Aposel 27:12 - Basef Buꞌwami Godi

¹² Basis amama sip nafe' naima ina bo'wagon ma sip nilagon nogota anama uf naluwianai, owa'. Ea' amam hiami mape sip ma'i anom basef mandame'mama ma'i mokwaha wambel anama mafe'. I'i amam la'ifim, ma'i mefe' motaga ulal basis amama Finiks ea' mope anama nogota anama launai uf lu'unai naluwianai. Basis amama Finiks mape ailan anama Krit. Anama bo'wagoma ma sip nofe' nondambaho'ma uf naluma. Basis amama mape la'afena aon natefima nowalama.

Aposel 27:12 Iomraidhean Croise

Aposel 2:11

Ape' Juda maloma enis epes maila waf esis Juda sanda' lotuwanai ea' ape' etap hiagoma Krit Arebia, ape' hiapai mame' amam mawalapa basefa pepel maol Godi ma diga hianai naninani.”

Aposel 27:13

Sape nogota bandana nafe' ea' uf so'unai nalo nafi'i aon natopa' nowalama ea' ina la'ifina, owa'. Ea' amam ma'iam ma'i atuwasi amam mofe' andeande' si'i ukup amamumi ma'i. Na'ama magiai anka nalatai ea' wafe' waila naoh atom felefele'ma bandagoma ailan anama Krit.

Aposel 27:21

Nimeguf hiami amam ina ata' ma' gwa'aimi ea' Pol nohafel naitu la'afena amam na'i, “Ipe' peme'. Fowa' ipe' andeande'ma peme' basef ae'ami ma afa' ina okwaha Krit ufi'i ulal. I'i onda'am na'ama, afa' ina dei' ofa' nimanimi amama, ea' amamaga hiahaom maim afa'imi higililam, owa'.

Aposel 27:7

Wafe', sip anama nafe' sa'osa'ombel ama anom nimeguf hi'alam. Wanda'am noma'w nahafa ea' wataga felefele'ma anona wambel Nidus. Uf nalo lu'una nili'akwafa ea' ina ata' wafe' mehip, owa'. Ea' wafe' anona ailan Krit wa'ol uf owa'ma felefele'ma etap Salmone da'malifinama.

Aposel 27:8

Wanda'am noma'w nahafa ea' waila naoh atom wafe' felefele'ma akata ailan anama Krit. Wafe' nogota laona ea' wataga anona wambel Fasiguma Sip Naila. Anama felefele'ma wambel lu'wagoma Lasea.

Taitus 1:12

Fowa' anona aman Kritinai anan gawainai si'i profet na'im na'ama na'i, “Fowa' gani endilisi esis Krit sape epes sambaso'ami ea' dei' wapoti' ata' sape na'ama etin. Esis si'i mafis mape aolopi awami. Ala'uta nas endilisi, sa'oh etin sa' gwa'aimi hiami.”

Taitus 1:5

Ae' akwahina napani ailan Krita nendondomba opeh amama ata' owa' nimbefama nambimb nendandepa anom agufumi mumafi esis Kristeni wambel hiagoma, si'i fowa' a'ipina. Ea' basef amamumi mape na'ama.