Aposel 24:25 - Basef Buꞌwami Godi

²⁵ Na'ipana waf bu'unai ma epes sumafi alop asasinai andeande' ma owagama God nonda' kotima epes hiesi. Na'iam na'ama, Feliks umbamahana. Ea' na'i, “Ine' fo'o. Nambimb anona nemaf, efalena wapoti'.”

Aposel 24:25 Iomraidhean Croise

Matyu Nandaꞌafi 22:5

Ea' esis ukup aoma seme'ama seafe' ea' sandamboma safe' deindei ma opeh asasimi. Anona nafe' aof, anona nafe'ma bisnis ananimi.

Jon Nandaꞌafi 16:8

Nemaf anama niefi'ianai, nihi'amba esis amam nematawa saila waf etapanai ma sogawa basef ofagema ma waf aonai noloma waf bu'unai noloma wafa God nowaloga epes hiesi ma nonda'masa basef.

Aposel 10:42

Anan na'ipafa basef la'ifimi ma wi'ipa esis amam nematawa owalapa basef alihim na'ama. God nandandepa aman anama ma nope aman nonda'masa basefa epes isima sape namisi soloma isima saga' ea'i.

Aposel 17:13

Ea' anona nemaf esis Juda sape Tesalonaikai same' basef ma'i Pol nawalapa basef Godi Beria. Ea' safe' safela ukup esis amam nematawa sape Beriai aom.

Aposel 17:2

Ea' Pol nanda'am na'ama etin si'i la'ela'ef nanda'am ea' nafe' nawis ipat anama nalomas. Amam biam mape wikifah wanom ama nimeguf amama wanom sapoma noma'wanai sabat, ea' Pol na'i basef Godi mail buk Baibelia nalomas.

Aposel 17:32

Esis same' basef amama ma epes sohafel wapoti' hi'agif ea' enis sa'i basef sanda' iafana. Ea' enis sa'i, “Wila, ape' ma'i nambimb mome' basef ine'imi wapoti' ma amamaga amama.”

Aposel 2:37

Esis same' basef amama, maha opalef asasimi endilisi. Ea' sa'ipa Pita naloma anom aposel sa'i, “Ipe' sahopapa, dei' ape' monda' maina mope andeande'?”

Aposel 24:15

Ae' embale'efam ape ehafa God owagama nefela esis saga'i, epes isima bu'wasi soloma isima sanda' waf aonai wapoti'. Amam manda' kotima ae' wapoti' mombale'ef mape mohafa God na'ama etin.

Aposel 24:26

Feliks nape nohafa anom amamaga wapoti'. Anan na'i nambimb Pol nose'ana anona moni ma nokwahona nofe' wafifina. Na'ama la'ela'ef anan nofalana nafi'i na'i nalomana.

Aposel 26:28

Ea' king Agripa na'ipa Pol na'i, “Nogota anama bandana ine' na'i nenda'e etaga Kristen?”

Aposel 9:6

Dei' ine' hafel nefe' niwis taun lu'unai. Nambimb anona aman nifi'mai ine' ni'ipina amamaga ine' nambimb neanda'ami.”

Basef Amama Pol Nandaꞌam Mafeꞌma Esis Romi 12:1

Alupipei, basef amama hiami mali'i endilisimi atom. Amama atom dei' ahali'ipa ma basef la'ifimi ma ipe' ukup mi'i okom lu'unai Godi nainaila ape' nati ape' uwahipipa. Ea' pindilali ma Anan si'i fowa' saha mafis sase'ana pese'ana alop ipe'inai si'ina hi'ilana. Alop ata' nope namona la'ela'ef pese'anana God atona hi'ilana ea' ananinai si'ina, si'i waf Anan okom na'ianai. Ipe' penda'am na'ama, penda' lotu endilisi ma God ukup ipe'imi nomon.

Basef Amama Pol Nandaꞌam Mafeꞌma Esis Romi 14:12

Ea' ape' mogawa ape' hiapai atona etin anona nemaf mi'ipa Goda waf hiami ofagena ape' manda'anai.

Basef Amama Pol Nandaꞌam Mafeꞌma Esis Romi 2:16

Amama anona nemaf motaga na'ama etina nemaf anama God nowaloga waf hianai epes hiesi sanda'anai. Nemaf anama Anan ni'i wila ma Jisas Krais nope dembinai nogwaloga waf hianai asasinai nandambahi'i noloma basef sa'iam sambahe'ami. Basef bu'wami Godi ae' awalapami amama atom.

1 Korin 4:5

Ea' dei' nogota dende'anai ata' owa'. Ipe' owa' pewaloga waf enin epen nanda'anai, owa'. Ipe' ata' pepe pehafa nemaf anama Dembinai niefi'ianai. Nemaf anama anan nowalapai amamaga hiami mandamabaho' mape akoti motaga mondawalap howalagoma. Nemaf anama Anan nowalapa ukup epes hiesi mape mandambahi'i motaga mondawalap alihim. Ea' God ni'ipapa basef ananimi ape' hiapai atona etin mondahama maol ape' manda'anai, bo'ona o aona.

2 Korin 5:10

Ape' mogawa endilisi anona nemaf ape' hiapai motaga ma kot anama Kraisi. I'i ape' monda' waf bu'unai o waf aonai nogota anama ata' mape alop ape'inai. Owagama ape' hiapai atona etin mofa' amamaga amama bu'wami o awami mogwama waf anama ape' manda'anai.

2 Korin 6:2

Peme'. God na'i na'ama na'i, “Nemaf ae' ati uwahipipanai anama ame' basef ipe'imi. Nemaf anae' ae' agiambamepa a'i efa'epa petanimani.” Peme'! Dei' God nati uwahipipa. Dei' God na'i, “Ae' ekwahomepa waf aonai efa'apa pitanimani.”

Galesia 3:22

Amamaga mamumami mombalo'apa mape etap anae'. Waf aonai anama nombalo'apa mapoma anona nemaf ape' mombale'efa Kraisi mofa' amama bu'wami. Amama fowa' gani God na'i basef endilisimi atom ma anona nemaf noso' esis sembale'efa Kraisi sefa'am.

Galesia 5:23

waf so'umbilanai, naloma waf ukup bo'omi mapaisa sumafi alop andeande'. Owa' anom basefa mi'uli atotona nape lu'una nikila' waf anama bu'unai, owa'.

2 Timoti 4:1

Anona nemaf Jisas Krais nowaloga epes hiesi dei' ata' sape namisi, soloma isima saga'i wapoti'. Naep Godi maloma Krais Jisasi dei' a'ipina basef la'ifimi a'i Krais Jisas anona nemaf notaga nondawalap alihina naep epes hiesi ea' nope Dembinai wambel Ananinai. Amama atom dei' a'ipina mehip,

Taitus 1:8

Anan nimafi emi egafis sifi'i lauguni anona wambel. Anan okom ni'i waf bu'unai hianai Godi ea' nope andeande'. Anan numafi okom ananinai atona andeande'.

Hibrui 12:21

Esis umbamahas kwapete' endilisi ma amamaga amama satolomi. Amamaga amama lu'wami endilisi manda' Moses umbamahana kwapete'ana ma natolom. Ea' na'i, “Ae' umbamahe kwapete'e ma atolom.”

Hibrui 3:13

Na'ama owa'. Ipe' pendagigiambanama etin pitu la'ifipa. Penda'am na'ama etin nimeguf hiami atona etin nogota anae' God na'i, “Dei'.” Penda'am pilam ama pilam la'ela'ef. Na'ama enipa opalef ipe'imi la'ifima waf aonai baso'omainai.

Hibrui 4:1

Basef Godi la'ifim endilisi dei' ata' mape la'ela'ef. Anan na'iam na'ama na'i, “Ipe' pefe' piwis anama pepoma noma'w peloma Ae'.” Ea' ape' umbamohapa. Na'ama God niti enin epen etitin ipe'ini okom nose'an ma basef Godi nefe' higililan, owa'.

Hibrui 9:27

Epes hiesi anona nemaf soga' nemaf atotona owagama situma basef lu'wami God nonda' kotimasami.

Jems 2:19

Ine' nembale'efana na'ama na'i, “God atotona nape.” Ine' na'i na'ama, andeande'. Ambagof awami wapoti' mombale'efana na'ama etin ea' umbamaham bombol etin kwapete'am.

1 Pita 3:15

Ipe' ukup mopoma Krais atona nope Dembinai andeande'ma opalef ipe'imi penda' lotumana. Ea' pendandombam pepe la'ela'ef ma pewalapa basef ofagema alihim pegwamasam emi egafis sohali'ipamami ma amamaga bu'wami pape pehafami.

2 Pita 1:6

Ea' piwatania gawa anama bu'unai ma waf ukup mopeipa pimafi alop andeande'. Ea' piwatania waf pimafi alopanai ma waf pitu la'ifipa nemaf anama nimanimi meatagamipei. Ea' piwatania waf pitu la'ifipa ma penda' waf pefela agel ananinai.

1 Jon 3:10

I'i ape' mi'i mogawa epen emi egalin, nogalomana Satani o nogalomana Godi, ape' mogowas na'ama. Emi egalin owa' nanda' waf bu'unai ma owa' okom ninila alupusi ananisi, enin ina epen Godi, owa'.

1 Jon 3:7

Ipe' alupipei ae'ipei, pindumafuma andeande'! Na'ama enin epen nembaso'mepa. Emi egafis sanda' waf bu'unai, esis sape andeande' si'i Krais nape.