Aposel 22:14 - Basef Buꞌwami Godi

¹⁴ Ea' na'i, ‘God bafapapa ape'imi anan nandandepena ma negawa okom Ananinai ma niti Aman bu'unai. Ama nenda' maol Godi ma neme' basef Ananimi mataga malogel Ananinai.

Aposel 22:14 Iomraidhean Croise

Jon Nandaꞌafi 15:16

Ipe' ina pali' pesaho' ae' ipe'iwei, owa'. Ae' ali' andandepepa ea' ae'ipei. Ea' anda'epa panda' opeh bu'wami. Ama pefe' penda' opeh bu'wami si'i lawah mola gwa'aimi ma opeh bu'wami ipe'imi mope andeande'. Penda'am na'ama ma i'i ipe' penda' beten pihali' Ahalome ma anom amamaga agel ae'anai, anan nose'epa.

Aposel 13:17

God dembinai esis Israeli, anan nandandepa esis akusapa ape'isi ma nemaf anama esis safe' sailas sapani etap hiagoma Isip ea' anan nanda'as sataga epes hiesi wambota lounai. Anom nemeguf mafe'ma ea', pepel Ananinai atona nofa' esis sakwaha etap anama safi'i.

Aposel 22:15

Nambimb ine' newalapa basef Ananimi ni'ipa amam nematawa hiesi ma amamaga amama ine' name'am natolom.

Aposel 22:18

Ea' ati Dembinai na'ipi na'i, ‘Ine' mehip nekwaha Jerusalem nefe'. I'i ine' newalapa basef Ae'ami na'ae, ina nambimb seme'ena, owa'.’

Aposel 24:14

Na'ama ae' a'i ewalapa basef amama atoma ine'. Eaf anama esis Juda etis sandaiwa'manai sa'i waf anama sawala wambotagwanai ina endilisinai. Waf anama endilisinai ae' ahapilana ailana. Ae' aila eaf anama anda' lotu ma God amam bafapapa ape' Juda hiapai manda' lotumanai. Ae' ahapila basef hiami mape mi'uli Godi naloma basef hiami amam profet fowa' manda'ami.

Aposel 26:16

Ea' ine' hafel nitu. Ae' afi'mai ine' ma amamaga amama. Ae' a'i esahe'ena ma nihapila maol ae'anai, newalapa basefa amamaga ine' natoloma ae'i. Ea' amamaga amama owagama ae' ihi'ambenam.

Aposel 5:30

Ipe' paunda Jisas lawag usi'inai tu'wanainai ea' pahana naga'. Ea' God anama bafapapa ape' Juda manda' lotumanai nafelona nohafel wapoti' hi'agif.

Aposel 7:52

Amam profet hiami fowa' gani mapani esis akusepa ipe'isi sanda' waf aonai ma amam hiami saham sanda'am aom. Saha amam profet ma'ipasa Aman Bu'unai anona nemaf neafi'i. Ea' dei' ipe' pawalapana ma amam naumbih mahana naga' ea'.

Aposel 9:15

Ea' Dembinai na'ipana nasapa'ana na'i, “Ine' fo'o. Aman anama nambimb nonda' maol Ae'anai. Ae' andandepana ea' ma nefe' ni'ipasa basefa agel ae'anai enis amam nematawa owa' Judaisi soloma amam dambami king asasimi moloma esis Israel wapoti'.

Aposel 9:17

Ea' Ananaias nafe' nawis ipat anama nomon nasa lagofa Sol na'i, “Sahalome Sol, Dembinai Jisas natagamena eaf nogota anama ine' nafi'i na'ae. Dei' nasapa'e afi'mai ine' ma niti andeande' wapoti' ma Ambal Bu'unai Godi nope si'inama ine'.”

Basef Amama Pol Nandaꞌam Mafeꞌma Esis Romi 1:1

Ae' Pol ape owina Krais Jisas anda' maola anan atona. God nofale ma enda' maol aposel ea' nosahe'e ma ewalapa basef bu'wami ananimi.

1 Korin 11:23

Basef amama ae' a'ipipami amama ae' efa'ama Dembinai atona. Amama na'ama. Owamb anama Judas nase'ama Jisas nafe' lagof amam naumbih, ma owamb anama Dembinai Jisas nafela bret

1 Korin 15:3

Basef ali' ai'ipami, amama ae' fowa' ali' efa'ami. Amama na'ama. Krais naga'ma nakwaha awami ape' manda'ami, si'i Baibel fowa' na'iam.

1 Korin 15:8

Ea', ae' agi' endilisi atolona wapoti', natagama ae' si'i awani mama'wan kolan awen.

1 Korin 9:1

Dei' ae' a'i ihali'ipa efela ukup ipe'imi. Ipe' pa'i ae' ape wafifiwi ape aposel ati Dembinai Jisas ea' o owa'? Ae' anda' anama atona dei' ipe' pataga Kristen, o owa'? Endilisi.

2 Korin 5:21

Aman anama ina nanda' waf aonai ea' God nakolasa awami ape'imi hiami mafe'ma anan atona ea' ofagema ape'imi mapoma anan atona nofa'am. Anan nanda'am na'ama ma ape' mape la'ifipa maloma Jisas Krais mefa' waf ananinai bu'unai.

Galesia 1:12

Ae' ina efa'ama enin epen, owa'. Ina enin epen nawalipi basef amama ofagema, owa'. Jisas Krais atona nawalipi basef amama bu'wami.

Galesia 1:15

Ea' fowa' gani mama'we ata' owa' kolae, God nagiambame na'a nosahe'e nofale ma enda'mana maol. Anom nimeguf mafe'ma ea' nemaf anama anan na'i nihi'ambe Nogalomana Ananinai ma iwalipasa basef bu'wami ananimi isima sololama Godi, nemaf anama ae' ina afe' ahali' enin epena maol anama, owa'.

2 Timoti 1:1

Ae' Pol anda' basef mafe'mago ine' Timoti, ae' okom nainailina. Ine' nembale'efa God dei' nataga nogalome ae'inai. Okom Godi atona dei' ape aposel Jisas Kraisi. Basef Krais Jisasi endilisimi atom, nase'apa ambal namunai ape' mape la'ifipa maloma Anan. Ae' a'i amam biam migiambamena na'a ea' muti uwahipina monda' okom ine'inai nope awanena.

Taitus 1:1

Ae' Pol anda' maola Godi, ae' aposel Jisas Kraisi. Anan nandandepe ma eawalipasa basef ananimi. Anan nasapa'e ma igiambama esis amam nematawa nandandepas ea' ananisi ma enda'as sotaga la'ifis sombale'efana sogawa basef endilisimi ma sila waf ananinai.

1 Pita 2:22

“Anan ina nanda' anona waf aonai, owa'. Ina na'i anom basef baso'maimi ma malogel ananinai, owa'.”

1 Jon 2:1

Ipe' alupipei ae'ipei, ae' okom nainailipa, anda' basef amama mafe'mago ipe' ma ina penda' waf aonai, owa'. I'i enin epen nenda' waf aonai, enin anan niegiambamani nape. Anan Jisas Krais bo'ona andeande'. Anan nahali' Ahalomana ma nokwahoman waf aonai epen anama nanda'anai.