Aposel 26:23 - Basef Buꞌwami Godi

²³ Amam ma'iam na'ama ma'i, ‘Dembinai Krais ata' nofa' nimanimi, ma nambimb notanima nohafel hi'agif nili'ma epes hiesi. Ama Anan nowalapa basefa epes hiesi sogawam si'i howalagon nikila'i nififima esis ananisi soloma isima sololama Godi wapoti'.’ ”

Aposel 26:23 Iomraidhean Croise

Matyu Nandaꞌafi 26:24

A'e, ataga epen endilisiwei, atuwasi enis epes sehe eaga' si'i Buk Baibel na'iama ae'. Ea' aman anama nowalapa ae' ma naumbih, anan uwahipina endilisi. Nambimb nimanimi awami endilisi motagamana. Fowa' mama'wana owa' ata' kolanai, andeande'. Ama anan ina notagama amamaga nimanimi awami. Owa'etin.”

Matyu Nandaꞌafi 27:53

Esis sokwaha hi'agilif amama sape. Nemaf anama Jisas nohafel wapoti' esis sefe' suwis Jerusalem, wambel bu'unai God nandandepanai. Ea' epes hiesi satilis.

Luk Nandaꞌafi 2:32

So'uso'win inima si'i anona howalagon howalama epes isima sololama Godi nihi'ambas. Ama nonda' amam nematawa ine'isi Israel sofa' agof lu'wami.”

Luk Nandaꞌafi 24:26

Krais anan ata' nili' nofa' nimanimi ea' nigi' nofa' pepel howalagon ananinai nigi'.”

Luk Nandaꞌafi 24:46

Ea' na'ipas na'i, “Fowa' gani amam manda' basef amama mail buk Baibeli ma'i Krais nefa' nimanimi sohana noga' ma nimeguf bi'am hi'ilam anona neafe'ma wanomi, notanima nohafel hi'agif wapoti'.

Jon Nandaꞌafi 10:18

Ina anona aman noha ambal ae'anai ega', owa'etin. Okom ae'anai atona a'i nambimb eaga'. Ae' efa' agel lu'unai ma ega' eahafel wapoti'. Ahalome ae'anai na'ipi basef la'ifimi ea' a'i enda'am na'ama.”

Jon Nandaꞌafi 11:25

Ea' Jisas na'ipakw na'i, “Ofagema epes seahafel wapoti' ma sofa' ambal namunai, ae' atowe. Emi egafis seambale'efa ae'i, anona nemaf saga' ea' sehafel wapoti' sefa' ambal namunai sope andeande' la'ela'ef.

Aposel 13:34

Dei' God nafelona wapoti' hi'agif, ea' anan ina ata' notanima nofe' hi'agif wapoti' folo'olana, owa'. Ea' na'ama etin si'i God na'iam wapoti' na'i, 'Nambimb ae' igiambamepa i'ipipa basef amama endilisimi Ae'ami. Fowa' basef amama a'iam ea' ma a'i i'ipanam Deviti, amama i'ipipa ma Ae' pepe pe bu'unai.’

Aposel 26:18

Ama newala naep asasimi ma esis sowa' alafugaha akota waf aonai somboma opalef sifi'mai howalagon ma sokwaha pepel Satani sifi'mai God. Esis sombale'efa ae' ma ekwaha waf aonai esis sanda'anai. Ama sofa' amamaga bu'wami soloma enis amam nematawa God nanda'as bo'wes ananisi etisi.’

Aposel 26:8

Pol na'ipa king Agripa ea' nandamboma na'ipa amam Juda na'i, “Dei' maina ipe' pa'i basef ina endilisimi ma God owagama nefela esis isima saga'i wapoti? Ipe' pembale'efa basef amama.

Aposel 3:18

Fowa' gani God nawalapa basefa amam profet hiami ma Krais, God nandandepana nasapa'ana nafi'i. Basef amama ma'i Krais nome' nimanimi lu'wami. Ea' waf anama dei' ipe' panda'anai, anama nandahama basef amama amamumi mataga mandawalap alihim.

Aposel 3:24

Ea' amam profet hiami, Samuel naloma amam profet mataga magi'ma anani, hiami ma'iama nimeguf amama dei' mataga.

1 Korin 15:3

Basef ali' ai'ipami, amama ae' fowa' ali' efa'ami. Amama na'ama. Krais naga'ma nakwaha awami ape' manda'ami, si'i Baibel fowa' na'iam.

2 Korin 4:4

God baso'omunai ma etap anae' nasopama opalefa epes isima owa' sembale'efa Godi. Ama basef amama bu'wami ofagema ma nafifili Kraisi ina muwis nomona opalef asasimi, owa'. Esis ina sati Krais nandati na'a si'i God, owa'.

Kolosi 1:18

Anan Dembinai nape nali'ma esis sios amam nematawa Godi si'i alop si'ina Ananinai. Anan atona ofagonama sios sape namis la'ela'ef. Anan nali' damba damba nohafel hi'agif. Ea' dei' Anan atona nape nali'ma amamaga amama hiami numafiam.

Hibrui 2:10

God anan Dembinai fowa' gani nanda' amamaga hiami mataga mape numafiama pepel Ananinai mape andeande', Ananimi atom. Ea' andeande'ma Anan na'i Jisas nefa' nimanimi nanda' eaf ma nokwahomapa waf aonai ape' manda'anai nofa'apa motanimani. God nanda'am na'ama ma nokolasa ape' hiapai nofa'apa mefe' heven miti nafifili Ananinai.