Aposel 21:21 - Basef Buꞌwami Godi

²¹ Ea' enis epes sambaso'mas sa'ipasa ine' na'ama sa'i, ‘Pol na'ipa esis Juda safe' sape salomas anona wambel enis epes hiesi owa' Judaisi. Na'ipasa esis sokwaha mi'uli anama fowa' God naso' Mosesanai.’ Anan na'i, ‘Ipe' ina petopa' alopa amam so'umi ipe'imi ea' ipe' ina ata' pilana wapoti' waf fowa'inai, hapainai.’ Enis epes some' basef ine' na'iami dei' sa'iam na'ama.

Aposel 21:21 Iomraidhean Croise

Aposel 16:3

Pol na'i Timoti nefe' nolomana. Amama atom dei' nao'wana natopa'mana alop. Pol okokoma esis Juda sape na'amai na'i, “I'i Timoti owa' neatopa' alop, esis ina nambimb sila basef ananimi, owa'.” Na'ama dei' naila waf esis Judai natopa'mana alop. Dei' main, esis hiesi sogawa Timoti ahalomana anan Grikinai.

Aposel 21:22

Ape' mogawa endilisi atuwasi esis Kristen Judaisi some' basefa ine' nafi'i nataga. Na'ama dei' afa' ata' onda'am wi'imama?

Aposel 21:28

Ea' soga sa'i mehip na'ama sa'i, “Ipe' epes Israelipei, pigiambamapa aman anama na'ipa epes hiesi wambel hiagoma nasambala epes hiesi Israela mi'uli anama Godi fowa' gani Moses nawalipasanai naloma ipat lu'unai Godi wapoti'. Ea' ina amama atom, owa'. Anan nao'wai enis epes owa' Judaisi safi'i sawisi nomon ipat anama sanda'ana aona.”

Aposel 28:17

Nimeguf wenif mafe'ma ea', Pol nofalai amam agufumi Judai mafi'i mandatama etifigin. Ea' na'ipam na'ama na'i, “Ipe' sahope, ae' ina anda' anom amamaga ahambombaga epes ape'isi ma esambala waf amam bafapapa ape'imi, owa'. Ea' amam dambami Judai manda' kalabusima ae' Jerusalem ea' manda'e afi'i lagof amam Romi.

1 Tesalonaika 2:16

Ea' sasopama eafa afa' i'ipasa basef Godi esis sololama Anani ma nofa'as sotanimani sope andeande'. Esis Juda sanda'as na'ama dei' sowatani waf aonai asasinai la'ela'ef nataga lu'una endilisi. Fowa' God natilis na'a ea' dei' okom wandafunai Ananinai nafi'i natagamas nemaf akutainai nonda'as awes higilalas.