Aposel 23:6 - Basef Buꞌwami Godi

⁶ Ea' Pol nogawa amam Juda dambami mumafi koti anom Sadyusi, anom Farisi. Na'ama anan na'ipam mehip na'ama na'i, “Ipe' sahope, ae' Farisiwei ea' ahalome ae'anai Farisinai. Ae' embale'ef a'i endilisi anona nemaf epes saga'i sohafel wapoti', dei' ape ehafa nemaf anama. Ofagema amama atom dei' esis sanda' kotima ae'.”

Aposel 23:6 Iomraidhean Croise

Matyu Nandaꞌafi 10:16

Ea' Jisas na'ipam wapoti' na'i, “Ipe' peme', ae' esapa'epa pefe' si'i sipsip pefe' la'afena nombagw wandafumi aolupumi. Na'ama ipe' ukup mondanda' andeande' pefe' pila gawa si'i iguf mafe'. Ea' pila waf bu'unai si'i anona amil ma'unai, ipe' ina ukup mope aoma penda' waf aonai, owa'.

Matyu Nandaꞌafi 22:23

Nemaf anama atona anom amam Sadyusi mafi'mai Jisas. Amam hiami mombale'ef saga'i ina anona nemaf sotanima sohafel wapoti', owa'. Ea' amam mafi'mai Jisas mahali'ana

Matyu Nandaꞌafi 3:7

Afama Jon nati anom amam dambami esis Judai Farisi maloma anom dambami Sadyusi mafi'i ma mefa' baptais, ea' na'ipam na'i, “Ipe' panda' waf aonai si'i awasi iguf awami molaipei. Emi na'ipipa ma pa'i pefa' pefe' pindihi'ama okom wandafunai Godi anona nemaf neatagamepa?

Aposel 22:3

Ea' Pol na'i, “Ae' Juda. Mama'we ae'akwi kolae wambel Tarsus etap hiagoma Silisia, na'ama ae' ataga dambewe wambel lu'unai anama. Ae' anda' skula dembinai tisa Gameliel ea' nawalipi andeande'ma mi'uli anama hianai amam bafapapa ape'imi. Na'ama ae' okom nohafel la'ifiwi ma aila God si'i ipe' dei' pailana.

Aposel 22:30

Wafilu soldia anama na'i nogawa andeande' amam Juda ma'i basefa maina waf Pol nanda'anai. Ea' soldia anama natagahamana sen ea' nasapa' basef mafe'ma amam pris dambami maloma amam Juda dambami mumafi koti mifi'i mondowa'anima mope. Ea' anan nao'wa Pol nafi'i nahaponana naitu naep amamumi.

Aposel 22:5

Pris dembinai naloma amam agufumi hiami esis Judai mogawa andeande'ma mowalapa basef amama endilisimi. Amam mase'e pas manda'asa amam sahin owan amamisi Juda sape Damaskus, ea' ae' afe' Damaskus a'i embalo' esis sape wambel anama ewa'as sen. Ae' a'i efa' esis saila eaf anama sefe' Jerusalem sofa' nimanimi ma amam plisman mohas.

Aposel 23:1

Pol nati amam Juda dembami mumafi koti la'ifina ea' na'i, “Ipe' sahope, ae' afe' naep Godi ea' okom ae'anai bo'ona nafe'ma naep Godi, afi'i ataga dei'. Basef mape opaf ae'anai nomoni ma'iami ma'ipi basef mihi'ambe ma waf ae' anda'anai ina aona, owa'.”

Aposel 23:15

Na'ama dei' ipe' peloma amam Juda dambami mumafi koti pesapa' basef mefe'ma soldia dembinai Romunai ma nofa'i Pol nifi'mai ipe'. Ipe' pembaso'mana pi'i, ‘Afa' wa'i ata' ome' basef ofagema Poli andeande'.’ Ea' afa' wandandombam wape. Anan ina nifi'i notanimai ma ipe', ata' owa', afa' uli' ohana afuna.”

Aposel 23:20

Ea' so'unai na'ipana na'i, “Amam Juda ma'i basef mandame'mam ea' ma ma'i mohali'ina ma naman nefa' Pol nefe'ma amam Juda dambami mumafi koti. Amam mambaso'am ma'i ata' mohali' Pol atona ma basef ofagema ananimi.

Aposel 23:7

Anan na'ipama basef amama, ea' amam atom mafitap la'afena amam Farisi maloma Sadyusi ea' mandawal biefim.

Aposel 24:15

Ae' embale'efam ape ehafa God owagama nefela esis saga'i, epes isima bu'wasi soloma isima sanda' waf aonai wapoti'. Amam manda' kotima ae' wapoti' mombale'ef mape mohafa God na'ama etin.

Aposel 24:21

Anom basef etifim na'ama. Nemaf anama aitu la'afena amam, ae' ega a'i, ‘Ae' embale'efa God nefela esis saga'i sohafel wapoti', ea' amama atom ipe' dei' panda' kotima ae' ma naep ipe'imi.’ ”

Aposel 28:20

Basef ofagema amama atom dei' efalepa pafi'i. Ae' a'i i'ipipa anom basef. Ae' embale'ef ape ehafa anan anama ape' Israel hiapai mape mohafanai. Ae' embale'efanai. Amama atom ofagema ma dei' manda' sen anama mowa'e.”

Filipai 3:5

Dei' main, nemaf anama ata' sa'owe ape nimeguf 8-peleim mafe' ea' amam matopa' alop ae'anai. Ae' epen Israeliwei. Ae' wambota Benjamini. Ae' esimbel atom esis Hibrui. Ae' Farisi, epen aila mi'uli Godi fowa' naso' Mosesanai. Ae' aila mi'uli anama andeande' ikila' epes hiesi.

Kolosi 1:5

Fowa' basef bu'wami Godi amama endilisimi matagamepa pame'ama amamaga bu'wami ipe'imi God nandandombam dei' ma'oh heven ipe' pape pehafami. Amamaga amama bu'wami ofagema ma bale'ef ipe'inai naloma waf anama ipe' panda'anai ukup maimaila epes hiesi.

Hibrui 6:19

Gawa anama ma ape' mogawa endilisi anona nemaf Anan nigiambamapa mope andeande' nape na'ama. Gawa anama la'ifinai bu'unai nape mohafanai anama nombalo' opalef maloma ambagof ape'imi si'i anka nembalo' sip lu'unai nahapilana la'ela'ef nala embel ilif. Gawa bu'unai anama nawis nowala gani nomon bo'ogoma lowaf anama lu'unai alafugainama saundana nail si'i uta ipat Godi lu'unai sanda' lotuwanai heven nomon.