Aposel 20:6 - Basef Buꞌwami Godi

⁶ Nimeguf amama esis Juda sagwa' gwa'aimi saloma bret owa' niatifi, yis a'anai. Nimeguf amama mafe'ma hi'alam, afa' walata anona sip wakwaha Filipai ea' wafe'. Wafe', nimeguf wanom biam mafe' hi'alam watagama amam mali' mafi'i Troas mape wik si'ina.

Aposel 20:6 Iomraidhean Croise

Aposel 12:3

Ea' anan nati esis Juda sandanifel ma amama ea' nanda' kalabusima Pita wapoti' nemaf anama esis Juda sanda' gwa'aimi lu'wami sa' bret wafinai owa' neatifi.

Aposel 16:10

Ea' Pol nati amama, afa' mehip wandoga eaf wafe' etap hiagoma Masedonia. Afa' ogawa God nofalafa ma owalapa basef bu'wami ananimi ma esis.

Aposel 16:12

Ea' wakwaha wambel anama wafe' Filipai, anama fowa' esis Rom safi'i sapoma. Wambel anama lu'unai ma etap hiagoma Masedonia. Ea' wape anama anom nimeguf.

Aposel 16:8

Ea' amam mawis etap hiagoma mafe' Misia misila'agon makini' mafe' Troas.

Aposel 20:16

Pol nanindifa okom ananinai la'ifina na'i amam mikila' Efesus. Anan nandaiwa'ma nope etin anom nimeguf etap hiagoma Esia, owa'. Na'i nefe' ulal Jerusalem nemaf anama sa'i Pentikos.

Aposel 20:5

Amam mali'afa mafe' mape mohafafa Troas.

Aposel 21:4

Ea' afa' wafe' wagolopa enis Kristen watilis ea' wape walomas wik si'ina. Ea' Ambal Godi nafela ukup esis Kristeni ma sa'ipa Pola ina nefe' Jerusalem, owa'.

Aposel 21:8

Ama wafilu wakwaha Tolemes wafe' wataga Sisaria wakwaha sip ea' wafe' ipat anona aman Filip nawalipasa basef Godi wape walomana. Anan anona ma amam amama 7-peleimi fowa' mandandepam Jerusalemi ma magiambama amam aposel.

Aposel 28:14

Wambel anama afa' wati enis Kristen. Ea' sa'ipafa wape walomas wik si'inai. Wape ea' wafe' Rom.

Filipai 1:1

Ae' Pol aloma Timoti afa' biafa Krais Jisasi atofa wanda' opeh ananimi. Wanda' basef amama mafe'mago ipe' amam nematawa Godi pape Filipai. Basef amama mafe'ma ipe' pape la'ifipa paloma Jisas paloma agufumi ipe'imi maloma amam magiambamam wapoti'.

1 Tesalonaika 2:2

Fowa' wali' wafe' wambel anama Filipai ea' sanda'afa aofa alop afa'inai, wame' nimanimi endilisi. Ipe' pegawa. Ea' God afa'inai nanda' opalef afa'imi la'ifim. Ea' afa' ina umbamahafa wandafa'ma esis naumbih, owa'. Afa' la'ififa wafo'o wawalapa basef bu'wami Godi ma ipe'.

2 Timoti 4:13

Ine' nifi'i nifa'mai saket anama launai anama akwahona na'ihi Troas ipat Karpusi. Anama ine' nifa'mianai nifi'i. Ea' anom buk ae'ami wapoti' nifa'miami. Buk amama sanda' agwafuh mafisim sanda'ami. Amama nifa'miam etin nifi'i endilisi.