Aposel 21:13 - Basef Buꞌwami Godi

¹³ Ea' Pol nagwa basef na'i, “Dei' maina ipe' palef endilisi ma panda' okom ae'anai aona? Ae' ina andandombama enda' kalabus etin, owa'. Ae' andandombama eaga' wapoti' Jerusalema efela agel Dembinai Jisasi.”

Aposel 21:13 Iomraidhean Croise

Aposel 20:24

Ea' ae' ina okom napoma ambal ae'anai atona nope, owa'. Ea' ina la'ifiwi ma ihapila ambal ae'anai la'ifina, owa'. Ae' a'i ila eaf anama ilana efe' embefana. Ae' a'i enda'ana hi'ilana andeande' maol anama Dembinai Jisas nasi'ianai. Maol anama ewalapa basef bu'wami Godi nagiambamapa na'a nofa'apa motanimani.

Aposel 20:37

Amam hiami malef kwapete'am mandalulupatanima ea' mombalo' Pol masisi'amana dalogw.

Aposel 5:41

Ea' amam aposel makwaha amam dambami Juda mumafi koti ea' mafe' mawis ande'. Manifela God na'i aho'ma mofa' nimanimi ma agel Jisasi.

Aposel 9:16

Nambimb ae' ihi'ambana nimanimi lu'wami nefa'ami ma nowalapa agel ae'anai. Na'ama ine' dei' fo'o netolona.”

1 Korin 15:31

Alupipei endilisi, ae' andanifel ma pape la'ifipama Krais Jisas Dembinai ape'inai. Ea' anom basef wapoti' endilisimi atom si'i amama. Nimeguf hiami la'ela'ef ae' ape si'i aga'i.

Filipai 2:17

Ipe' pembale'efa God panda' opeh ananimi, amama si'i anom amamaga ipe' pindalali pase'anami. I'i nambimb esis sehe ega' sokolo'wa esimbel ae'ami si'i enis sondolali sakolo' ifat su'utip sanda' ofa sondalalima God, ea' hapaimi, ae' endanifel. Nambim ae' endanifel eloma ipe'.

Filipai 2:26

Opaf ananinai nalef endilisi ma na'i nitilipa. Ea' anan okom nimanima ipe' pame' basefa awes nanda'ana.

Kolosi 1:24

Dei' ae' andanifel ma efa' nimanimi agiambama ipe' Kristen amam nematawa sios Kraisi, ipe' si'i alop si'ina Ananinai. Anom nimanimi afa' wanda' maol Kraisi ofa'ami, amama ata' mape la'ela'ef. Dei' a'i embefa amama efa'am alop ae'anai anda' maol Kraisi. Ae' a'i ewapanimana nimanimi amama ma anda' maol Krais.

2 Timoti 1:4

Ae' okom napoma embif maluwi naep ine'imi, okom nohafel endilisi a'i ata' efo'o itilina endanifel endilisi.

2 Timoti 4:6

Ine' negawa, nogota anama nataga ea' ma sehe ega'. Esimbel ae'ami ma'i kolo'olam molo sehe ega' ma indilali eso' ae' efe'ma God. Nemaf nataga ma ae' ekwaha etap anae'.

2 Pita 1:14

Ae' egawa nogota bandana nape ma nambimb sehe ega' si'i Dembinai ape'inai Jisas Krais nihi'ambe ea'.

Revelesen 12:11

Esis alupusi sahin owan ape'isi sofa' pepel ma esimbel sipsip noganai sawalipasa basef ananimi endilisimi. Esis sanda' waf anama. Amama atom dei' silai'ipa wandaf sali'amona naumbih ma amama. Esis ina ukup ma'ima'i endilisi ma sope andeande' etap anae', owa'. Esis ina umbamahasa naumbih sohas soga', owa'.

Revelesen 3:10

Ipe' paila basef ae'ami andeande' paitu la'ifipa ma nimanimi amama matagamipei. Ea' Ae' dei' imafi ipe' ma nemaf anama amama meagwambipei motagama amam nematawa hiesi etap hiagomai ma God nowalogas waf bu'unai aonai. Amama ina anona nemaf motagama ipe', owa'.