Aposel 20:32 - Basef Buꞌwami Godi

³² Dei' anda'epa ukup mopoma God noloma basef ananimi. Basef amama ma'ipipa Anan okom nainailipa ma nagiambamepa etin. Amama la'ifima monda'epa petaga la'ifipa mose'epa amamaga bu'wami atom God nase'asam amam nematawa anan nanda'as bo'wes ea' Ananisi etis.

Aposel 20:32 Iomraidhean Croise

Mak Nandaꞌafi 10:17

Jisas nohafel nafe', anona aman nasagih nafi'mai anan nindiwa nembawa notawa nahali'ana na'i, “Tisa bu'winai, ae' nambimb enda' maina waf bu'unai ma efa' ambal namunai epe andeande' la'ela'ef?”

Jon Nandaꞌafi 15:3

Basef amama Ae' a'ipipami monda'epa pataga bo'wepa ea'.

Jon Nandaꞌafi 17:17

Basef ine'imi amama endilisimi. Ine' nenda' esis sotaga ine'isi etis bo'wes ma basef amama.

Aposel 11:23

Anan nafe' nataga nati God nanda' esis bo'wesa waf bu'unai numafias nandanifamas. Nafela ukup esis amam nematawa hiesi ma sope la'ifis sila Dembinai.

Aposel 14:23

Ea' mandandepa agufumi mumafi esis Kristeni mandanda' ma sios amama hiami. Amam makwaha gwa'aimi manda' betena manda' esis sope la'ifisa lagel Dembinai anama sembale'efana.

Aposel 14:26

Anama Atalia malata sip ea' nefa'am mafe' Antiok. Wambel anama fowa' esis Kristen sandandepam mapoma lagel Godi ma nandahomam manda' maol anama dei' manda'anai hi'alana. Ea' dei' motanima mafi'i wambel anama.

Aposel 14:3

Amam biam mapani nogota launai Aikoniam ea' mawalapa basef Dembinai la'ifim alihim. Amam ina umbamaham, owa'. Ma'ipasa basefa Dembinai nandahomas endilisi nagiambamas. Ea' Dembinai nanda' amam biam mataga la'ifim manda' ikwaf la'ifinai naninani hianai. Ea' dei' esis sogawa basef amama endilisimi atom.

Aposel 15:40

Ea' Pol nao'wa Sailas nalomana mafe'. Ea' esis Kristen hiesi sasapa'am sa'i, “Okom lu'unai Dembinai nope nolomepa nigiambamepa numafipa.”

Aposel 20:24

Ea' ae' ina okom napoma ambal ae'anai atona nope, owa'. Ea' ina la'ifiwi ma ihapila ambal ae'anai la'ifina, owa'. Ae' a'i ila eaf anama ilana efe' embefana. Ae' a'i enda'ana hi'ilana andeande' maol anama Dembinai Jisas nasi'ianai. Maol anama ewalapa basef bu'wami Godi nagiambamapa na'a nofa'apa motanimani.

Aposel 26:18

Ama newala naep asasimi ma esis sowa' alafugaha akota waf aonai somboma opalef sifi'mai howalagon ma sokwaha pepel Satani sifi'mai God. Esis sombale'efa ae' ma ekwaha waf aonai esis sanda'anai. Ama sofa' amamaga bu'wami soloma enis amam nematawa God nanda'as bo'wes ananisi etisi.’

Aposel 9:31

Dei' esis amam nematawa Kristen sape etap anama hiagoma Judia naloma Galili naloma Samaria sape opalef awanem sape andeande' ea' esis Kristen sataga la'ifis. Esis sape owina Dembinai ea' Ambal Bu'unai Godi nanda'as sataga la'ifis opalef asasimi. Ea' esis Kristen sataga hias.

Basef Amama Pol Nandaꞌam Mafeꞌma Esis Romi 8:17

Ape' mape awasi Godi. Ea' anona nemaf mofa' amamaga bu'wami Ahalomapai moloma amamaga anan nambe'ama Krais numafiami mofa'am moloma Krais. I'i dei' ape' mofa' nimanimi molomana, anona nemaf mofa' pe bu'unai endilisi nonda'apa mififil molomana.

1 Korin 6:10

saloma isima sanda' wali saloma epes kowalasa amamaga enis epesi sa'i sofa'am etini saloma epes isima sa' embel sahaga sagaol saloma epes isima sa'i basef awami findiwaimi ma enis epes ea' isima sanda' wal sahambombaga epesi, epes isima na'amaisi ina anona nemaf sefe' wambel Godi, owa'etin.

1 Korin 6:11

Fowa' enipa panda' waf anama. Ea' dei' God nasa'opepa nosahe'epa ea' Ananipei etipa si'ipa. God nanda'epa pataga epes bu'upei ma naep Ananimi. Anan nanda'epa na'ama etina agel Dembinai Jisas Kraisi ma Ambal Bu'unai God ape'inai.

1 Korin 6:9

Emi egafis sanda' waf aonai, anona nemaf ina sefe' wambel Godi, owa'. Ipe' pegawa amama o owa'? Na'ama ipe' pembaso'ma ukup ipe'imi atom. Epes sanda' waf aonai ma so'a waola enis amam nematawa saloma epes isima sanda' lotuma god baso'omunai saloma epes sahambombaga waf daso'amainai saloma amam amama ukup ma'i waf nematawainai saloma amam amama manda' waf aonai maloma anom amami

Efesus 1:14

Nihi'ambepa ape' mogawa endilisi la'ela'ef mopoma anona nemaf nose'apa amamaga bu'wami ape' epes ananipai. Anan nose'apam nemaf anama notagahepa nofa'apa mofe' mope molomana. God nanda'am na'ama ma ape' monda' epes hiesi sefela agel ananinai lu'una, agel anama bu'unai endilisi.

Efesus 1:18

Ae' anda' beten ahali'ana ma nonda' ukup ipe'imi pegawa waf bu'unai ma amamaga bu'wami Anan nofalepa pape pehafami. Ma pegawa ambal namunai mape la'ela'ef noloma wambel Godi nahopagoma howalagon endilisima. Amama God nandondomba ma anona nemaf na'i nose'apa moloma epes ananisi endilisi.

Efesus 4:12

Krais nase'apa presen anama bu'unai ma manda' ape' amam nematawa Godi mondondombam mope la'ifipama monda' maol bu'unai Ananinai. Ape' amam nematawa Godi si'i alop Kraisi. God nase'apa presen anama bu'unai ma ape' mefa'ana manda' hiesi amam nematawa Kraisi sataga la'ifisa sanda' maol Godi.

Efesus 4:16

Anan atona dembinai ma ape' Kristen hiapai. Ea' ape' Kristen hiapai si'i alop wa'awa'ana nape etifina la'ifipa mandagigiambanama etin si'i gigililimb mowa' nigis hiami lu'wami so'umi motaga la'ifimi. I'i alop wa'awa'ana hianai nonda' maol nondahama ikwaf Anan na'ianai, alop anama si'ina nape na'ama. Ape' amam nematawa Kraisi mandagigiambanama mape la'ifipa mikila' fowa' mape. Alop anama nataga la'ifina etina ukup maimailas sandagigiambanama.

Efesus 5:5

Ipe' pegawa ma emi egafis sanda' waf aonai so'a waolanai, o emi egafis ukup awami kowalasa amamaga enis epesi si'i saila god baso'omunai, epes isima ina anona nemaf suwis wambota Godi naloma Kraisi, owa'.

Kolosi 1:12

Ea' onda' betena ipe' ma pinifela Ahalomapa. Anan nanda'epa pataga la'ifipa ma pefa' amamaga amama bu'wami Anan nandondombama ipe'. Amama anona nemaf pefa'am peloma esis amam nematawa Ananisi hiesi wambel Ananinai howalagoma.

Kolosi 2:7

Ipe' pitu la'ifipama Anan si'i lawag nombalef mowala etap owin la'ifina notawa ea' si'i ipat natoma ilifa olalef notawa la'ifina. Ipe' pembale'ef la'ifipa ma basef amama bu'wami pefa'ami pikila' fowa' pali' pembale'efam ea' pinifela God la'ela'ef.

Kolosi 3:24

Dei' main, ipe' pegawa anona nemaf Dembinai nofalo'mepa nese'epa amamaga bu'wami ipe'. Amama anan nandandepam ma'oh ma'oma ipe' epes ananipei. Ipe' pape panda' maola Krais Dembinai ape'inai.

Hibrui 10:14

Dei' main, Krais nase'ana alop ananinai atona God nondolalimana nemaf atotona, ea' amama atom nanda' epes sataga bo'wes andeande' sope la'ela'ef. Epes isima Anan dei' nape la'ela'ef nanda'as anona nemaf sotaga bo'wes andeande'.

Hibrui 13:9

Ipe' pindumafuma andeande'. Na'ama anom basef hiami mamumami mufi'i momboma opalef ipe'imi ea' pekwaha eaf Godi. I'i ukup ape'imi la'ela'ef mopoma God nagiambamapa na'a, na'ama andeande'. Opalef ape'imi ina motaga la'ifima mila mi'uli epesi ma mea' gwa'aimi mamumami, owa'. Waf anama saila mi'uli anama ina nagiambama amam nematawa sailanai, owa'.

Hibrui 2:11

Anan atona nanda'apa amam nematawa mataga bo'wepa andeande' malomana wambota atotona Ahalomapa atotona. Amama atom dei' Anan ina ambal aona nofalapa na'i sahin owan Ananipai, owa'.

Hibrui 9:15

Amama atom dei' Krais nape la'afen numafi basef amama dambaimi God na'i endilisimi atom. Anan naga' ma natala esis amam nematawa notagahis ma waf aonai esis sanda'anai nogota anama sape owina basef God nali' na'i endilisimi atom. Ea' dei' emi egafis God nofalasa sigi'mana, esis sofa' ambal anama namunai sope andeande' la'ela'ef. Amama ambal namunai si'i fowa' gani God na'i endilisimi atoma sofa'ami.

Basef Ifimba Jut Nandaꞌafi 1:1

Ae' Jut anda' maol ape owina Jisas Krais, ae' owalomana Jemsi. Ae' anda' basef amama mafe'mago ipe' amam nematawa God nandandepepa ea'. Mafe'mago ipe' Ahalomapa God okom maimailipei, ipe' Jisas Krais atona nili'akwapa.

Basef Ifimba Jut Nandaꞌafi 1:20

Ea' ipe' alupipei endilisi, la'ela'ef ipe' penda' opalef ipe'imi la'ifim pembale'efa God, Anan ofagonama bale'ef ipe'inai. Ea' la'ela'ef ipe' pihali' Ambal Bu'unai Godi ma nonda'epa la'ifipa numafipa ma beten ipe'inai.