Aposel 27:1 - Basef Buꞌwami Godi

¹ Ea' anom dambami Rom ma'i basef mandame'mama afa' ofa' sip ofe' etap hiagoma Itali. Ea' anom dambami masapa' Pol naloma enis epes sanda' kalabusi ma anona soldia dembinai Julius numafias. Anan anona amam soldia gavman dembinai Sisari.

Aposel 27:1 Iomraidhean Croise

Matyu Nandaꞌafi 27:54

Kepten anama dembinai numafi soldia hiami naloma amam soldia mape mumafi Jisasi mati amamaga amama. Nogota anama mati amamaga mataga etap nasol etin napan, umbamaham endilisi ma'i, “Endilisi, aman anama nogalomana Godi.”

Luk Nandaꞌafi 23:47

Ea' kepten numafi amam soldiai naitu nati amamaga amama mataga, ea' nafela agel Godi na'i, “Endilisi, aman anama bu'unai.”

Luk Nandaꞌafi 7:2

Anona aman dembinai nape. Anan kepten numafi soldia hiami 100-peleim. Anona nanda' maola anani awes nanda'ana felefele'ma neaga'. Ea' kepten okom nainailana.

Aposel 10:1

Anona aman nape Sisaria agilinama Kornilius, anan agilinai kepten numafi soldia 100-peleim. Soldia amama hiami sofalam sa'i soldia Italimi.

Aposel 10:22

Ea' ma'ipana ma'i, “Kornilius anan kepten dembinai numafi soldia 100-peleim hiami, nasapa'afa wafi'i. Anan aman nanda' waf bu'unai nanda' lotuma Godi. Esis Juda hiesi sa'i, ‘Anan aman bu'unai.’ Anona ensel Godi na'ipana ma nofalena nefe' ipat ananinai, ma ata' nome' anom basef ine'imi.”

Aposel 16:10

Ea' Pol nati amama, afa' mehip wandoga eaf wafe' etap hiagoma Masedonia. Afa' ogawa God nofalafa ma owalapa basef bu'wami ananimi ma esis.

Aposel 18:2

Ea' nati anona aman Judainai agilinama Akwila. Mamasana solana nataga Pontus. Nimbewa' nakwaha etap hiagoma Itali nafi'i naloma waulu'mana Prisila. Dei' main, Klodius nape dembinai gavman Romunai na'ipa esis Juda mehipa sokwaha Rom sotanima sefe'. Ea' Pol nafe' na'i niti esis bias.

Aposel 19:21

Amama mafe' ea', okom Poli nohafel la'ifina na'i nefe' etap hiagoma Masedonia esis Grik sapoma ea' nefe' Jerusalem. Anan na'iam na'i, “Ae' efe' anama ea' efe' iti Rom wapoti'.”

Aposel 21:32

Ea' mehip anan nao'wa anom soldia masagih makini' ma esis hiesi. Ea' amam Juda mati anan ofisa dembinai nao'wa amam soldia, makwaha Pol ina ata' mahana wapoti', owa'.

Aposel 22:26

Ea' kepten anama name' basef amama, nafe' na'ipa soldia anama dembinai na'i, “Ine' na'i nanda' main? Aman anama anan Romunai!”

Aposel 23:11

Wafilu owamb Dembinai nafi'i naitu felefele'ma Pol na'ipana na'i, “Ine' nitu la'ifina. Ina umbamehena, owa'. Fowa' nawalapa basef ae'ami Jerusalem, ea' nambimb ine' newalapam na'ama etin wambel lu'unai Rom wapoti'.”

Aposel 23:17

Ea' Pol nofala anona soldia dembinai na'i, “Akwolanago aman anama so'unai nefe'mago kepten dembinai ma amam soldia hiami. Anan anom basefa na'i ni'ipanam.”

Aposel 24:23

Ea' na'ipa anona soldia dembinai ma ata' nonda' Pol nuwis nope kalabus nope wafifina etin. Ea' na'i aho'ma esis alupusi ananisi sifi'i sigiambamana ma amamaga.

Aposel 25:12

Ea' Festus ata' na'i basef naloma amam dambami ananimi, na'ipa Pol na'i, “Ine' nefala Sisar ama neme' kot ine'inai, ine' fo'mago Sisar.”

Aposel 25:25

Na'ama ae' ati anan ina nanda' anom amamaga awami ma noga', owa'. Ea' anan nofala gavman dembinai Sisar ma nome' kota anan. Amama atom ae' a'i basefa esapa'ana nofo'o.

Aposel 27:11

Ea' Julius name' dembinai kepten anama numafi amam manda' maol sipi naloma aman anama ofagenama sipi ina mame' basef Pol na'iami, owa'.

Aposel 27:43

Ea' dembinai soldia Julius na'i nigiambama Pol. Ea' na'ipam na'i ina moham afum, owa'. Mope. Ea' na'ipa amam amama mogawa paoli ma motoma mukupa' mopaol mofe' akata.

Aposel 27:6

Wambel anama Julius nati anona sip nafi'i Aleksandria na'i nefe' etap hiagoma Itali. Ea' na'ipafa wafe' walata sip anama.

Aposel 28:1

Afa' wafe' wataga andeande' akata, ea' wame' esis sa'i ailan anama Malta.

Aposel 28:16

Afa' wafe' wataga Rom, gavman Romunai na'i aho'ma Pol atona nope anona ipat noloma anona soldia numafiana nope la'ela'ef.

Hibrui 13:24

Ipe' penda'mago nemaf bu'unai afa'inai ma amam agufumi hiami ipe'imi molomago esis amam nematawa Godi hiesi. Esis Kristen alupusi sape Itali sanda'mepago nemaf bu'unai ipe'.