Aposel 24:14 - Basef Buꞌwami Godi

¹⁴ Na'ama ae' a'i ewalapa basef amama atoma ine'. Eaf anama esis Juda etis sandaiwa'manai sa'i waf anama sawala wambotagwanai ina endilisinai. Waf anama endilisinai ae' ahapilana ailana. Ae' aila eaf anama anda' lotu ma God amam bafapapa ape' Juda hiapai manda' lotumanai. Ae' ahapila basef hiami mape mi'uli Godi naloma basef hiami amam profet fowa' manda'ami.

Aposel 24:14 Iomraidhean Croise

Matyu Nandaꞌafi 10:32

Ea' Jisas na'ipas na'i, “Emi egafis sowalapa agel ae'anai ma amam nematawa hiesi, anona nemaf ae' wapoti' ewalapa agof epes isima ma naep Ahalome Godi gani heven.

Matyu Nandaꞌafi 22:40

Basef ofagema ma mi'uli hianai Godi maloma basef amam profet manda'ami hiami mape nomona mi'uli anama biefina.”

Matyu Nandaꞌafi 7:12

Maina waf ipe' pa'i esis sanda'mepana ipe'i, ipe' penda'masana na'ama etin. Basef amama ofagema ma mi'uli Godi na'ipa Mosesanai naloma basef God fowa' na'ipa amam profet manda'ami.

Luk Nandaꞌafi 1:70

Basef amama si'i fowa' gani nawalapama amam profet bu'wami ananimi ma'iam malogof amamumi.

Luk Nandaꞌafi 16:16

Basef amam profet mawalipasami maloma basef mail mi'uli God nase' Mosesanai amama amam mawalipasam la'ela'ef mape mafi'i metambel nogota Jon nataganai. Ea' nogota anama Joni nafi'i nataga dei' basef bu'wami ma epes siowis wambota Godi numafias, amama mape mafe' mataga wambel hiagoma. Ea' epes hiesi la'ifis sanda' maol mehip ma sefe' siowis wambota Godi numafias.

Luk Nandaꞌafi 16:29

Ea' Abraham na'ipana na'i, ‘Owa'. Owapena ine'imi mome'ago basefa Moses noloma amam profet migiambamam. Amam mome'ago basef amama.’

Luk Nandaꞌafi 24:27

Ea' nali' nasefela basef hiami Baibelimi amam profet maloma Moses manda'ami nawalipamam. Na'ipam basef amama hiami ma'i anan nawalipamam ofagema hi'alam.

Luk Nandaꞌafi 24:44

Ea' na'ipas na'i, “Fowa' ae' ata' ape alomepa, a'ipipa ea' ma basef hiami mail buk Baibeli ma mi'uli God fowa' gani naso' Mosesanai. Buk anama amam profeti maloma Buk Songi, basef amama hiami ma'i ae'. Basef amama hiemi dei' mataga endilisi mandawalap alihim.”

Jon Nandaꞌafi 1:45

Ea' Filip nafe' nagolopa Nataniel na'ipana na'i, “Aman anama fowa' gani Moses nanda' basefa mi'uli God na'ianai, ea' amam profet wapoti' manda' basef ma'ianai, aman anama ma'una afa' watolona. Anan Jisas Nasaretinai, Josep nogalomana.”

Aposel 10:43

Amam profet hiami ma'iama anan na'ama ma'i, ‘La'ifimi agel ananinai atona God nakwaha waf aonai esis amam nematawa emi egafis sembale'efanai.’ ”

Aposel 13:15

Ea' anona aman natalifa basefa mi'uli God naso' Mosesanai maloma basef amam profet ma'iami ea' amam agufumi Judai masapa' basef mafe'ma Pol naloma amam manda' maol etini ma'iam ma'i, “Alupipei, ipe' i'i anom basefa monda' ukup esis amam nematawai motaga la'ifim, ipe' awi kiam.”

Aposel 15:5

Ea' anom Farisi mombale'efa Kraisi mohafel ma'ipa esis ma'i, “Ipe' petopa'mama alop amamunai, pi'ipama mila wafa mi'uli God fowa' gani na'ipa Mosesanai.”

Aposel 19:23

Nogota anama enis epes sanda' naumbih saloma eaf bu'unai Dembinai sanda' aga lu'unai sindininifama sa'i mehip.

Aposel 19:9

Ea' enis sasopama opalef la'ifis endilisi, ina sombale'efa Jisas, owa'. Esis sa'i basef awami ma eaf Dembinai ma naep esis amam nematawai. Ea' dei' Pol nakwaha esis hiesi nao'wa esis Kristen etis safe' salomana. Ea' Pol nawalapa basef nimeguf hiami la'ela'ef ipat anama Tiranusi, anama sawalipasa basefa.

Aposel 22:14

Ea' na'i, ‘God bafapapa ape'imi anan nandandepena ma negawa okom Ananinai ma niti Aman bu'unai. Ama nenda' maol Godi ma neme' basef Ananimi mataga malogel Ananinai.

Aposel 24:22

Feliks nogawa andeande'ma bale'ef naloma waf sa'i eaf esis Kristeni. Ea' na'ipa esis Juda ma ata' sope sohafana. Anan na'i, “Ota' ma soldia dembinai Lisias nikini'i, ae' enandonama basef amama ipe'imi.”

Aposel 24:5

Ape' mogawa aman anama nanda'mapa amamaga awami hiami. Ea' nanda' naumbih nafela ukup awami naloma esis Juda hiesi napa' nalomas etap hiagoma wambel hiagoma. Anan agel lu'unai ma epes isima sapa' sawala epes hiesi ape'isi ma epes sape deindei'i, sa'i epes Nasareti.

Aposel 25:8

Ea' Pol nagwa basef na'i, “Ae' ina anda' anona waf aonai ma mi'uli ape' Judai, ipat lu'unai Godi, o mi'uli Sisari wapoti', owa'etin.”

Aposel 26:22

Na'ama God nagiambame afi'i afi'i ataga dei' aitu na'ae ea' awalapa basef a'ipa epes hiesi agof a'asi saloma ipe' agufipei wapoti'. Ae' ina ewalapa anom basef, owa'. Awalapa basef amama Godi atom fowa' amam profet maloma Moses ma'iami ma amamaga owagama meatagai.

Aposel 26:27

Dembinai king Agripa, ine' nembale'a basef Godi amam profet fowa' mawalipasami o owa'? Ae' egawa ine' nembale'am!”

Aposel 26:4

Fowa' ape afi'i afi'i dei' fe' anama ae'anai esis Juda hiesi sogawa. Fowa' ata' sa'owe ape etap ae'anai ea' afe' ape Jerusalem wapoti'.

Aposel 26:6

Ea' basef ofagema ma kot na'ama. Ae' embale'ef endilisi ma God nefela saga'i sohafel wapoti', amama atom. Ae' embale'ef ape ehafa God nonda' amamaga amama motaga si'i fowa' na'ipa akupapa ape'imi Judai. Amama atom dei' esis sanda' kotimi.

Aposel 28:22

Ea' afa' wa'i ome' okom ine'inai atoma malogel ine'inai. Afa' ogawa, wambel hiagoma esis amam nematawa sanda' basef awami ma epes hiesi wambota anama.”

Aposel 28:23

Ea' amam mandandepa anona nemafa amam hiami mafi'i ipat Poli. Ea' mafi'i kuhimbita mape mape mataga wambomota, anan na'i basef ofagema nawalipam. Ea' nawalapa basef alihima epes siowis wambota Godi numafias. Anan nawalapa anom basefa mi'uli fowa' gani God naso' Mosesanai maloma basef Godi amam profet fowa' ma'iami. Ama basef amama anan na'ipama basef la'ifimi nafela ukup amamumi ma mombale'efa Jisas.

Aposel 3:13

God anama bafapapa ape'imi Abraham naloma Aisak naloma Jekop manda' lotumanai, anan atona nanda'ana nataga bo'ona nafela agel Jisasi, nanda' maola Anani. Anan aman anama atona ipe' pandaiwa'mana pase'ana amam agufumi gavmani ma mahana naga'. Dembinai Pailat na'i notagahona nifi'i, owa'. Ipe'pandaiwa'mana pewa' alafugahana.

Aposel 5:30

Ipe' paunda Jisas lawag usi'inai tu'wanainai ea' pahana naga'. Ea' God anama bafapapa ape' Juda manda' lotumanai nafelona nohafel wapoti' hi'agif.

Aposel 7:32

‘Ae' God amam bafapena ine'imi manda' lotumei. Ae' God Abraham naloma Aisak Jekop fowa' gani manda' lotumei.’ Ea' Moses gegelalasana umbamahana ma natologon.

Aposel 9:2

Na'ipana ea' pris anama nanda' basefa pas mafe'ma agufumi hiami mumafi ifagw esis Juda sa'i basef sapeimi wambel Damaskus. Ea' nase'ana pasa basef amama Sol. Ma'iam na'ama ma'i, “I'i Sol niti enis amam nematawa saila eaf anama dambainai sape Damaskusi, nonda' kalabusimas nombale'as nefa'as sefe' Jerusalem.”

Basef Amama Pol Nandaꞌam Mafeꞌma Esis Romi 1:9

God nogawa maina nemaf anda' betenanai okom ae'anai napoma ipe' anda'mepa beten. Ae' anda' maol Godi aloma okom ae'anai si'ina awalipasa basef bu'wami ma Nogalomana ananinai. Beten ae'anai nape na'ama. Fowa' nimeguf hiami ahali'ana ma efo'o ietilipa. Owa'etin. Dei' wapoti' ahali'ana ma Anan ni'i awi, a'i nonda'me anona eaf efo'o ietilipa.

Basef Amama Pol Nandaꞌam Mafeꞌma Esis Romi 3:21

Ea' dei' waf bu'unai Godi nataga alihiguma nandawalap. Anama ina nataga nagi'ma waf saila mi'uli fowa' gani God naso' Mosesanai, owa'. Anama nataga anona eaf na'ama. Basef hiami Godi mail buki mawalapai waf anama. Anom mail mi'uli anama God fowa' naso' Mosesanai ea' anom amam profet hiami manda'anai.

1 Korin 11:19

Endilisi, ipe' pandawal etin pa'i waf anama bu'unai ma emi egafis saila basef endilisi sotaga sondawalap alihis? Owa'etin.

Galesia 5:20

sandagala sanifela god baso'omunai, sanda' mu'uhup, sanda' ufial ma'akw, waf nefala enis naumbih, ukup mapoma esis etis, lopa' fitap, waf kowalasa anom amamaga enis epesi, ukup wandafum, basef wandafumi sondaha pepe'ma biefis, sowala wambotagw,

2 Timoti 1:3

Esis ihase ae'asi saila waf Godi, dei' ae' wapoti' ailana. Ea' malogel nape opaf ae' nomoni ina nihi'ambe anona waf aonai anda'anai, owa'. Beten ae'anai owamb alip la'ela'ef ae' okom napomena anifela God.

Taitus 3:10

Emi egafin nanda' esis Kristen sandawal sataga biefisi, inima nesambala basef bu'wami. Ine' nehagofa okom ananinai ni'ipana basef la'ifimi ma nihi'amban, atetef o bif. Ama enin owa' neme' basef ine'imi, nekwahin newa' alafugan.

1 Pita 1:11

Ambal Bu'unai Ananinai nape nomona amam na'i basef alihima anona nemaf Krais nofa' nimanimi hiami mamumami ma nofa' agel lu'unai. Ea' amam magolopa basef Godi mandahahali'ma ma'i, “Maina nemaf amama mifi'i motaga?”

Revelesen 19:10

Ea' ae' indiwa nembawa balaga etawa felefele'ma bo'wagah enseli ma enda' lotumana, ea' na'ipi na'i, “Ina nenda'am na'ama, owa'. Ae' alupuwei ine'iwei aloma ine' naloma sahopena ine'imi, afa' wandao'oma wanda' opeh Godi atom waloma esis hiesi sembale'efa basef endilisimi Jisas nawalipasami. Ine' nenda' lotuma God atona. Ape' mogawa basef amama endilisimi Jisas nawalapama ipe'ami, amama mafela amam profet mawalipasa basef Godi.”