Aposel 26:11 - Basef Buꞌwami Godi

¹¹ Ea' nimeguf hiami ae' ase'as nimanimi Kristen isima ahas nomon ifagw esis Juda sa'i basef sapeimi hiami. Ae' a'i enda' esisa sonda' Dembinai findiwana ma sokwaha basef Dembinai. Ae' okom wandafuna endilisi ma esis, ailas afe' anona wambel laogoma lu'wagoma.

Aposel 26:11 Iomraidhean Croise

Matyu Nandaꞌafi 10:17

Ipe' pindumafuma andeande'ma anom amam. Anona nemaf sonda' kotimipa ma amam dambami Juda ea' sehepa nomon ifagw esis Juda sa'i basef sapeimi.

Mak Nandaꞌafi 13:9

Ipe' pindumafuma andeande'. Anona nemaf sonda' kotimipa ma gavman dambami asasimi. Ea' sehepa nomon ifagw esis Juda sa'i basef sapeimi. Ipe' pame' basef ae'ami paila ae'i amama atom dei' sondaiwa'mepa sonda'epa pitu naep kingi moloma gavman dambami ma peawalapa basef ae'ami bu'wami pi'ipasam.

Mak Nandaꞌafi 3:28

Amam mawalipasa mi'uli Godi mambaso'am manda' findiwana ma'i, “Anona ambal aonai nagiambama Jisas nanda' maol ananinai.” Ea' Jisas na'ipam na'i, “Endilisi etis ae' a'ipipa, anona nemaf God nokwaha waf aonai naninani hianai noloma basef findiwaimi hiami amam nematawa sanda'ami hi'ilam. Ea' emi epen nenda' basef findiwama Ambal Bu'unai Godi, God anona nemaf owa'etin endilisi ma nokwaha findiwa anama aonai ma epen inima nanda'anai, owa'. Findiwa aonai la'ela'ef nopein dei' nefe' anona nemaf wapoti' la'ela'ef nope.”

Luk Nandaꞌafi 15:17

Anan nape na'ama anom nimeguf, okom ananinai nogawa andeande' ea' na'iam na'i, ‘Amam hiami manda' maola ahalome ae'anai amam gwa'aimi hiami endilisi. Ea' ae' ape na'ae nolomahe endilisi.

Luk Nandaꞌafi 21:12

Amamaga amama hiami ina motaga mehip, ata' owa'. Esis sili' sombalo' ipe' paila basef ae'ami. Ea' sonda'epa kwapete'epa. Sonda'mepa kot nomon ifagw esis Juda sa'i basef sapeimi ea' sonda'epa penda' kalabus. Ea' sofa'epa pefe' sohaponepa pitu naep amam king moloma gavman dambami. Ipe' pefela agel ae'anai paila basef ae'ami. Amama atom sonda'epa na'ama.

Luk Nandaꞌafi 6:11

Ea' amam Farisi maloma amam mawalipasa mi'uli Godi opalef wandafum kwapete' endilisi ma anan. Ea' manda'ipama ma'i, “Afa' nambimb onda' maina Jisas?”

Aposel 13:45

Na'ama esis Juda sati amam nematawa hiesi sandakolasi, ea' ukup kowalam endilisi. Ea' sa'i basef awami ma Pol sa'i anan nambaso'mas.

Aposel 18:6

Ea' esis Juda sosambala basef ananimi sanda' anan findiwana. Ea' nanda'masa anona ikwaf nihi'ambasa waf aonai esis sanda'anai. Nandilama sopof usas mail luwaguf ananimi ma'oma esis na'ipasa basef la'ifimi na'i, “I'i ipe' hegililipa, ofagema ipe'imi atom. Ae' basef a'e ma amama. Dei' ae' efe'ma iwalipa amam nematawa isima owa' Judaisi.”

Aposel 22:19

Ea' a'ipa Dembinai a'i, ‘Dembinai, na'ama owa'. Esis sogawa ae' fowa' afe' ifagw hiami esis Juda sa'i basef sapeimi embalo' esis amam nematawa hiesi sombale'efa ine' ahas.

Aposel 22:5

Pris dembinai naloma amam agufumi hiami esis Judai mogawa andeande'ma mowalapa basef amama endilisimi. Amam mase'e pas manda'asa amam sahin owan amamisi Juda sape Damaskus, ea' ae' afe' Damaskus a'i embalo' esis sape wambel anama ewa'as sen. Ae' a'i efa' esis saila eaf anama sefe' Jerusalem sofa' nimanimi ma amam plisman mohas.

Aposel 9:1

Fowa' basef amama ata' owa' motagae, nogota anama Sol nanda'am na'ama. Anan na'i basef la'ifimi endilisi ma naha esis alupusi saila Dembinai nohas soga'. Ea' nafe'ma pris dembinai nape nali'ma pris hiami.

Jems 2:7

God nase'epa agel bu'unai Krais ea' ipe' Ananipei. Epes isima etis sa'i basef awami sanda' findiwama agel anama.

2 Pita 2:16

Ea' neme' basef la'ifimi ma'ipana mehipa nokwaha waf anama aonai. Basef amama donki ananinai atona noga na'ipanam si'i epen na'i nasopama eafa waf anama aonai ukup mase'asanai profet anama na'i nonda'anai.