Aposel 23:11 - Basef Buꞌwami Godi

¹¹ Wafilu owamb Dembinai nafi'i naitu felefele'ma Pol na'ipana na'i, “Ine' nitu la'ifina. Ina umbamehena, owa'. Fowa' nawalapa basef ae'ami Jerusalem, ea' nambimb ine' newalapam na'ama etin wambel lu'unai Rom wapoti'.”

Aposel 23:11 Iomraidhean Croise

Matyu Nandaꞌafi 14:27

Ea' Jisas nalomam na'i mehip na'i, “Ipe' la'ifipa umbamehepa owa'. Ae' atowe ma'uwi ailipa afi'i.”

Matyu Nandaꞌafi 28:20

Ea' piwalipasa sila basef bu'wami hiami ae'ami fowa' awalipipami ma basef la'ifimi. Endilisi ae' ape alomepa ma nimeguf hiami danda, pefe' pefe' ma nemaf akutainai nogota hi'ilana.”

Matyu Nandaꞌafi 9:2

Ea' anom amam mofa'ai anona aman mafi'i. Lagof bo'wagah maga' mailanai ea' tol na'oh lahis. Ea' Jisas natolom nogawa amam mombale'efana ma'i anan la'ifinai ma nigiambama aman anama aonai neataga bo'ona. Ea' na'ipa aman anama na'i, “Ine' epen ae'inai! Opaf ine'inai nepe awanena. Waf aonai ine' nanda'anai ae' akwahomenana ea'.”

Luk Nandaꞌafi 16:28

Ae' anom owape wanom biam mape. Ama Lasarus ni'ipama basef la'ifimi ma momboma opalef. Na'ama amam wapoti' mufi'i wambel anae' mofa' nimanimi lu'wami.’

Jon Nandaꞌafi 14:18

Ae' ina ikwahipa tol pepe etin, si'i awasi amama alifisi ahapas mamasas a'asi, owa'etin. Nambimb ae' ifi'mipei.

Jon Nandaꞌafi 16:33

Ae' a'i ipe' pepe pelome opalef ipe'imi mope awanem. Na'ama dei' a'ipipa basef amama. Etap anae' ipe' peme' opalef nimanim. Pepe la'ifipa! Dei' main, ae' agalo'ma waf aonai etapanai ikila'ana ea'.”

Aposel 18:9

Anona owamb Pol nati anom amamaga si'i na'oh nandondo'oh, Dembinai na'ipana na'i, “Ina umbamahena nesopama malogel, owa'. Newalapa basef ni'iam.

Aposel 19:21

Amama mafe' ea', okom Poli nohafel la'ifina na'i nefe' etap hiagoma Masedonia esis Grik sapoma ea' nefe' Jerusalem. Anan na'iam na'i, “Ae' efe' anama ea' efe' iti Rom wapoti'.”

Aposel 2:25

Fowa' gani Devit na'i basefa Jisas na'i, ‘Ae' ati Dembinai ae'anai nape nalome wa'ol lagel ae'anai da'isinai la'ela'ef. Na'ama dei' ina enis epes la'ifisa sanda'me anom nimanimi, owa'.

Aposel 20:22

Ea' ipe' peme', dei' Ambal Bu'unai Godi nafela okom ae'anai aila anan atona. Amama atom dei' ae' efe' Jerusalem. Nambimb maim motagame ganima, ae' ina egawa amamaga amama, owa'.

Aposel 22:15

Nambimb ine' newalapa basef Ananimi ni'ipa amam nematawa hiesi ma amamaga amama ine' name'am natolom.

Aposel 22:18

Ea' ati Dembinai na'ipi na'i, ‘Ine' mehip nekwaha Jerusalem nefe'. I'i ine' newalapa basef Ae'ami na'ae, ina nambimb seme'ena, owa'.’

1 Korin 9:1

Dei' ae' a'i ihali'ipa efela ukup ipe'imi. Ipe' pa'i ae' ape wafifiwi ape aposel ati Dembinai Jisas ea' o owa'? Ae' anda' anama atona dei' ipe' pataga Kristen, o owa'? Endilisi.

Filipai 1:13

Ea' soldia amama Romi mumafi ipat dembinai gavmani maloma enis epes sape na'ae esis wapoti' sogawa anda' kalabusa agel Kraisi.

2 Timoti 4:17

Ea' Dembinai numafi ae' ape nase'e pepel. Amama atom dei' awalapa basef bu'wami a'iam la'ifiwi endilisi ea' epes isima hiesi owa' Judaisi sogawa basef Godi, dei' same'am hi'alas. Ea' God nagiambame ma malogel mafin anama lu'unai laion.