Aposel 22:3 - Basef Buꞌwami Godi

³ Ea' Pol na'i, “Ae' Juda. Mama'we ae'akwi kolae wambel Tarsus etap hiagoma Silisia, na'ama ae' ataga dambewe wambel lu'unai anama. Ae' anda' skula dembinai tisa Gameliel ea' nawalipi andeande'ma mi'uli anama hianai amam bafapapa ape'imi. Na'ama ae' okom nohafel la'ifiwi ma aila God si'i ipe' dei' pailana.

Aposel 22:3 Iomraidhean Croise

Luk Nandaꞌafi 10:39

Owama'w akwa'ukwi agili'wa Maria. Maria kwafi'i kwape felefele'ma bo'wagah Dembinai, kwame' basef ananimi.

Luk Nandaꞌafi 2:46

Esis bias sagolopana safe' nimeguf wanom. Ea' satolona nape nomon ipat lu'unai Godi. Anan nape naloma amam Juda gawaimi mawalipasa mi'uli Godi. Nape nagahembe'ma basef amomumi ea' nahali' amam.

Luk Nandaꞌafi 8:35

Ea' esis safe'ma sieti amamaga amama. Safi'mai Jisas sati aman anama fowa' ambagof awami mapeinai dei' makwahona ea' ambo'ona okom bu'unai napaina andeande' nowaho' lowaf tol nape felefele'ma bo'wagah Jisasi. Amam nematawa hiesi satolona ea' esis umbamahas.

Aposel 11:25

Ea' Barnabas nafe' Tarsus nagolopa Sol.

Aposel 15:23

Esis sase'ama anom basef mail pepa ma lagof amam biam Judas naloma Sailas ma'i na'ama ma'i, “Afa' aposel agufufai sahopepa afa'ipei, afa' dei' wanda'ago basef amama mafe'mago ipe' sahin owan owa' Judaipei. Ipe' pape wambel Antioki ma etap hiagoma Siria naloma Silisia, afa' wa'i nemaf bu'unai ma ipe'.

Aposel 15:41

Ea' Pol nafe' la'afena etap anama hiagoma Siria naloma Silisia naloma Sailas mafe' manda' esis Kristen sataga la'ifis.

Aposel 21:20

Amam mame'am ea', mafela agel Godi lu'una. Ea' ma'ipa Pol ma'i, “Sahalomafa, ine' negawa esis Juda tausen hiesi endilisi sombale'efa Jisas sataga Kristen. Ea' Kristen isima hiesi la'ifis endilisi ma saila mi'uli anama God fowa' naso' Mosesanai.

Aposel 21:39

Ea' Pol na'i, “Owa'. Ae' aman Judaiwei. Wambel ae'anai Tarsus etap hiagoma Silisia. Ea' ae' aman anona wambel lu'unai agel lu'unai. Ine' ni'i awi, ae' i'ipasa anom basef esis amam nematawa.”

Aposel 23:34

Ea' dembinai gavman anama nafi'i nati pas amama ea' nahali' Pol na'i, “Ine' etap lu'unai agel lu'unai eti?” Ea' Pol na'ipana na'i, “Ae' Silisiaiwei.”

Aposel 23:6

Ea' Pol nogawa amam Juda dambami mumafi koti anom Sadyusi, anom Farisi. Na'ama anan na'ipam mehip na'ama na'i, “Ipe' sahope, ae' Farisiwei ea' ahalome ae'anai Farisinai. Ae' embale'ef a'i endilisi anona nemaf epes saga'i sohafel wapoti', dei' ape ehafa nemaf anama. Ofagema amama atom dei' esis sanda' kotima ae'.”

Aposel 26:5

Fowa' gani esis sogawa ae'. I'i ukup asasimi mi'i a'e, sowalapa basef amama ma waf ae' anda'anai. Esis sogawa ae' aila waf epes hiesi ape' Farisi. Waf anama ahifina endilisi, nikila' waf hianai anona lotu ape'inai.

Aposel 26:9

Fowa' ae' wapoti' okom na'i ae' enda' amamaga hiami ma ehagofa agel Jisas Nasaretinai.

Aposel 5:34

Ea' anona dembinai naitu la'afena amam dambami esis Judai, anan Farisi agilinama Gameliel anan dembinai tisa mawalipasa mi'uli Godi, ea' esis amam nematawa sanifela agel ananinai. Na'ipa amama mokwaha amam aposel miowis ande' nogota bandana.

Aposel 6:9

Ea' anom amam mohafel ma'i basef mandahihianama maloma Stiven. Amam amama fowa' manda' maol mape owina enis epes ea' dei' mape wafifim. Ea' sofalana amam wambel Sairini naloma Aleksandria anona etap hiagoma Silisia naloma etap hiagoma Esia.

Aposel 9:1

Fowa' basef amama ata' owa' motagae, nogota anama Sol nanda'am na'ama. Anan na'i basef la'ifimi endilisi ma naha esis alupusi saila Dembinai nohas soga'. Ea' nafe'ma pris dembinai nape nali'ma pris hiami.

Aposel 9:11

Ea' Dembinai na'ipana na'i, “Ine' hafel fo'o eaf anama sa'i usi'inai nefe' ipat Judasi ea' niti anona aman Tarsusinai, agilinama Sol. Dei' anan nanda' beten nape.

Aposel 9:30

Amam Kristen sahin owan mogawa amama, ea' mofa' Sol mafe' makini Sisaria. Ea' masapa'ana nafe' nape wambel Tarsus.

Basef Amama Pol Nandaꞌam Mafeꞌma Esis Romi 11:1

Dei' a'i ihali'ipa, God nali'amona Israel hiesi epes ananisi? Owa'etin! Ae' wapoti' Israeliwei esimbel Abrahami, wambota Benjamini.

2 Korin 11:22

I'i amam Hibruimi, ae' wapoti'. Amam epes Israelimi, ae' wapoti'. Amam wambota Abrahami, ae' wapoti'.

Galesia 1:14

Ae' ikila' epes hiesi Juda alomas aol atona, ikila'asa aila waf esis Juda sanda' lotuma Godi. Enis ina sailana la'ifis ea' ae' ailana la'ifiwi hi'alana. Ea' la'ifiwi endilisi ma aila waf fowa'inai amam akupapa manda'anai. Ae' ailana andeande' endilisi ikila'as.

Galesia 1:21

Anom nimeguf mafe'ma ea' afe' anona wambel nape etap biefina hiagoma Siria naloma Sialisia.