Aposel 26:20 - Basef Buꞌwami Godi

²⁰ Ae' ali' awalapa basefa esis amam nematawa sape Damaskusi ea' awalapama epes sape Jerusalemi ea' awalapama esis sape etap hiagoma Judia ea' afe' awalapama isima sololama Godi wapoti'. Ae' awalapa basefa penda' maol peloma waf bu'unai nendahama epes somboma opalef sefe'ma God.

Aposel 26:20 Iomraidhean Croise

Matyu Nandaꞌafi 3:2

ea' nawalapa basef bu'wami na'i, “Nemaf anama bu'unai ea' felefele' notaga ma epes siowis kingdom heveni. Na'ama dei' ipe' pewa' alafugaha waf aonai pemboma opalef pefe'ma God.”

Matyu Nandaꞌafi 3:8

Ipe' pemboma opalef pewa' alafugaha waf aonai ipe'inai, ea' penda' waf bu'unai ma pihi'ambas ipe' pamboma opalef endilisi paila waf bu'unai.

Matyu Nandaꞌafi 4:17

Ea' dei' Jisas nafela maol na'ipasa basef la'ela'ef. Nawalipasa basef amama na'i, “Nemaf anama bu'unai felefele' neataga ma ipe' piowis kingdom heveni. Na'ama dei' ipe' pemboma opalef pefe'ma God.”

Matyu Nandaꞌafi 9:13

Anom basef mape buk Baibeli ma'i na'ama ma'i, God na'i, ‘Ae' andaiwa'ma ipe' peha mafis pese' ae', owa'. Ipe' piti enis amam nematawa uwahipis pigiambamas, andeande'.’ Ea' ipe' ina pegawa basef amama ofagema, owa'. Dei' pefe' pitalifam pegawam. Dei' main, ae' ina afi'i ma efala epes sanda' waf bu'unai, owa'. Ae' afi'i ma efala epes isima sanda' waf aonai etis.”

Mak Nandaꞌafi 6:12

Ea' nasapa'am mafe' biam atom makwaha basef ma'i, “Ipe' pewa' alafugaha waf aonai, pemboma opalef pefe'ma God.”

Luk Nandaꞌafi 1:16

Anona nemaf enin netaga damben nomboma amam nematawa hiesi Israeli ma nefa'as sotanimani seafe'ma God Dembinai asasinai.

Luk Nandaꞌafi 13:3

Ae' a'ipipa owa'etin endilisi! I'i ipe' owa' pemboma opalefa waf aonai ipe'inai, anona nemaf ipe' hipei pega' na'ama etin si'i esis.

Luk Nandaꞌafi 13:5

Owa'etin. I'i ipe' owa' pemboma opalefa waf aonai ipe' panda'anai, anona nemaf ipe' hipei pega' na'ama etin si'i esis.”

Luk Nandaꞌafi 15:10

Dei' ae' a'ipipa na'ama etin si'i amam ensel Godi mandanifela enin epen nanda' waf aonai nemboma opaf nafe'ma God.”

Luk Nandaꞌafi 15:7

Dei' Jisas na'ipas na'i, “Ae' a'ipipa na'ama etina esis amam nematawa sape heven ilifi sandanifel ma epes isima 99-peleis ambo'wes, ina sanda' waf aonai ma sotanima somboma opalef, owa'. Ea' i'i enin epen nenda' waf aonai ni'i nemboma opaf, esis sape heven ilifi sondanifel endilisi ma enin. Danifel asasinai nikila' sandanifela epes isima sape bu'wasi.

Aposel 11:18

Esis same' basef amama Pita na'ipasami ea' ukup mase'asa basef amama asasimi safela agel Godi sa'i, “Dei' ape' mogawa God namboma opalef esis amam nematawa owa' Judaisi ma esis wapoti' safe'ma anan sope ambagof namumi.”

Aposel 15:19

Dei' okom ae'anai nape na'ama. Epes hiesi owa' Judaisi samboma opalef safe'ma God ea'i, ape' ina mose'asa nimanimi esis, owa'.

Aposel 17:30

Fowa' gani epes owa' seagawanai, God ina na'i basef mamumami ma amamaga hiami esis sanda'am nogota anama, owa'. Ea' dei' anan na'ipas na'i mehip epes hiesi ma wambel etap hiagoma na'i, ‘Ipe' pemboma opalef pila Ae'.’

Aposel 2:38

Ea' Pita na'ipas na'i, “Ipe' hipei pemboma opalef ipe'imi pila God ea' ipe' hipei atona etin pefa' baptaisa agel Dembinai Jisas Krais ma God nokwaha waf aonai ipe'inai. Ipe' penda'am na'ama, nambimb God nese'epa Ambal Bu'unai Ananinai nope nolomepa.

Aposel 20:21

Ae' a'i basef la'ifimi ma esis Juda saloma isima owa' Judaisi wapoti' ma sowa' alafugaha waf aonai somboma opalef sefe'ma God, sombale'efa dembinai ape'inai Jisas.

Aposel 26:17

Nambimb ae' etagahina lagof esis epes hiesi ine'isi Juda ea' etagahina ma lagof isima enis epes sololama Godi wapoti'. Ae' esapa'ena nefe'ma epes isima.

Aposel 26:19

Dembinai king Agripa, ae' ati amamaga amama mataga heveni ea' ina esambala basef amama, owa'.

Aposel 3:19

Dei' ipe' pemboma opalef pila Goda nokwahomepa waf aonai ipe' panda'anai.

Aposel 9:15

Ea' Dembinai na'ipana nasapa'ana na'i, “Ine' fo'o. Aman anama nambimb nonda' maol Ae'anai. Ae' andandepana ea' ma nefe' ni'ipasa basefa agel ae'anai enis amam nematawa owa' Judaisi soloma amam dambami king asasimi moloma esis Israel wapoti'.

Aposel 9:35

Ea' epes hiesi wambel anama biefina Lida naloma Saron satolona samboma opalef safe'ma Dembinai.

Basef Amama Pol Nandaꞌam Mafeꞌma Esis Romi 2:4

God nanda'epa andeande' endilisi, ea' ata' nape nohafepa nogota launai, ina nagwamepa waf aonai nase'epa nimanimi ulal, owa'. Waf anama bu'unai Godi ipe' ukup ma'i falafunai? Anan nanda'mepa waf anama bu'unai ma ata' pemboma opalef. A'i ipe' pegawa amama?

2 Korin 3:16

Ea' emi egafis somboma opalef sefe'ma Dembinai, dei' lowaf anama nendatagah.

2 Korin 7:10

Waf Godi na'ama. Nimanimi maim anan nawalapami manda'apa mamboma opalef mafe'ma anan nokwahomapa waf aonai nofa'apa motanimani. Ea' mape andeande'. I'i opalef nimanima waf etapanai, anama aonai nawalapai waf saga' safe' wambel aonai.

Efesus 4:17

Dei' a'i i'ipipa anom basef. Ipe' pape la'ifipa paloma Jisas Dembinai dei' a'ipipa basef la'ifima ma agel Ananinai. Ipe' ina ata' pila waf anama sololama Godi sailanai, owa'. Hapainai. Epes isima ukup asasimi mapoma waf falafunai atona.

1 Tesalonaika 1:9

Dei' esis etis sa'i basefa ipe' pandanifel pa'i nemaf bu'unai ma afa' ea' pame' basef afa'imi fowa' afa' wanofa wafe'mago ipe'. Esis sa'i ipe' pakwaha amamaga amama ambagof awami fowa' ipe' panda' lotumami. Ea' pamboma opalef pafe'ma God. Ea' dei' panda' maola God endilisinai, owa' neaga'i, nape la'ela'ef.

Revelesen 16:11

Esis ukup mapoma nimanimi maloma maselis asasimi, dei' sa'i basef awami findiwaimi ma God nape heveni. Ina samboma opalef sowa' alafugaha waf anama aonai esis sanda'anai, owa'.

Revelesen 2:21

Ae' a'i akwa'w komboma opaf, amama atom dei' Ae' ata' animbalo'w kwape anom nimeguf, owa'etin. Akwa'w ina kwa'i komboma opaf kowa' alafugama waf anama aonai so'a waolanai, owa'.

Revelesen 2:5

Dei' ukup mi'i' waf anama bu'unai fowa' pali' panda'anai. Ea' pemboma opalef pilana penda'ana pigi'mana wapoti' si'i fowa' dambadamba panda'ana. I'i ipe' owa' pemboma opalef, anona nemaf ae' ifi'i etagamepa ili'amona gol amama ipe'imi lam natamonomi.

Revelesen 3:3

Ipe' ukup mopoma basef amama Ae'ami fowa' pali' pame'am pefa'am ea'i. Pigi'mam pemboma opalef pekwaha waf aonai pifi'mai Ae'. I'i ipe' owa' pehafel ulal pekwaha koh, nambimb Ae' ifi'i endambaho' etagamepa si'i epen nanda' wali nafi'i nataga ea' ina pegawa maina nogota ae' eatagamepa, owa'.