Aposel 25:6 - Basef Buꞌwami Godi

⁶ Festus nape nalomam nimeguf 8-peleim o 10-peleim, ea' nakini' wambel Sisaria. Wafilu nafe' nawis ipat sandakota na'ipa amam soldia mo'wa Pol mifi'i.

Aposel 25:6 Iomraidhean Croise

Matyu Nandaꞌafi 27:19

Pailat nape ipat anama sanda' kotanai, waulu'mana anani'wi kwanda' basef mafi'mai anan kwa'i, “Ina nenda' anom amamaga awami ma aman anama bu'unai, owa'. Ae' do'ok a'oh owamb andondo'ah atolona ea' efa' nimanimi lu'wami ma Anan.”

Jon Nandaꞌafi 19:13

Pailat name' basef amama atom, nofa'ai Jisas nawisi nataga ande' ea' nape anona sia amam dambami jas mapeinai. Anama alihiguma sa'i otamba atom ma'oma. Eaf anama diga Hibrui sa'i Gabata.

Aposel 25:1

Festus nafi'i nofa' maol nape dembinai gavman numafi etap hiagoma fowa' Feliks numafiagoma. Nape nimeguf wanom ea', nakwaha wambel Sisaria nondowasa' Jerusalem.

Aposel 25:10

Ea' Pol na'i, “Ipat anae' ae' dei' aituanai, anae' ipat Sisari sanda' kota. Ipat anae' atona peme' basefa kot ae'anai. Ine' etina negawa, ae' ina anda' anona waf aonai ma esis Juda, owa'.

Aposel 25:17

Nemaf anama amam agufumi Judai mafi'i na'ae, ina apoma noma ma eme' basefana, owa'. Nemaf gi'mainai ae' afe' ape ipat sanda' kota a'ipa esisa sofa' aman anama nafi'i.

Aposel 25:4

Ea' Festus nagwa basef na'ipam na'i, “Pol nanda' kalabus nape wambel Sisaria. Nambimb ae' etanima efe' ganima.

Aposel 25:5

Ea' amam agufumi ipe'imi mifi'i mikini'i moloma ae'. I'i aman anama nanda' waf aonai, amam monda' kotimana.”

Aposel 8:40

Ea' Filip nafe' nataga Asdot. Anan nafe' taun anama hiagoma ganigani nawalapa basef bu'wami Godi. Nafe' nafe', notanima nafe' nataga taun Sisaria.

2 Korin 5:10

Ape' mogawa endilisi anona nemaf ape' hiapai motaga ma kot anama Kraisi. I'i ape' monda' waf bu'unai o waf aonai nogota anama ata' mape alop ape'inai. Owagama ape' hiapai atona etin mofa' amamaga amama bu'wami o awami mogwama waf anama ape' manda'anai.

Jems 2:6

Ea' ipe' panda' epes isima kwahusi ambagof aom. Emi egafis sanda' ambagof ipe'imi aom sase'epa nimanimi sanda'mepa basef? Esis amamaga hiamisi.