Aposel 20:25 - Basef Buꞌwami Godi

²⁵ Ea' ipe' peme'. Fowa' ae' afe' la'afena ipe' hipei awalapa basefa epes hiesi siowis nomona wambota Godi numafias. Ea' dei' egawa, namanani ipe' hipei ina piti amaga ae'anai wapoti', owa'.

Aposel 20:25 Iomraidhean Croise

Matyu Nandaꞌafi 10:7

Pefe' pewalapa basef na'ama pi'i, ‘Nemaf bu'unai nafi'i felefele' ea' ma ipe' piowis kingdom heveni.’

Matyu Nandaꞌafi 13:19

Basef amama ma epes siowis kingdom heveni mape na'ama. Olelemb mowa eafi amama si'i epes isima same' basef amama, esis ina okokoma basef, owa'. Ea' Satan nafi'i nofa' basef amama God nase'asam opalef asasimi nakwahom nafe'.

Matyu Nandaꞌafi 13:52

Ea' na'ipam na'i, “Amom dambami mawalipasa mi'uli Godi molafa basef ananimi ma miowis kingdom heveni, amam mandahama si'i anona aman ofagonama ipati. Anan nafe' nawis ipat nomon nofa'ai amamaga bu'wami namumi maloma apimi ea' nofa'am nafi'i.”

Matyu Nandaꞌafi 4:17

Ea' dei' Jisas nafela maol na'ipasa basef la'ela'ef. Nawalipasa basef amama na'i, “Nemaf anama bu'unai felefele' neataga ma ipe' piowis kingdom heveni. Na'ama dei' ipe' pemboma opalef pefe'ma God.”

Matyu Nandaꞌafi 4:23

Ea' Jisas nafe' etap hiagoma Galili, nafe' na'ipasa basef bu'wami Godi amam nematawa hiesi nomon ifagw esis Juda sa'i basef sapeimi. Basef bu'wami anan na'ipasami amama ma'i, “Nemaf anama bu'unai nafi'mai ipe'. Ama ipe' hipei piowis kingdom heveni.” Ea' nanda' epes hiesi awes naninani nanda'asi sataga bo'wes wapoti'. Awes main naninani nanda'asi, Jisas la'ifina nanda'as sataga bo'wes.

Luk Nandaꞌafi 16:16

Basef amam profet mawalipasami maloma basef mail mi'uli God nase' Mosesanai amama amam mawalipasam la'ela'ef mape mafi'i metambel nogota Jon nataganai. Ea' nogota anama Joni nafi'i nataga dei' basef bu'wami ma epes siowis wambota Godi numafias, amama mape mafe' mataga wambel hiagoma. Ea' epes hiesi la'ifis sanda' maol mehip ma sefe' siowis wambota Godi numafias.

Luk Nandaꞌafi 9:60

Ea' Jisas na'ipana na'i, “Hapainai, sowago esis etis isima saga'i. Ea' ine' fo'o newalapa basefa epes siowis wambota Godi numafias.”

Aposel 20:38

Doko' Pol nali' na'i basef na'i, “Atuwasi ipe' ina piti amaga ae'anai wapoti', owa'.” Amam mame' basef ananimi hiami hi'alam. Ea' basef amama tu'wanim atom manda' opalef amamumi nimanim endilisi. Ea' maitumana nafe' nalata sip.

Aposel 28:31

Anan nawalapa basef bu'wami ma epes siowis wambota Godi numafias. Ea' nawalipasa basefa dembinai Jisas Krais. Anan ina umbamahana, owa'. Nawalapam na'iam alihim ea' ina enin epen nafi'i na'ipana na'i owa'.

Aposel 8:12

Ea' Filip nawalipasa basef bu'wami esis hiesi. Nawalipasa agel Jisas Kraisi ma siowis wambota Godi numafias. Ea' sombale'efa basef amama sofa' baptais. Esis amam nematawa wapoti'.

Basef Amama Pol Nandaꞌam Mafeꞌma Esis Romi 15:23

Ea' dei' maol ae'anai hi'alana na'ae. Afagof hiami ae' okom na'i endilisi ma efe'mago ipe'.

Galesia 1:22

Nemaf anama esis Kristen sape etap hiagoma Judia ina sogawa ae' andeande', ata' owa'.

Kolosi 2:1

Ae' a'i ipe' pegawa na'ama. Ae' anda' maol lu'unai endilisi ma agiambama ipe' paloma esis Laodisia saloma epes isima hiesi ata' owa' siti amaga ae'anai.