Aposel 24:5 - Basef Buꞌwami Godi

⁵ Ape' mogawa aman anama nanda'mapa amamaga awami hiami. Ea' nanda' naumbih nafela ukup awami naloma esis Juda hiesi napa' nalomas etap hiagoma wambel hiagoma. Anan agel lu'unai ma epes isima sapa' sawala epes hiesi ape'isi ma epes sape deindei'i, sa'i epes Nasareti.

Aposel 24:5 Iomraidhean Croise

Matyu Nandaꞌafi 10:25

I'i esis sanda' skuli sope na'ama etin si'i tisa asasinai, esis ukup mi'i andeande'. Ea' i'i enin epen agel a'an nanda' maol etini nepe si'i dembinai ananinai, isima wapoti' andeande'. Ae' Dembiwei Ahalomepa ma wambota ae'anai esis sa'i basef awami ma agel ae'anai sa'i ae' Belsebul. Na'ama anona nemaf esis si'ipipa sonda'mepa agof awami endilisi mikila' agel Belsebul sanda'meana ae'.

Matyu Nandaꞌafi 2:23

Ea' nafe' nape enin taun sa'uni sofalagon Nasaret si'i anom basef amam profet fowa' ma'iami ma'i, “Owagama esis sofalana si'i Nasaretinai.” Basef amama dei' mataga mandawalap endilisi.

Mak Nandaꞌafi 1:24

“Jisas ine' Nasaretinai, ine' nafi'i na'i nenda' maina afa'? Nafi'i ma nehambombagafa? Ae' egawena ine' aman bu'winai Godi.”

Luk Nandaꞌafi 23:19

Aman anama Barabas anan napa' naloma amam gavmani ma taun anama lu'unai ea' naha enin epen naga'. Ea' dei' sanda'ana nanda' kalabus.

Luk Nandaꞌafi 23:2

Ea' ma'i mombaso'mana manda'mana basef ma'i, “Afa' wati aman anama nanda' waf aonai nafela ukup epes hiesi ma sonda' wandaf soloma gavman. Anan nandaiwa'ma epes sese'ana takisa gavman dembinai Sisar ea' na'ipapa na'i anan atona anona dembinai king Krais.”

Luk Nandaꞌafi 23:25

Aman anama nanda' wandaf naloma gavmani naha enin epen naga'i, sanda'ana nape nanda' kalabus, Pailat nakwahona nafe'mas wafifina. Ea' nagi'ma ukup asasimi nakwahona nafe'mas wafifina ea' nase'asa Jisas nafe'ma esisa amam soldia mefa'ana mafe' mohana noga'.

Luk Nandaꞌafi 23:5

Ea' amam manda'mana basef Jisasi ma'ipana basef la'ifimi ma'i, “Anan nase'asa basef esis amam nematawa hiesi nanda'as sehafel la'ifis sa'i sonda' wandafa ganima hiagoma Judia. Anan nanda'i maol gani etap hiagoma Galili ea' nafi'i nataga na'ae.”

Aposel 15:5

Ea' anom Farisi mombale'efa Kraisi mohafel ma'ipa esis ma'i, “Ipe' petopa'mama alop amamunai, pi'ipama mila wafa mi'uli God fowa' gani na'ipa Mosesanai.”

Aposel 21:28

Ea' soga sa'i mehip na'ama sa'i, “Ipe' epes Israelipei, pigiambamapa aman anama na'ipa epes hiesi wambel hiagoma nasambala epes hiesi Israela mi'uli anama Godi fowa' gani Moses nawalipasanai naloma ipat lu'unai Godi wapoti'. Ea' ina amama atom, owa'. Anan nao'wai enis epes owa' Judaisi safi'i sawisi nomon ipat anama sanda'ana aona.”

Aposel 22:22

Esis Juda same' basef Poli mafe' matagama basef amama ma'i epes isima ina Judaisi. Ea' esis sa'i mehip sa'i, “Epes amama ina mope etap, owa'. Hana ma afuna!”

Aposel 24:14

Na'ama ae' a'i ewalapa basef amama atoma ine'. Eaf anama esis Juda etis sandaiwa'manai sa'i waf anama sawala wambotagwanai ina endilisinai. Waf anama endilisinai ae' ahapilana ailana. Ae' aila eaf anama anda' lotu ma God amam bafapapa ape' Juda hiapai manda' lotumanai. Ae' ahapila basef hiami mape mi'uli Godi naloma basef hiami amam profet fowa' manda'ami.

Aposel 24:4

Na'ama ae' andaiwa'ma ahapilina nogota laona. Dei' ahali'ina ma neme' basef ape'imi bandami.

Aposel 25:7

Ea' amam Juda makwaha Jerusalem mape mahafa Pol nafi'i makini'i maitu felefele'ma anan mambaso'mana basef hiami nimanimi. Ea' amam manda'mana basef etin, basef ofagema amamumi ina anom.

Aposel 26:5

Fowa' gani esis sogawa ae'. I'i ukup asasimi mi'i a'e, sowalapa basef amama ma waf ae' anda'anai. Esis sogawa ae' aila waf epes hiesi ape' Farisi. Waf anama ahifina endilisi, nikila' waf hianai anona lotu ape'inai.

Aposel 28:22

Ea' afa' wa'i ome' okom ine'inai atoma malogel ine'inai. Afa' ogawa, wambel hiagoma esis amam nematawa sanda' basef awami ma epes hiesi wambota anama.”

Aposel 5:17

Ea' pris dembinai nape nali'ma pris hiami naloma amam amama hiami alupumi ananimi amam Sadyusi, amam kowalam endilisi ma maol bu'unai amam aposel manda'anai. Dei' main amam mati esis hiesi saila basef amamumi.

Aposel 6:13

Ea' sanda' anom amam maitu ma mambaso'mana ma anom basef baso'maimi. Amam amama ma'i, “La'ela'ef aman anama na'i basef awami ma ipat lu'unai Godi naloma mi'uli fowa' gani God na'ipa Mosesanai.

1 Korin 11:19

Endilisi, ipe' pandawal etin pa'i waf anama bu'unai ma emi egafis saila basef endilisi sotaga sondawalap alihis? Owa'etin.

1 Korin 4:13

Esis sa'ipafa basef awami endilisi ea' afa' wagwamasa basef awanemi sa'osa'ombel. Wataga si'i alufuta awasimi endilisi ma etap hiagoma si'i alogw maimailami, si'i etap awagoma alufuta nana'oma. Fowa' gani wape na'ama etin wafi'i wataga dei'.

1 Pita 2:19

God anona nemaf nofalo'mepa ma amama i'i ipe' pitu la'ifipa pila okom ananinai ma nimanimi esis sese'epam etini.