Aposel 20:7 - Basef Buꞌwami Godi

⁷ Nemaf Sarere owamb afa' wandakolas waloma esis Kristen ma' gwa'aimi atogon ea' mofa' komunion gwa'aimi Jisasi. Naman Pol na'i nefe'. Na'ama nawalipasa basef nafe' nafe' akita amanota.

Aposel 20:7 Iomraidhean Croise

Mak Nandaꞌafi 16:9

[Jisas notanima nohafel Sande kuhimbita atona, ea' nali' natagama Maria Makdalai'wi, fowa' natofama'wa ambagof awami 7-peleim mapai'wi.

Luk Nandaꞌafi 22:19

Ea' anan nafelai bret nanifela God nawalona nase'am na'i, “Bret anama alop ae'anai. [Ae' ase'epana ma iegiambamepa. Penda'am la'ela'efa ukup mopoma ae'.”

Luk Nandaꞌafi 24:35

Ea' amam biam ma'ipasa amamaga amama do'ok matolom eafi. Ma'ipasam ma'i, “Anan nalomafa wape nawala bret watolona ea' ogawana.”

Jon Nandaꞌafi 20:1

Owamb ata' nail, felefele'ma kuhimbita ma nemaf Sande Maria Makdalai'wi kohafel kwafe' hi'agif. Ea' kwati owap ina ata' masopama uta hi'agif, owa'. Enin epen nelefatana naitu gemba.

Jon Nandaꞌafi 20:19

Nemaf anama Sande owamb, afa' alupufai Jisasi wandatama wafe' etifigin owalo uta wape anona ipat nomon. Afa' umbamahafama amam dambami esis Judai. Ea' Jisas nafi'i naitu nalomafa na'ipafa na'i, “Opalef ipe'imi mope awanem.”

Jon Nandaꞌafi 20:26

Nimeguf 8-peleim mafe'ma ea', afa' alupufai Jisasi wape anona ipat nomon, owalo uta wape. Nemaf anama Tomas wapoti' nape nalomafa. Ea' Jisas nawisi naitu nalomafa na'ipafa na'i, “Opalef ipe'imi mope awanem.”

Aposel 16:10

Ea' Pol nati amama, afa' mehip wandoga eaf wafe' etap hiagoma Masedonia. Afa' ogawa God nofalafa ma owalapa basef bu'wami ananimi ma esis.

Aposel 2:42

Amam nematawa isima sataga Kristen dambaisi esis la'ifis endilisi ma same' basef amam aposel mawalipasami sandagiambanama etin enis sahin owan sape etifigin etin sa' gwa'aimi sanda' beten etifigin atogon.

Aposel 2:46

Ea' esis hiesi nimeguf la'ela'ef safe' ipat lu'unai Godi sanda' lotuwanai. Ea' safe' sa' gwa'aimi ifagw asasimi atona etin. Esis sandanifel ukup bo'om sose'as gwa'aimi ma sigiambama enis epes ea' sandanifel sa' gwa'aimi etifigin.

Aposel 20:11

Ea' Pol nao'was sotanima salata ipat ilif wapoti', nawala bret sa'ana. Ea' Pol na'i basef laumi wapoti' nalomas nafe' nataga lala. Ea' Pol nakwahis nafe'.

Aposel 20:31

Ipe' dei' pindumafuma andeande' la'ela'ef. Ipe' ukup mopoma amama afagof amama wanom la'ela'ef owamb alip ae' ina apoma noma'w ma awalipipa afela ukup ipe' hipei atona etin, owa'. Awalipipa aloma embif maluwi naep ae'ami.

Aposel 20:5

Amam mali'afa mafe' mape mohafafa Troas.

Aposel 20:9

Ea' anona aman so'unai agilinama Yutikus natoma windoa. Pol ata' na'i basef mafe' etin, Yutikus ambeh mahana naep ma'i mose'ana na'oh ea' na'oh nelola endilisi. Rum anama wenifina nape ilifi la'afen, anan nowai gani ilif laogoma nafe' etap. Ea' esis sisila' safe' sofa'anai ea' sati afuna endilisi.

Aposel 28:23

Ea' amam mandandepa anona nemafa amam hiami mafi'i ipat Poli. Ea' mafi'i kuhimbita mape mape mataga wambomota, anan na'i basef ofagema nawalipam. Ea' nawalapa basef alihima epes siowis wambota Godi numafias. Anan nawalapa anom basefa mi'uli fowa' gani God naso' Mosesanai maloma basef Godi amam profet fowa' ma'iami. Ama basef amama anan na'ipama basef la'ifimi nafela ukup amamumi ma mombale'efa Jisas.

1 Korin 10:16

Kap anama aman numafi lotuwi nofalo'mana, anama na'ama. Ape' manifela Goda kap anama nakolasa ape' maloma esimbel Kraisi. Endilisi etis bret anama ape' mawalonai, anama nakolasepa maloma alop Kraisi.

1 Korin 15:10

Ea' God atona okom nainaili nigiabame na'a nanda'e ape andeande'. Ea' dei' ae' ape. Anan nigiambame na'a, ae' anda' maol ape. Nanda'e la'ifiwi anda' maol Ananinai ikila' anom aposel. Ea' ina ae' atowe anda' maol, owa'. God nagiambame na'a, amama atom dei' ape anda' maol anama la'ela'ef.

1 Korin 16:2

Sande nimeguf hiami ipe' hipei atona etin ukup mi'i otamba pefa'ama wik nali'i ea' pewaloga otamba amama pembe'am dende' ma ipe' pefa'am mo'oh dei pimafiam ifagw ipe'imi. Ama anona nemaf ipe' ina penda' maol lu'unai pegolopa otamba, owa'.

2 Timoti 4:2

ine' ni'ipasa basef Godi la'ela'ef. Nemaf anama esis sondandombam ma some' basef, ni'ipasam. Ea' maina nemaf esis sandaiwa' ma some'am, ni'ipasam etin. Ni'ipasam ma mohagofa basef amama baso'maimi. Ni'ipasa basef la'ifimi ma sokwaha waf aonai esis sanda'anai. Ea' nefela ukup asasimi nenda'as sotaga la'ifisa bale'ef, niwalipasa waf aonai nenda'as so'uso'umbemas. Niwalipasa basef amama si'i okom Godi na'iami.

Revelesen 1:10

Anona nemaf Dembinai Sande Ambal Bu'unai Godi numafi ae' ame' anona maf na'i mehip nandame' si'i safapula alof, na'i nataga alafuga ae'anai.