Aposel 21:27 - Basef Buꞌwami Godi

²⁷ Nimeguf amama 7-peleim felefele'ma hi'ilam, anom Juda mape etap hiagoma Esiai mati Pol nape nomon ipat lu'unai Godi ea' mafela ukup esis amam nematawa hiesi ma mombale'ana.

Aposel 21:27 Iomraidhean Croise

Luk Nandaꞌafi 21:12

Amamaga amama hiami ina motaga mehip, ata' owa'. Esis sili' sombalo' ipe' paila basef ae'ami. Ea' sonda'epa kwapete'epa. Sonda'mepa kot nomon ifagw esis Juda sa'i basef sapeimi ea' sonda'epa penda' kalabus. Ea' sofa'epa pefe' sohaponepa pitu naep amam king moloma gavman dambami. Ipe' pefela agel ae'anai paila basef ae'ami. Amama atom sonda'epa na'ama.

Aposel 13:50

Na'ama esis Juda safela anowa nematawa agufuwai wanda' lotuma Godi waloma anom agufumi mape taun anama lu'wagoma saha Poli naloma Barnabas sanda'am kwapete'am. Ea' sagalo'mam wambel asasinai.

Aposel 14:19

Anom Juda mape Antiok naloma Aikoniam mafi'i Listra mafela ukup asasimi amam nematawa. Ea' dei' esis sakwaha otamba saha Pol sa'i endilisi anan afuna ea' sahonde'ana nawisi na'oh ande' taun anama.

Aposel 14:2

Ea' enis epes Juda ina sombale'efa God, owa'. Esis safela ukupa enis amam nematawa owa' Judaisi ea' sanda' epes isima opalef aoma esis Kristen.

Aposel 14:5

Esis epes ina Judaisi saloma esis sanda'ipama sa'i basef sandame'mam saloma amam agufumi asasimi ea' sa'i sonda' Pol naloma Barnabas aom. Sa'i sokwaha otamba soham afum.

Aposel 16:6

Ambal Bu'unai Godi nasopama amam mawalapa basefa esis sape etap hiagoma Esiai. Ea' mafe' la'afena etap hiagoma biefina Frigia naloma Galesia.

Aposel 17:13

Ea' anona nemaf esis Juda sape Tesalonaikai same' basef ma'i Pol nawalapa basef Godi Beria. Ea' safe' safela ukup esis amam nematawa sape Beriai aom.

Aposel 18:12

Anona nemaf anona aman agilinama Galio nataga nape gavman dembinai ma etap hiagoma esis Grik sapoma. Nogota anama esis Juda sa'i basef sandame'mam sombalo' Pol sofa'ana safe'ma kot sambaso'mana sa'i,

Aposel 2:9

Partia, Midia Elam ea' Judia, Kapadosia naloma Pontus Esia Frigia Pamfilia Isip ea' ape' anona etap hiagoma Mesopotamia ea' esis ganima Libia felefele'ma wambel Sairini. Ea' anepa ape' wambel Rom mafi'i mape na'ae.

Aposel 20:19

Ipe' pegawa nimeguf hiami la'ela'ef esis Juda sa'i basef sa'i sogolope sehe ega'. Amama atom ae' efa' nimanimi magwamba ae'. Owa'. Ae' anda' agel ae'anai nafe' owin endilisi, efa' nimanimi ea' embif maluwi naep ma anda' maol Dembinai.

Aposel 24:11

I'i ine' nihali' esis, atuwasi neme' basef amama dei' ae' a'i i'ipinami. Nimeguf ata' 12-peleim mafe' ea' ae' ali' afe' Jerusalem anda' lotu.

Aposel 24:18

Anda'am na'ama ma anda' waf bu'unai, waf aonai a'e ma naep Godi. Ea' esis satolowe. Ina enis amam nematawa hiesi sape salome afela opalef enis epes sanda' salamala naninani, owa'etin.

Aposel 26:21

Ae' anda'am na'ama ea' ofagema amama atom dei' esis Juda sombale'e ipat lu'unai Godi sa'i sehe ega'.

Aposel 4:3

Ea' dei' amam mafi'i mombalo' amam biam wambomota aon nowala. Ea' manda'am manda' kalabus owamb anama mahafa wefilu kuhimbita.

Aposel 5:18

Amama atom dei' amam mohafel mombalo' amam aposel mase'am kalabus lu'wami.

Aposel 6:12

Ea' amam mafela opalef esis amam nematawai saloma amam agufumi asasimi maloma amam mawalipasa mi'uli Godi. Ea' esis safe'ma Stiven sombalo'ana sofa'ana safe'ma amam dambami Juda mumafi koti.

Aposel 6:9

Ea' anom amam mohafel ma'i basef mandahihianama maloma Stiven. Amam amama fowa' manda' maol mape owina enis epes ea' dei' mape wafifim. Ea' sofalana amam wambel Sairini naloma Aleksandria anona etap hiagoma Silisia naloma etap hiagoma Esia.

2 Korin 11:26

La'ela'ef ae' afe' laogoma eaf lounai. Ae' a'i higilili ewala walembeh hiami afe'ma. Amam amama manda' waf aonai manda' wali mafe' eafi ma'i mohe. Esis esimbel etifim Judaisi sa'i sohambombage ea' epes isima owa' Judaisi wapoti' sa'i sehe. Enis epes sa'i sehe taun ea' anama etap wafiguma wapoti', naoh embel wapoti'. Ea' anom alupumi mambaso'ami wapoti' ma'i mohambombage.

1 Tesalonaika 2:16

Ea' sasopama eafa afa' i'ipasa basef Godi esis sololama Anani ma nofa'as sotanimani sope andeande'. Esis Juda sanda'as na'ama dei' sowatani waf aonai asasinai la'ela'ef nataga lu'una endilisi. Fowa' God natilis na'a ea' dei' okom wandafunai Ananinai nafi'i natagamas nemaf akutainai nonda'as awes higilalas.