Aposel 20:3 - Basef Buꞌwami Godi

³ Anan nape aomb wanom etap anama. Na'i nofa' sip nefe etap hiagoma Siria ea' nogawa esis Juda sa'i basef sandame'mama sohana noga'. Ea' nanindifa okom ananinai na'i notanima nefe' nuwis etap hiagoma Masedonia la'afen.

Aposel 20:3 Iomraidhean Croise

Matyu Nandaꞌafi 4:24

Basef Jisasi mohafel mafe'agon etap hiagoma Siria ma nanda' awesisi hiesi sataga bo'wes. Ea' esis Siria wapoti' sofa'ai hiesi awesisi sofa'as safi'mai Jisas. Enis ambagof awami manda'as sahaga sagaol, enis ambagof awami mahas maofas nif, enis same' alop nimanimi lu'wami mahas, enis lagof bo'wagah monda'alasi esis sofa'as safi'mai Jisas nanda'as sataga bo'wes hi'alas.

Aposel 16:12

Ea' wakwaha wambel anama wafe' Filipai, anama fowa' esis Rom safi'i sapoma. Wambel anama lu'unai ma etap hiagoma Masedonia. Ea' wape anama anom nimeguf.

Aposel 16:9

Owamb anama Pol nati anom amamaga si'i na'oh nandondo'oh nati anona aman Masedoniainai naitu nofalai Pol na'ipana mehip na'i, “Ine' newala nimbuwi naoh ea' nifi'i Masedonia nigiambamapa.”

Aposel 18:18

Pol ata' nape nimeguf hiami wambel anama Korin naloma esis Kristen. Ea' nanda'masa nemaf bu'unai esis nakwahis nalata sip. Sip nakwaha wambel anama na'i nefe' etap hiagoma Siria. Akwila naloma Prisila safe' salomana. Nemaf anama Pol owa' ata' nolata sip, anan natopa' auf balaga wambel anama Senkria. Dei' main, anan na'i basef la'ifimi naloma Goda na'i nonda' anom amamaga.

Aposel 19:21

Amama mafe' ea', okom Poli nohafel la'ifina na'i nefe' etap hiagoma Masedonia esis Grik sapoma ea' nefe' Jerusalem. Anan na'iam na'i, “Ae' efe' anama ea' efe' iti Rom wapoti'.”

Aposel 20:1

Esis sa'i basef awanami, Pol nofalai esis Kristen safi'mai anan, na'ipasa anom basef nanda' opalef asasimi mataga la'ifim. Ea' nanda'masa nemaf bu'unai esis nakwahis nafe' etap hiagoma Masedonia.

Aposel 20:19

Ipe' pegawa nimeguf hiami la'ela'ef esis Juda sa'i basef sa'i sogolope sehe ega'. Amama atom ae' efa' nimanimi magwamba ae'. Owa'. Ae' anda' agel ae'anai nafe' owin endilisi, efa' nimanimi ea' embif maluwi naep ma anda' maol Dembinai.

Aposel 20:2

Anan nafe' anama hiagoma nawalipasa basef hiami esis Kristen nanda' opalef asasimi mataga la'ifim. Ea' nafe' nataga etap hiagoma esis Grik sapoma.

Aposel 21:3

Ea' wati ailan anama Saiprus wikila'agon nape da'isinaima. Afa' wafe' wataga etap hiagoma Siria ea' wafe' wataga wail Tair. Esis sa'i sowafa hiahaom ma sip anama wambel anama.

Aposel 25:3

Ma'ipa Festus mehip ma'i, “Ine' nigiambamafa nesapa' aman anama nifi'i anae'.” Dei' main, amam ma'i mondambaho' mope eafa mohana noga'.

2 Korin 1:15

Ae' egawa endilisi basef ali' a'ipipami ma waf bu'unai ipe'inai. Ea' fowa' ali' anda' okom na'i efe'mago ipe' igiambamepa bifa ata' pegawa waf Godi wapoti'. Ea' ae' ina afo'o.

2 Korin 11:26

La'ela'ef ae' afe' laogoma eaf lounai. Ae' a'i higilili ewala walembeh hiami afe'ma. Amam amama manda' waf aonai manda' wali mafe' eafi ma'i mohe. Esis esimbel etifim Judaisi sa'i sohambombage ea' epes isima owa' Judaisi wapoti' sa'i sehe. Enis epes sa'i sehe taun ea' anama etap wafiguma wapoti', naoh embel wapoti'. Ea' anom alupumi mambaso'ami wapoti' ma'i mohambombage.

2 Korin 7:5

Fowa' afa' wafi'i otaga etap hiagoma Masedonia, alop afa'inai ina napoma noma'w owa'. Nimanimi mamumami hiami matagamafa, sa'i basef la'ifimi safitap salomafa. Ea' umbamahafa ukup matamea.

Galesia 1:21

Anom nimeguf mafe'ma ea' afe' anona wambel nape etap biefina hiagoma Siria naloma Sialisia.