Aposel 26:18 - Basef Buꞌwami Godi

¹⁸ Ama newala naep asasimi ma esis sowa' alafugaha akota waf aonai somboma opalef sifi'mai howalagon ma sokwaha pepel Satani sifi'mai God. Esis sombale'efa ae' ma ekwaha waf aonai esis sanda'anai. Ama sofa' amamaga bu'wami soloma enis amam nematawa God nanda'as bo'wes ananisi etisi.’

Aposel 26:18 Iomraidhean Croise

Matyu Nandaꞌafi 4:10

Ea' Jisas nagwamana basef na'i, “Satan, nekwahae fo'o. Dei main, Baibel na'iam na'ama na'i, ‘Ipe' penda' lotuma Dembinai God ipe'inai atona ea' penda' opeh ananimi atom.’ ”

Matyu Nandaꞌafi 4:16

Ea' sape si'i epes isima sape owamb atonai, si'i saga'i. Owagama gani sieti owaf lu'unai niluwi sotologon andeande'.”

Luk Nandaꞌafi 1:77

Ama neawalipa amam nematawa ananisi seagawa anan nefa'as seatanimani. Ama neakwaha waf aonai asasinai.

Luk Nandaꞌafi 1:79

Ama howalama epes sape akoti, ea' isima ga' na'i neatagamasi. Ama nenindina ape' ma meape eaf opalef awanami.”

Luk Nandaꞌafi 2:32

So'uso'win inima si'i anona howalagon howalama epes isima sololama Godi nihi'ambas. Ama nonda' amam nematawa ine'isi Israel sofa' agof lu'wami.”

Luk Nandaꞌafi 24:45

Anan nihi'ambas andeande'ma ukup asasimi ma segawa basef mail Buk Baibeli.

Luk Nandaꞌafi 24:47

Ama agel ananinai anona nemaf alupusi ananisi sili' sowalapa basef Jerusalem ea' si'ipasam amam nematawa hiesi hi'ilas sape wambel hiagomai ma seamboma opalefa God nokwahomasa waf aonai esis sanda'anai.

Luk Nandaꞌafi 4:18

“Ambal bu'unai Dembinai nape ae'. Ea' nandandepe ma eawalapa basef bu'wami ma epes isima kwahusi amamaga a'ami. Nasapa'e afi'i ma ewalapa basef na'ama i'i, ‘Ipe' panda' kalabusi pekwaha kalabus pefe' wafifipa. Ipe' epes naep masi'ipei, ipe' piti andeande' wapoti'. Anan nasapa'e afi'i iegiambama isima sofa' nimanimi seape andeande'.

Jon Nandaꞌafi 17:17

Basef ine'imi amama endilisimi. Ine' nenda' esis sotaga ine'isi etis bo'wes ma basef amama.

Jon Nandaꞌafi 3:19

Basef ofagema ma kot lu'unai anama na'ama. Howalagon nafi'i nataga etap anae', ea' esis ukup maimaila waf anama etapanai atona si'i sape owamb, sandaiwa'ma howalagon. Dei' maina esis sandaiwa'? Esis sanda' waf aonai na'ama dei' sandaiwa'.

Jon Nandaꞌafi 4:10

Ea' Jisas nagwama'wa basef akwa'w na'i, “I'i ine' okom nopeina ma neagawa anom amamaga bu'wami pressen God na'i neasi'inami, ama ine' negawa aman anama nahali'inai ma embel, ine' nihali'anama anom embel ambal namunai napaimi Anan nese'enam.”

Jon Nandaꞌafi 4:14

Ea' emi egafis sea' embel amama ae' a'i iese'asami, esis ina nambimb eap nese'as wapoti' ma nimeguf hiami la'ela'ef sope, owa'etin. Embel amama ae' ase'asami nambimb mataga si'i embel mataga etin mawai lae'la'ef mape ma nomon opalef asasimi sofa' ambal namunai sope andeande' la'ela'ef hihif.”

Jon Nandaꞌafi 8:12

Ea' Jisas na'ipa amam nematawa wapoti' na'i, “Ae' si'i howalagon nafi'i etap. Emi egafis siela ae' esis ina nambimb sefe' akota eaf asasinai, owa'. Esis sope howalagoma ambal namunai nupais.”

Jon Nandaꞌafi 9:39

Ea' Jisas na'i, “Ae' afi'i etap anae' ma eawaloga epes hiesi hi'ilas. Ama esis naep mase'asi nambimb seati andeande' ea' isima naep matiasi ea' naep mease'as.”

Jon Nandaꞌafi 9:5

Ae' ata' ape etap anae' ape si'i nagwapin howalagon ipe'iwei ipe' hipei pape etapi.”

Aposel 10:43

Amam profet hiami ma'iama anan na'ama ma'i, ‘La'ifimi agel ananinai atona God nakwaha waf aonai esis amam nematawa emi egafis sembale'efanai.’ ”

Aposel 13:47

Dei' main, Dembinai na'ipafa mehipa anom basef mail buk Baibeli ma'i na'ama ma'i, ‘Ae' anda' ipe' si'i howalogon ma enis epes owa' Judaisi. Ama ipe' pigiambama esis amam nematawa sape wambel hiagomai ma etap anae'. Ama owagama efa'as sotanimani.’ ”

Aposel 15:9

Anan ina nanda' anona wafa ape' ea' nonda' anona waf esis, owa'. Esis sembale'efa God amama atom opalef asasimi mataga bo'om si'i afa'.

Aposel 2:38

Ea' Pita na'ipas na'i, “Ipe' hipei pemboma opalef ipe'imi pila God ea' ipe' hipei atona etin pefa' baptaisa agel Dembinai Jisas Krais ma God nokwaha waf aonai ipe'inai. Ipe' penda'am na'ama, nambimb God nese'epa Ambal Bu'unai Ananinai nope nolomepa.

Aposel 20:21

Ae' a'i basef la'ifimi ma esis Juda saloma isima owa' Judaisi wapoti' ma sowa' alafugaha waf aonai somboma opalef sefe'ma God, sombale'efa dembinai ape'inai Jisas.

Aposel 20:32

Dei' anda'epa ukup mopoma God noloma basef ananimi. Basef amama ma'ipipa Anan okom nainailipa ma nagiambamepa etin. Amama la'ifima monda'epa petaga la'ifipa mose'epa amamaga bu'wami atom God nase'asam amam nematawa anan nanda'as bo'wes ea' Ananisi etis.

Aposel 26:19

Dembinai king Agripa, ae' ati amamaga amama mataga heveni ea' ina esambala basef amama, owa'.

Aposel 26:23

Amam ma'iam na'ama ma'i, ‘Dembinai Krais ata' nofa' nimanimi, ma nambimb notanima nohafel hi'agif nili'ma epes hiesi. Ama Anan nowalapa basefa epes hiesi sogawam si'i howalagon nikila'i nififima esis ananisi soloma isima sololama Godi wapoti'.’ ”

Aposel 3:19

Dei' ipe' pemboma opalef pila Goda nokwahomepa waf aonai ipe' panda'anai.

Aposel 5:31

Ea' God nofa'ana nalata ilif nahaponana nape lagel da'isinai ananinai. Ea' nape agilinai ma nigiambama ape' Israel hiapai. Anan na'i nofa'apa ma momboma opalef mila God nokwaha waf aonai ape' manda'anai.

Basef Amama Pol Nandaꞌam Mafeꞌma Esis Romi 8:17

Ape' mape awasi Godi. Ea' anona nemaf mofa' amamaga bu'wami Ahalomapai moloma amamaga anan nambe'ama Krais numafiami mofa'am moloma Krais. I'i dei' ape' mofa' nimanimi molomana, anona nemaf mofa' pe bu'unai endilisi nonda'apa mififil molomana.

1 Korin 1:30

God nahapona ipe' pape la'ifipa paloma Krais Jisas ea' God nanda' Krais nape ofagonama gawa ape'inai. Anan atona eaf ape'inai ma God nanda'apa mope bu'upai ma naep ananimi ma mope ananipai atepa. Anan atona natalepa nakwahepa ma waf aonai ma mape wafifipa.

2 Korin 4:4

God baso'omunai ma etap anae' nasopama opalefa epes isima owa' sembale'efa Godi. Ama basef amama bu'wami ofagema ma nafifili Kraisi ina muwis nomona opalef asasimi, owa'. Esis ina sati Krais nandati na'a si'i God, owa'.

2 Korin 4:6

Fowa' gani God nati owamb atona na'i, “Lala notaga.” Dei' na'ama etin nanda' nafifili ananinai nataga ma afa' nanda' opalef afa'imi mafifil endilisi. Nafifili anama nihi'ambapa gawa ma nafifili pepel Godi nape la'ela'ef. Ape' mati anama ma waf Jisas Kraisi nafifili nataga amaga ananinai.

2 Korin 6:14

Epes isima owa' sombale'efa Godi, ipe' ina pelomas pepe pefe' etifigin atogon, owa', hapaisi. Dei' main, waf anama bu'unai ina nape etifigin naloma waf anama sosambala basef Godi, owa'. Dei' maina owambi alip mandakolas etifigin? Owa'etin.

Galesia 2:20

Ae' ina ape namowe ma ambal ae'anai atona, owa'. Krais atona nape namunai opaf ae'anai. Dei' ape etap anae', ape aila pepel Nogalomana Godi embale'fa Anan atona. Anan okom nainaili endilisi, naso' ambal Ananinai God ma nagiambame.

Galesia 3:14

Krais Jisas nanda'am na'ama ma nanda' amamaga bu'wami God na'ipa Abrahamami motagama enis epes sololama basef Godi. Nanda'am na'ama ma ape' mombale'efa basef bu'wami ma mofa' Ambal Bu'unai Ananinai si'i fowa' na'i basef endilisimi atom.

Galesia 3:2

Ae' a'i ihali'ipa ma basef etifim. Fowa' ipe' pefa' Ambal Bu'unai Godi nape opalef ipe'imi, ipe' paila waf si'i mi'uli God naso' Mosesanai na'iam pefa'ana o pame' basef bu'wami Godi atom pembale'efam pefa'ana?

Efesus 1:11

God nanda' amamaga amama hi'alam naila fowa' damba damba Anan okom na'iam. Ea' nosahe'apa mape la'ifipa maloma Jisas Krais. Dei' main, Anan naila okom ananinai si'i fowa' damba damba okom na'iam.

Efesus 1:14

Nihi'ambepa ape' mogawa endilisi la'ela'ef mopoma anona nemaf nose'apa amamaga bu'wami ape' epes ananipai. Anan nose'apam nemaf anama notagahepa nofa'apa mofe' mope molomana. God nanda'am na'ama ma ape' monda' epes hiesi sefela agel ananinai lu'una, agel anama bu'unai endilisi.

Efesus 1:18

Ae' anda' beten ahali'ana ma nonda' ukup ipe'imi pegawa waf bu'unai ma amamaga bu'wami Anan nofalepa pape pehafami. Ma pegawa ambal namunai mape la'ela'ef noloma wambel Godi nahopagoma howalagon endilisima. Amama God nandondomba ma anona nemaf na'i nose'apa moloma epes ananisi endilisi.

Efesus 1:7

Krais atona naga' natagahepa ma waf aonai natalepa esimbel Ananimi. Ea' nakwaha waf aonai ape' manda'anai. Anan nanda'am na'ama si'i okom Godi nainailapa endilisi ma waf nagiambamapa na'a.

Efesus 2:8

Dei' main, God nagiambamepa na'a, amama atom dei' nofa'epa pitanimani pembale'efa Krais. Amamaga amama ina ipe' etipa panda'am, owa'etin. God atona nase'epam na'a.

Efesus 4:18

Gawa ma ukup asasimi si'i owamb atona. Esis sololama gawa bu'unai, satotopa' basef, opalef asasimi mase'as. Amama atom dei' sape ande' laogona ambal namunai Godi.

Efesus 5:11

Ipe' ina peloma epes isima sanda' waf aonai si'i sape owambi pendao'oma atogon etin, owa'. Waf anama wafinai atona ina nola gwa'imi bu'wami, owa'. Ipe' pekwaha epes isima hiesi sanda' waf anama aonai.

Efesus 5:14

Dei' main, maim amamaga mataga alihim mandawalap, amama mataga mape howalagoma. Amama atom dei' anom basef mape ma'i na'ama ma'i, “Ipe' epes pa'ihi dei' hafel mehip pekwaha koh! Ipe' pehafel hi'agif ea' Krais nese'epa howalagon mififima ipe'.”

Efesus 5:8

Dei' main, fowa' ipe' ata' panda waf aonai si'i pape owamb. Ea' dei' pape la'ifipama paloma Jisas Dembinai, amama atom dei' nahaponepa papoma si'i pape howalagoma. Ipe' pefe' si'i epes safe' alip howalagoma.

Efesus 6:12

Dei' main? Ape' ina manda' wandaf maloma epes, owa'. Ape' manda' wandaf mapa' maloma ambagof gambefah awami mape mali'i maloma amam agufumi awami maloma amam ensel awami maloma pepel hianai aonai mumafi epes sanda' waf aonai etap anae'. Ape' mapa' maloma ambagof awami hiami mape la'afena otaga naloma etap.

2 Timoti 2:26

Fowa' Satan naolo'as isag ananinai ma saila basef ananimi. I'i esis sogawa basef amama endilisimi, nambimb ukup asasimi motaga alihim wapoti' ma sokwaha isag anama Satani sifi'mai God.

Hibrui 10:10

Jisas Krais naila okom Godi atona andeande' nase'ana alop ananinai nondolalimana nemaf atotona ea' ma'um. Amama atom dei' nanda'apa mataga bu'upai Ananipai atepa.

Hibrui 10:14

Dei' main, Krais nase'ana alop ananinai atona God nondolalimana nemaf atotona, ea' amama atom nanda' epes sataga bo'wes andeande' sope la'ela'ef. Epes isima Anan dei' nape la'ela'ef nanda'as anona nemaf sotaga bo'wes andeande'.

Hibrui 11:6

Epes owa' sembale'efa God, esis ina nambimb sila okom Ananinai, owa'. Dei' main, emi egafis si'i sefe' felefele'ma God, esis sombale'efana sogawa endilisi Anan nape namunai la'ela'ef. Ea' sembale'efana ma God nose'as amamaga bu'wami epes isima sagolopana endilisi.

Hibrui 9:15

Amama atom dei' Krais nape la'afen numafi basef amama dambaimi God na'i endilisimi atom. Anan naga' ma natala esis amam nematawa notagahis ma waf aonai esis sanda'anai nogota anama sape owina basef God nali' na'i endilisimi atom. Ea' dei' emi egafis God nofalasa sigi'mana, esis sofa' ambal anama namunai sope andeande' la'ela'ef. Amama ambal namunai si'i fowa' gani God na'i endilisimi atoma sofa'ami.

Jems 2:5

Ipe' sahin owan ae'ipei, ipe' peme'! God nandandepa epes isima kwahusi ma otamba hiahaom maim ma dei' sape la'ifis sombale'efana la'ela'ef sape bo'wes andeande' si'i epes isima amamaga hiamisi. Anan nandandepasa sofa' amamaga bu'wami wambel Ananinai. Amamaga amama na'i basef endilisimi atom la'ifimi noso' emi egafis ukup maimaila Godi.

1 Pita 1:4

Ea' dei' mape mohafana anona nemaf nose'apa amamaga bu'wami endilisi. Amama bo'om endilisi, ina anona nemaf aom folo'olam hi'ilam, owa'. Amama mape bo'om la'ela'ef, God nambe'am ma'oh mohafa ipe' otaga ilif.

1 Pita 2:25

Esis sahambombaga alop ananinai sanda'ana melegw matomana, amama atom dei' nanda'apa bo'opa wapoti'. Fowa' ipe' pelolama eaf si'i sipsip owa' sumafiami. Ea' dei' ipe' petanima pafi'i ma Dembinai numafi ipe' paloma ambagof ipe'imi andeande' si'i anona numafi sipsipi numafiam andeande'.

1 Pita 2:9

God nosahe' ipe' ea' pape epes Ananipei. Ipe' panda' maola dembinai king Jisas Krais pendilalimana si'i pris. Ea' pape amam nematawa Godi etipa epes hiesi ganima hiagoma. God nosahe'epa ea' Ananipei etipa ma pewalapa pepel bu'unai naloma agel lu'unai Ananinai. Anan nofalepa nanda'epa pakwaha owamb pafi'mai nafifili bu'unai Ananinai.

1 Jon 1:9

I'i ape' mowalapa waf aonai ape' manda'anai alihina, atuwasi Anan nokwahomapa waf hianai aonai ape' manda'anai nosa'opapa motaga bo'opa andeande'. Basef fowa' na'i endilisimi atom nonda' waf bu'unai andeande'.

1 Jon 2:12

Ipe' awasi ae'ipei, God nakwaha waf aonai ipe' panda'anai hi'alana ma agel Kraisi. Amama atom dei' anda' basef amama mafe'mago ipe'.

1 Jon 3:8

Satan nanda' waf aonai fowa' damba damba nafi'i nafi'i dei' ata' nape la'ela'ef. Emi egafis sanda' waf aonai la'ela'ef sapomanai, esis epes Satani. Nogalomana Godi nafi'i nataga nandawalapa main? Ma nohambombaga opeh Satan nanda'ami.

1 Jon 5:19

Ape' mogawa ape' awasi Godi, ea' isima owa' awasi Godi sape owina aman aonai Satan anan dembinai asasinai.

Basef Ifimba Jut Nandaꞌafi 1:1

Ae' Jut anda' maol ape owina Jisas Krais, ae' owalomana Jemsi. Ae' anda' basef amama mafe'mago ipe' amam nematawa God nandandepepa ea'. Mafe'mago ipe' Ahalomapa God okom maimailipei, ipe' Jisas Krais atona nili'akwapa.

Revelesen 21:27

Ea' amamaga awami moloma epes emi sanda' waf naninani aonai soloma emi egafis sa'i basef baso'maimi soloma emi egafis sanda' waf aonai nanda' epes ambagof aom, epes isima ina sefe' siwisa wambel anama, owa'. Sipsip Noganai nanda' agof enis epesi mail buk anama agof epes sofa' ambal namunai mailanai, epes isima etis anona nemaf sefe' suwis wambel anama.