Aposel 21:31 - Basef Buꞌwami Godi

³¹ Esis sa'i soha Pol noga', ea' basef mafe' matagama soldia dembinai numafi amam soldiai. Basef ma'iam na'ama ma'i, “Esis Jerusalem hiesi sohafel gegelalasis kwapete'as sa'i sonda' wandaf.”

Aposel 21:31 Iomraidhean Croise

Matyu Nandaꞌafi 26:5

Ea' amam mandaiwa'ma meambalo'ana nemaf anama sanda' gwa'aimi amama lu'wami. Na'ama epes hiesi ukup aom ea' sohafel sonda' wandaf.

Matyu Nandaꞌafi 27:27

Ea' amam soldia Pailati mofa' Jisas mawisi ipat amam gavmani lu'unai. Ea' mofala anom soldia hiami mafi'i munduwa'anima ma anan.

Mak Nandaꞌafi 14:2

Amam ma'iam na'ama ma'i, “Nemaf anama sanda' gwa'aimi lu'wami afa' ina ombalo'ana, hapainai. Na'ama epes hiesi ukup aom sohafel sonda' wandaf.”

Jon Nandaꞌafi 16:2

Anona nemaf esis sogalo'mepa ifagw esis Juda sa'i basef sapeimi. Anona nemaf notaga ma emi egafis sehepa pega', esis ukup mondanda' si'i sanda' maol bu'unai Godi. Owa'etin.

Jon Nandaꞌafi 18:12

Ea' amam soldia maloma dembinai amamunai maloma amam polisman Judai hiami mombalo' Jisas manda' mandof mowa' lagofana.

Aposel 10:1

Anona aman nape Sisaria agilinama Kornilius, anan agilinai kepten numafi soldia 100-peleim. Soldia amama hiami sofalam sa'i soldia Italimi.

Aposel 17:5

Ea' esis Juda kowalas opalef aoma esis hiesi sombale'efa basef Pol naloma Sailas ma'ipasami. Na'ama esis sofa' anom amam awami manda' waf aonai. La'ela'ef amam mape anama esis sandakolas etifigin sapoma. Ea' sa'ipa amam nematawa hiesi sape wambel anama safela ukup asasimi ma sopa'. Ea' safitap endilisi sa'i basef lupa'aimi safe' sawisi uta sawis ipat Jesoni ma suwis sogolopa Pol naloma Sailas. Sa'i sofa'am muwisi ande'ma sose'am amam nematawa hiesi.

Aposel 19:40

Amam dambami gavman Rom nambimb monda'mapa basef o owa'? Ape' ina mogawa. Dei' maina ape' mafela wandaf manda'ana dei' nemaf anae'? Ofagema owa'etin endilisi ma amamaga amama. I'i amam dambami Rom mihali'apa ma amamaga ofagema ma mandakolas anama, ape' ina anom basefa mogwam, owa'.”

Aposel 21:38

Ae' a'i ine' aman Isipinai fowa' nogota anama nafela wandaf napa' naloma gavmani ea' nao'wa amam 4,000-peleim mahapila bainahi nao'wam mafe' anama wafiguma epes a'agoma.”

Aposel 22:22

Esis Juda same' basef Poli mafe' matagama basef amama ma'i epes isima ina Judaisi. Ea' esis sa'i mehip sa'i, “Epes amama ina mope etap, owa'. Hana ma afuna!”

Aposel 23:17

Ea' Pol nofala anona soldia dembinai na'i, “Akwolanago aman anama so'unai nefe'mago kepten dembinai ma amam soldia hiami. Anan anom basefa na'i ni'ipanam.”

Aposel 24:22

Feliks nogawa andeande'ma bale'ef naloma waf sa'i eaf esis Kristeni. Ea' na'ipa esis Juda ma ata' sope sohafana. Anan na'i, “Ota' ma soldia dembinai Lisias nikini'i, ae' enandonama basef amama ipe'imi.”

Aposel 24:6

Ea' anan na'i nonda' ipat lu'unai sanda lotuma Godanai aona wapoti'. Na'ama ape' mombale'ana ma'i monda' kotimana ma mi'uli ape'inai.

Aposel 24:7

Ea' kepten dembinai Lisias nafi'i, anan la'ifinai nahonde'ana lagof ape'imi.

Aposel 25:23

Wafilu Agripa naloma nemata'w akwama Bernaisi safi'i sanda' sosaf hianai ma sefela agof asasimi lu'um. Ea' sawis ipat lu'unai sandatama etifigin sape sa'i basef nomon saloma amam soldia dambami mali'i maloma amam agufumi taun anama. Ea' Festus na'ipas mehip sao'wa Pol nafi'i.

Aposel 26:21

Ae' anda'am na'ama ea' ofagema amama atom dei' esis Juda sombale'e ipat lu'unai Godi sa'i sehe ega'.