Aposel 22:16 - Basef Buꞌwami Godi

¹⁶ Dei' maina ine' ata' nape nehafana etin? Ine' hafel nefalona nosa'opena nokwahomena waf aonai ine' nanda'anai ma nefa' baptais!’

Aposel 22:16 Iomraidhean Croise

Jon Nandaꞌafi 13:8

Ea' Pita na'ipa Jisas na'i, “Owa'. Ine' owa' nesa'opa bo'wagah ae'ami, owa'.” Ea' Jisas nagwamana basef na'i, “I'i ae' owa' easa'opamena bo'wagah ine'imi, ina nambimb nepe alupinai ae'inai, owa'.”

Aposel 2:21

Nemaf anama ata' owa' neataga emi egafis sofala agel Dembinai, nofa'as sotanimani.’ ”

Aposel 2:38

Ea' Pita na'ipas na'i, “Ipe' hipei pemboma opalef ipe'imi pila God ea' ipe' hipei atona etin pefa' baptaisa agel Dembinai Jisas Krais ma God nokwaha waf aonai ipe'inai. Ipe' penda'am na'ama, nambimb God nese'epa Ambal Bu'unai Ananinai nope nolomepa.

Aposel 7:59

Makwaha otamba mahana etin, nanda' beten na'ama na'i, “Dembinai Jisas, ine' fa'ago ambal ae'anai!”

Aposel 9:14

Anan nofa' agel lu'unai ea' ma amam pris dambami ma nombalo' amam nematawa sanda' betena agel ine'inai wambel anae' ma nanda' kalabusimas.”

Aposel 9:18

Ea' amamaga mape masopama naep Soli si'i dunduf mafe' mehip makwaha naep Soli mowa. Ea' naep ananimi mati wapoti', nohafel nofa' baptais.

1 Korin 12:13

Dei' main, ape' hiapai mofa' baptaisa Ambal Bu'unai Godi atotona. Nanda'apa mataga alop atotona, esis Juda saloma esis owa' Judaisi saloma esis sape wafifisi, saloma esis agof a'asi sape owina enis epes wapoti'. Ape' hiapai mofa' Ambal Godi atotona nape nalomapa la'ela'ef.

1 Korin 6:11

Fowa' enipa panda' waf anama. Ea' dei' God nasa'opepa nosahe'epa ea' Ananipei etipa si'ipa. God nanda'epa pataga epes bu'upei ma naep Ananimi. Anan nanda'epa na'ama etina agel Dembinai Jisas Kraisi ma Ambal Bu'unai God ape'inai.

Galesia 3:27

Ipe' hipei pefa' baptais ma pape la'ifipa paloma Jisas Krais. Ea' dei' pefa' waf ananinai si'i pewahe'a lowaguf.

Efesus 5:26

Anan nanda'am na'ama ma sotaga epes Godi etis bo'wes si'i nasa'opas embel sataga bo'wesa basef ananimi.

Taitus 3:5

Anan ina okom napoma anona waf bu'unai ape' manda'anai dei' nofa'apai, owa'. Okom dahowinai ananinai atona nofa'apa motanimani. Anan nasa'opapa ea' mataga awasi dambaipai, Ambal Bu'unai Godi nase'apa ambal namunai ma ape'.

Hibrui 10:22

Amama atom dei' ape' mofe' felefele'ma Goda waf anama. Ape' mokwaha waf hianai baso'mainai ma opalef ape'imi ea' mombale'efana endilisi. Ukup mopoma Krais atona, Anan nakolo' esimbel Ananimi nasa'opa opalef ape'imi mataga bo'om. Basef mape opalef nomoni ina ma'iam ma'ipapa basef mihi'ambapa waf aonai ape' manda'anai, owa'. Ea' ape' ukup mopoma Anan nasa'opa alop ape'inai embel galagami.

1 Pita 3:21

Embel amama lu'wami mondola'wifa sofa' baptais migiambamepa pepe andeande'. Amama ina masa'opa alogwa alop atona ande', owa'. Amama anom basef endilisi la'ifimi ape' ma'iam maloma God, amama mataga mape opalef nomoni bo'om andeande'. Amama mofa'epa petanimani ma pepel anama atona Jisas Krais notanima nohafel.