Aposel 27:23 - Basef Buꞌwami Godi

²³ Dei' maina ae' egawa amama? Ae' aman Godi anda' lotuma anani. Do'ok owamb anona ensel Ananinai nafi'i naitu felefele'ma ae'

Aposel 27:23 Iomraidhean Croise

Jon Nandaꞌafi 12:26

Emi egafis si'i sonda' opeh ae'ami, esis sila ae'. Mamagoma ae' eapoma, isima sanda' opeh ae'ami esis sope soloma ae'. Ea' emi egafis sonda' opeh ae'ami, Ahalome ae'anai nambimb nefela agof asasimi motaga lu'um.”

Aposel 12:23

Ea' Herot ina ata' nafela agel Godi, owa'. Na'ama dei' atef ensel Dembinai nahana. Ea' asagof iguf so'uso'umi mahana mahahape' alop ananinai ea' afuna.

Aposel 16:17

Nemata'w akwama kwagi'ma Pol kwaloma afa', kofalafa timbi tambel kwa'i, “Amam manda' maola God nape ilif endilisi ma'ipapa basefa eaf God nofa'apa mutanimani.”

Aposel 18:9

Anona owamb Pol nati anom amamaga si'i na'oh nandondo'oh, Dembinai na'ipana na'i, “Ina umbamahena nesopama malogel, owa'. Newalapa basef ni'iam.

Aposel 23:11

Wafilu owamb Dembinai nafi'i naitu felefele'ma Pol na'ipana na'i, “Ine' nitu la'ifina. Ina umbamehena, owa'. Fowa' nawalapa basef ae'ami Jerusalem, ea' nambimb ine' newalapam na'ama etin wambel lu'unai Rom wapoti'.”

Aposel 5:19

Ea' owamb anona ensel Dembinai nafi'i nawisi' uta lu'unai endalelemba kalabus ea' nafelai amam aposel mawisi ande' na'i,

Aposel 8:26

Ea' anona ensel Dembinai na'ipa Filip na'i, “Ine' nefe' lambihilifinama kwa'waha Jerusalem nikini'i Gasa. Eaf anama fowa' esis safe'anai. Dei' owa'. Eaf anama nape anama wafiguma fatauguma epes a'agoma.”

Basef Amama Pol Nandaꞌam Mafeꞌma Esis Romi 1:1

Ae' Pol ape owina Krais Jisas anda' maola anan atona. God nofale ma enda' maol aposel ea' nosahe'e ma ewalapa basef bu'wami ananimi.

Basef Amama Pol Nandaꞌam Mafeꞌma Esis Romi 1:9

God nogawa maina nemaf anda' betenanai okom ae'anai napoma ipe' anda'mepa beten. Ae' anda' maol Godi aloma okom ae'anai si'ina awalipasa basef bu'wami ma Nogalomana ananinai. Beten ae'anai nape na'ama. Fowa' nimeguf hiami ahali'ana ma efo'o ietilipa. Owa'etin. Dei' wapoti' ahali'ana ma Anan ni'i awi, a'i nonda'me anona eaf efo'o ietilipa.

Basef Amama Pol Nandaꞌam Mafeꞌma Esis Romi 6:22

Ea' dei' God natagahepa ma waf aonai nanda'epa pape panda' maola anan pape owina anan la'ela'ef. Maol anama nola gwa'aimi amama. Ipe' pepe bo'wepa ananipei etipa ma pefa' ambal namunai pepe andeande' la'ela'ef.

1 Korin 6:20

God natalepa ma maol lu'unai endilisi. Amama atom dei' pefela agel ananinai lu'una ma alop ipe'inai.

2 Timoti 1:3

Esis ihase ae'asi saila waf Godi, dei' ae' wapoti' ailana. Ea' malogel nape opaf ae' nomoni ina nihi'ambe anona waf aonai anda'anai, owa'. Beten ae'anai owamb alip la'ela'ef ae' okom napomena anifela God.

2 Timoti 2:24

Aman anama nanda' maola Dembinai ina ni'i anom basef wafimi nifitapam neloma enis epes, owa'. Anan niti amam nematawa hiesi uwahipis nose'as opaf. Anan nope dembinai tisa, nosopama okom wandafunai, nope niti esis sonda'mana waf aonai.

2 Timoti 4:17

Ea' Dembinai numafi ae' ape nase'e pepel. Amama atom dei' awalapa basef bu'wami a'iam la'ifiwi endilisi ea' epes isima hiesi owa' Judaisi sogawa basef Godi, dei' same'am hi'alas. Ea' God nagiambame ma malogel mafin anama lu'unai laion.

Taitus 1:1

Ae' Pol anda' maola Godi, ae' aposel Jisas Kraisi. Anan nandandepe ma eawalipasa basef ananimi. Anan nasapa'e ma igiambama esis amam nematawa nandandepas ea' ananisi ma enda'as sotaga la'ifis sombale'efana sogawa basef endilisimi ma sila waf ananinai.

Taitus 2:14

Krais anan nakwaha ambal bu'unai ananinai ma natala ape' natagahepa ma waf aonai hianai mosambala mi'uli Godi. Anan na'i nondombasa ape' ma motaga epes ananipai atepa bu'upai, ukup mohafela monda' opeh lu'wami ma mila waf hianai bu'unai.

Hibrui 1:14

Dei' amam ensel emi egafum? Amam ambagof bu'wami Godi. Anan nasapa'am mafi'i ma migiambama epes isima dei' God nofa'as sotanimani ma anona nemaf sofa' pe bu'unai.

Revelesen 22:16

Ea' Jisas na'iam wapoti' na'i, “Ae' asapa' ensel ae'anai nafe'mago ipe' ma nowalapa basef amama ma ipe' sios amam nematawa Godi. Ae' atowe ae' dapana nandala nombaf lawag Deviti, bafalomana ananiwei ataga wambota ananinai. Ae' si'i ondo'w anama lala'wan mafifili endilisi nalatawi kuhimbita.