam ina ata' mopaol mofa' mefe', owa'.

Aposel 27:44

Ea' anom mololama paoli, mohapila palag maim la'if'im moloma endah sip anama kokwa'alami mohapilam tol mola naoh mofa'am mofe' akata. Afa' wame' basef ananimi wanda'am na'ama, dei' afa' hiafai wafe' be'efa wataga waitu naoh akata.

Aposel 9:15

Ea' Dembinai na'ipana nasapa'ana na'i, “Ine' fo'o. Aman anama nambimb nonda' maol Ae'anai. Ae' andandepana ea' ma nefe' ni'ipasa basefa agel ae'anai enis amam nematawa owa' Judaisi soloma amam dambami king asasimi moloma esis Israel wapoti'.

Filemon 1:22

Ea' anom basef wapoti'. Ae' okom na'i God neme' beten ipe'inai nekwaha ae' efe'mago ipe' wapoti'. Ea' dei' ine' nendondomba anagon nopomago ma ae' efo'o epe elomena.

Jems 5:16

Amama atom dei' ipe' pewalapa waf aonai ipe' panda'anai atona etin ea' penda' beten ama ipe atona etina God nonda'epa bo'wepa. I'i enin epen bo'wen, beten ananinai la'ifina endilisi.

Revelesen 1:17

Ae' atolona ea' ewa a'oh felefele'ma bo'wagah ananimi andati si'i aga'i. Ea' anan nasa lagel da'isinai ananinai ma ae' na'ipi na'i, “Ine' umbamehena owa'. Ae' ape dembiwei la'ela'ef ape ali'i ape agi'i endilisi.