Aposel 26:16 - Basef Buꞌwami Godi

¹⁶ Ea' ine' hafel nitu. Ae' afi'mai ine' ma amamaga amama. Ae' a'i esahe'ena ma nihapila maol ae'anai, newalapa basefa amamaga ine' natoloma ae'i. Ea' amamaga amama owagama ae' ihi'ambenam.

Aposel 26:16 Iomraidhean Croise

Luk Nandaꞌafi 1:2

Fowa' dambadamba Jisas nafela opeh nanda'am ea' amam dambadamba mali' mati amamaga amama naep amamumi dei' mawalipafa basef amama ea' afa' wanda'am mail buk.

Aposel 1:17

Jisas nandandepana anan alupunai afa'inai nanda' maol anama Jisasi naloma afa'.”

Aposel 1:25

nofa' maol aposel noho'ofa aman anama Judas. Anan nakwaha maol anama nafe' wambel aonai ma God nogwamana waf aonai ananinai.”

Aposel 20:24

Ea' ae' ina okom napoma ambal ae'anai atona nope, owa'. Ea' ina la'ifiwi ma ihapila ambal ae'anai la'ifina, owa'. Ae' a'i ila eaf anama ilana efe' embefana. Ae' a'i enda'ana hi'ilana andeande' maol anama Dembinai Jisas nasi'ianai. Maol anama ewalapa basef bu'wami Godi nagiambamapa na'a nofa'apa motanimani.

Aposel 21:19

Pol nanda'mam nemaf bu'unai ea' na'ipama amamaga hiami ma God nagiambamana nanda'am la'afena esis amam nematawa epes hiesi sololama Godi.

Aposel 22:10

Ea' ae' a'i, ‘Dembinai, dei' ae' atuwasi enda' main?’ Ea' Dembinai na'ipi na'i, ‘Ine' hafel nefe' niwis Damaskus ama atuwasi anona aman nofo'o ni'ipina maol hianai Godi na'i ine' neanda'menanai.’

Aposel 23:11

Wafilu owamb Dembinai nafi'i naitu felefele'ma Pol na'ipana na'i, “Ine' nitu la'ifina. Ina umbamehena, owa'. Fowa' nawalapa basef ae'ami Jerusalem, ea' nambimb ine' newalapam na'ama etin wambel lu'unai Rom wapoti'.”

Aposel 26:15

Ea' ahali'ana a'i, ‘Dembinai ine' emi?’ Ea' Dembinai na'i, ‘Ae' Jisas, ine' nahambombage.

Aposel 6:4

Ea' afa' opoma onda' beten etin ea' wi'ipasa basef Godi amam nematawa wigiambamas.”

Basef Amama Pol Nandaꞌam Mafeꞌma Esis Romi 1:5

Lagof Jisasi atom God nagiambame nanda'e la'ifiwi anda' maol aposela afela agel Jisas Kraisi lu'una. Anan nanda'am na'ama ma anona nemaf amam nematawa hiesi sembale'efana sila basef ananimi.

Basef Amama Pol Nandaꞌam Mafeꞌma Esis Romi 15:16

Ea' anan nanda'e ape anda' maola Krais Jisas anda'am la'afena esis sololama Godi owa' Judaisi. Anda' maol si'i amam mondolali ma Godi awalapa basef bu'wami ananimi. Ae' a'i efa'ai epes isima owa' Judaisi sifi'mai Anan ea' Ambal Bu'unai Ananinai nonda'as sotaga epes Godi etis bo'wes andeande' ese'anas Anan si'i ofa anan okom na'iami endilisi.

2 Korin 4:1

God na'i afa' uwahipifa dei' nase'afa maol anama. Ea' dei' afa' ina otanima ma maol anama, owa'.

2 Korin 5:18

God atona ofagonama waf anama epes sataga dambais. Fowa' ape' ata' mape naumbih malomana, ea' Krais nataga nanda'apa mape opalef etifim maloma God. Ea' God nase'afa maol anama ma wigiambama anona onda' esis naumbih ananisi sotaga opalef etifim solomana.

Galesia 1:12

Ae' ina efa'ama enin epen, owa'. Ina enin epen nawalipi basef amama ofagema, owa'. Jisas Krais atona nawalipi basef amama bu'wami.

Galesia 2:2

God nihi'ambe na'ama ea' afe'. Basef amama bu'wami awalapam esis anona wambota owa' Judaisi ihi'ambama esis Kristen sape Jerusalemi wapoti'. Ea' aloma amam agufumi atom mape, ihi'ambamam. Ae' andaiwa'ma maol fowa' anda'anai naloma dei' anda'anai notaga falafunai atona, owa'.

Efesus 3:3

Maol anama Anan nasi'ianai nape na'ama. Basef Ananimi bu'wami fowa' ata' mandambaho', dei' God nawalapameam alihim anda'am bandam mail pas amama.

Kolosi 1:23

Ea' ipe' pembale'efa basef bu'wami Godi la'ifipa la'ela'ef ma pitu la'ifipa endilisi si'i olaf nali'i nanda' ipat la'ifina. Na'ama ukup mose'epama pegawa endilisi anona nemaf pefa' amamaga amama bu'wami basef bu'wami Ananimi ma'iami. Basef amama pame'am ea' sawalipasama epes hiesi sape etap hiagoma. Basef amama ae' Pol ataga aman anda' maola awalipasami.

Kolosi 1:25

Ae' ataga aman anda' maol agiambama sios amam nematawa Godi na'ama. God nandandepe dei' ataga aman anda' maol a'ipipa basef hiami ananimi hi'alam.

Kolosi 1:7

Ipe' peme' basef amama bu'wami Epafras nawalipipami ea' pegawam. Anan epen bu'unai afa' ukup maimailana nanda' maola Krais nalomafa wandao'oma wanda' maol atotona. Anan naho'ofafa nagiambama ipe' ea' numafi maol Kraisi andeande'.

1 Timoti 1:12

Dembinai ape'inai Krais Jisas nase'e pepel, okom napoma ae' bu'uwai anda' maol ananinai nanda'e anda' maol anama, ea' anifelona.

1 Timoti 4:6

I'i ine' ni'ipasa basef amama esis Kristen alupusi, nambimb nepe epen bu'unai nonda' maol Krais Jisasi. Ea' nefa' pepel lu'unai ma basef mefela bale'ef ine'inai ma gawa bu'unai.

2 Timoti 4:5

Ea' ine' la'ela'ef okom nopeina andeande' nimafi alop ine'inai andeande'. Nemaf anama nimanimi motagamena nepe la'ifina nenda' maol Godi newalapa basef bu'wami ma esis amam nematawa sololama Godi. Nenda' maol anama ma nigiambamas nenda'ana endilisi nimbefana.