Aposel 20:24 - Basef Buꞌwami Godi

²⁴ Ea' ae' ina okom napoma ambal ae'anai atona nope, owa'. Ea' ina la'ifiwi ma ihapila ambal ae'anai la'ifina, owa'. Ae' a'i ila eaf anama ilana efe' embefana. Ae' a'i enda'ana hi'ilana andeande' maol anama Dembinai Jisas nasi'ianai. Maol anama ewalapa basef bu'wami Godi nagiambamapa na'a nofa'apa motanimani.

Aposel 20:24 Iomraidhean Croise

Luk Nandaꞌafi 16:28

Ae' anom owape wanom biam mape. Ama Lasarus ni'ipama basef la'ifimi ma momboma opalef. Na'ama amam wapoti' mufi'i wambel anae' mofa' nimanimi lu'wami.’

Jon Nandaꞌafi 15:27

Ae' a'ipipa, ipe' wapoti' nambimb pi'i basef ae'ami pewalapama esis. Dei' main, ipe' fowa' dambadamba pati asefela maol anda'ana palome pape la'ela'ef pafi'i pataga dei'.”

Jon Nandaꞌafi 17:4

Opeh amama ine' nasapa'e afi'i ma eanda'ami, ae' anda'am hi'alam. Ea' dei' afela agel ine'inai lu'una ma naep esis amam nematawa etapasi.

Aposel 1:17

Jisas nandandepana anan alupunai afa'inai nanda' maol anama Jisasi naloma afa'.”

Aposel 11:23

Anan nafe' nataga nati God nanda' esis bo'wesa waf bu'unai numafias nandanifamas. Nafela ukup esis amam nematawa hiesi ma sope la'ifis sila Dembinai.

Aposel 13:25

Ea' felefele'ma Jon na'i nonda' maol ananinai hi'ilana, anan na'i, ‘Ipe' ukup ma'i ae' ma'imama? Ae' ina aman anama dembinai ipe' pape pembale'efanai, owa'. Ipe' peme'! Aman anama owagama nila ae' niefi'i, anan bu'unai nikila' ae'. Ae' ina bu'uwei ma etagaha mandelefa su ananimi, owa'.’

Aposel 14:3

Amam biam mapani nogota launai Aikoniam ea' mawalapa basef Dembinai la'ifim alihim. Amam ina umbamaham, owa'. Ma'ipasa basefa Dembinai nandahomas endilisi nagiambamas. Ea' Dembinai nanda' amam biam mataga la'ifim manda' ikwaf la'ifinai naninani hianai. Ea' dei' esis sogawa basef amama endilisimi atom.

Aposel 15:7

Amam ma'i basef hiami ma ea', Pita nohafel naitu na'ipam na'i, “Ipe' sahin owan, ipe' pegawa fowa' God nawaloga maola afa', ea' Anan nasahe'e ae' ea' ewalapa basef bu'wami ananimi ma enis epes owa' Judaisi seme'am sembale'efa God.

Aposel 18:5

Sailas naloma Timoti makwaha etap hiagoma Masedonia mafi'i Pol napoma, nogota anama Pol nakwaha maol anama nagundisa sel ea' la'ela'ef nawalapa basef bu'wami Godi nimeguf hiami. Nawalapa basef la'ifimi esis Juda na'ama na'i, “Jisas anan Krais, God nandandepana nasapa'ana nafi'i.”

Aposel 20:21

Ae' a'i basef la'ifimi ma esis Juda saloma isima owa' Judaisi wapoti' ma sowa' alafugaha waf aonai somboma opalef sefe'ma God, sombale'efa dembinai ape'inai Jisas.

Aposel 20:23

Ae' egawa amama atom. Anama ae' afe'ma, wambel hiagoma Ambal Godi nihi'ambe basef la'ifimi na'ama na'i, ‘Ine' nambimb niti esis sese'ena nimanimi ea' sonda'ena nenda' kalabus.’

Aposel 20:32

Dei' anda'epa ukup mopoma God noloma basef ananimi. Basef amama ma'ipipa Anan okom nainailipa ma nagiambamepa etin. Amama la'ifima monda'epa petaga la'ifipa mose'epa amamaga bu'wami atom God nase'asam amam nematawa anan nanda'as bo'wes ea' Ananisi etis.

Aposel 21:13

Ea' Pol nagwa basef na'i, “Dei' maina ipe' palef endilisi ma panda' okom ae'anai aona? Ae' ina andandombama enda' kalabus etin, owa'. Ae' andandombama eaga' wapoti' Jerusalema efela agel Dembinai Jisasi.”

Aposel 22:21

Dembinai na'ipi na'i, ‘Ine' fo'o. Nambimb ae' esapa'ena nefe' eaf laogoma ma enis amam nematawa hiesi owa' Judaisi sogawa ae'i.’ ”

Aposel 9:15

Ea' Dembinai na'ipana nasapa'ana na'i, “Ine' fo'o. Aman anama nambimb nonda' maol Ae'anai. Ae' andandepana ea' ma nefe' ni'ipasa basefa agel ae'anai enis amam nematawa owa' Judaisi soloma amam dambami king asasimi moloma esis Israel wapoti'.

Basef Amama Pol Nandaꞌam Mafeꞌma Esis Romi 11:6

Anan nati uwahipis nagiambamas etin nandandepas. Anan ina okom na'i anona maol bu'unai esis sanda'anai nandandepas, owa'etin. I'i esis sonda' maol bu'unai ma God nosahe'as, anan ina nati uwahipis nagiambamas etin nandandepas, owa'. I'i na'amai, waf anama nati uwahipisanai anama falafunai atona, owa' endilisinai.

Basef Amama Pol Nandaꞌam Mafeꞌma Esis Romi 4:4

Ape' mogawa epes sanda' maoli ma sofa' amamaga ma maol sanda'anai, amamaga amama ina mi'iam mi'i mofa'am etin si'i presen, owa'. Amama amamaga satopa' maolami.

1 Korin 15:58

Ipe' alupipei ae'ipei endilisi, pepe la'ifipa andeande'. Ina umbamehepa petambel, owa'. La'el'ef pepe la'ifipa penda' maol Dembinai. Dei' main, ipe' pegawa maol anama panda'ana ma Dembinai, ina anona nemaf nowala etin, owa'.

2 Korin 12:10

Amama atom dei' maol anama Kraisi etin, ae' ina la'ifiwi, owa'. Esis sanda'me waf aonai ea' sanda'me nimanimi mamumami hiami, enis sahambombage. Ea' hapaimi. Ae' andanifel ma amamaga amama. Nemaf anama ae' owa' la'ifiwi, nogota anama ae' la'ifiwi endilisi.

2 Korin 4:1

God na'i afa' uwahipifa dei' nase'afa maol anama. Ea' dei' afa' ina otanima ma maol anama, owa'.

2 Korin 4:12

Ea' dei' epes isima sa'i sohafa oga' ma ipe' pembale'efanai pefa' ambal namunai pepe andeande'.

2 Korin 5:8

Ea' afa'ogawa opalef afa'imi mape la'ifim, ukup mohafel endilisi ma okwaha alop dei'inai ofe' ope oloma Dembinai wambel afa'inai.

2 Korin 7:4

Ae' okom na'i endilisi ipe' pape andeande'. Andanifel endilisi ma ipe'. Nimanimi hiami matagama ae' ea' okom ae'anai nape naloma ipe', amama atom dei' manda' opaf ae'anai nape awanena andanifel endilisi.

Galesia 1:1

Ae' Pol aposel Jisas Kraisi anda' basef amama. Ina anona aman nandandepe ma enda' maol aposel, owa'. Ahalomapa God nafela Jisas Krais nohafel hi'agif amam atom mosahe'e ma ape aposel awalipasa basef Godi.

Efesus 1:6

God nanda'am na'ama ma ape' mefela agel Ananinai minifelona ma waf bu'unai Anan nanda'anai nagiambamapa na'a. Waf anama nawalapa pepel nafifili Ananinai. Anan nagiambamapa na'a nase'apa nogalomana okom Ananinai nainailana endilisi, ea' mape la'ifipa malomana.

Efesus 3:13

Ea' dei' a'ipipa a'i nimanimi amama dei' efa'ama igiambamepa, na'ama piti amama ukup aom, pa'i ipe' ina la'ifipa, owa'. Pepe la'ifipa si'i ipe' dembipei. Dei' main, nimanimi amama magiambamepa.

Filipai 2:17

Ipe' pembale'efa God panda' opeh ananimi, amama si'i anom amamaga ipe' pindalali pase'anami. I'i nambimb esis sehe ega' sokolo'wa esimbel ae'ami si'i enis sondolali sakolo' ifat su'utip sanda' ofa sondalalima God, ea' hapaimi, ae' endanifel. Nambim ae' endanifel eloma ipe'.

Filipai 2:30

Dei' main, anan ina okom napoma nope namona, owa'. Anan okom nohafela opeh Kraisi ea' felefele' ma noga' ma nagiambame. Anan okom napome. Dei' main, ipe' papani laogon anan naho'ofepa nanda' amama.

Kolosi 1:24

Dei' ae' andanifel ma efa' nimanimi agiambama ipe' Kristen amam nematawa sios Kraisi, ipe' si'i alop si'ina Ananinai. Anom nimanimi afa' wanda' maol Kraisi ofa'ami, amama ata' mape la'ela'ef. Dei' a'i embefa amama efa'am alop ae'anai anda' maol Kraisi. Ae' a'i ewapanimana nimanimi amama ma anda' maol Krais.

1 Tesalonaika 2:2

Fowa' wali' wafe' wambel anama Filipai ea' sanda'afa aofa alop afa'inai, wame' nimanimi endilisi. Ipe' pegawa. Ea' God afa'inai nanda' opalef afa'imi la'ifim. Ea' afa' ina umbamahafa wandafa'ma esis naumbih, owa'. Afa' la'ififa wafo'o wawalapa basef bu'wami Godi ma ipe'.

1 Tesalonaika 3:3

Na'ama atuwasi enipa pendafa'ma amamaga amama nimanimi lu'wami, ea' pewa alafugaha God. Ipe' pegawa God atona nandandepapa ma mofa' amamaga amama nimanimi.

2 Timoti 1:12

Amama atom dei' efa' nimanimi amama. Ea' ae' ina ambal aona ma amama, owa'. Ae' egawa aman anama embale'efanai. Ae' egawana endilisi anan la'ifinai ma numafi amamaga hiami moloma epes hiesi ananisi ae' ase'anas lagof ananimi. Ea' amama mope bo'om andeande' mefe' motagama nemaf anama lu'unai notaga.

2 Timoti 3:11

Ine' negawa waf aonai hianai esis sanda'meana ae' ma nimanimi amama efa'am wambel anama wenifina Antiok naloma Aikoniam naloma Listra. Ine' negawa amamaga nimanimi sanda'meam efa'ami. Ea' Dembinai natagahowe ma amamaga amama nimanimi hiami sanda'meami.

2 Timoti 4:17

Ea' Dembinai numafi ae' ape nase'e pepel. Amama atom dei' awalapa basef bu'wami a'iam la'ifiwi endilisi ea' epes isima hiesi owa' Judaisi sogawa basef Godi, dei' same'am hi'alas. Ea' God nagiambame ma malogel mafin anama lu'unai laion.

Taitus 1:3

Anom nimeguf mafe'ma ea', nogota anama anan atona nandandepana ea', anan nafela amam amama mawalapa basef ananimi alihim. God anan nofa'apa motanimani, anan na'iam dei' nase'e opeh amama ma ewalapa basef amama.

Taitus 2:11

Ape' mogawa okom Godi lu'unai nainaila ape' ma nigiambamapa na'a anama nataga nandawalap ea', epes hiesi wambota lounai agufisi saloma agof a'asi hi'alas satolona. Ama nofa' amam nematawa nokwahomapa waf aonai mutanimani mofe'ma anan.

Hibrui 10:34

Nemaf anama ipe' pati esis amam nematawa sape kalabusi uwahipis pefa' nimanimi palomas. Ea' nemaf anama esis salo' lagofepa sefa' amamaga ipe'imi, ipe' pandanifel ma faso'mepa pape patilis. Dei' main, ipe' pegawa amamaga ipe'imi bu'wami endilisi ata' ma'omepa, amama anona nemaf mupe la'ela'ef. Amama mikila' endilisi amamaga amama sali' sanda'mepami.

1 Pita 5:12

Ae' a'ipa owalome Sailas nanda'ago basef amama ae'ami bandami mafe'mago ipe'. Ae' ati anan nanda' maol Kraisi andeande'. Ea' a'ipipago basef amama endilisimi God nigiambamapa na'a. Dei' pitu la'ela'ef ma amama. Anda' basef amama a'i efela ukup ipe'imi enda'epa petaga la'ifipa.

1 Jon 3:16

Waf anama ape' ukup mimila enis epes mogawana na'ama. Krais nakwaha ambal ananinai ma nagiambamapa. Amama atom ape' wapoti' mokwaha ambagof ape'imi ma migiambama sahin owan ape'isi.

Revelesen 12:11

Esis alupusi sahin owan ape'isi sofa' pepel ma esimbel sipsip noganai sawalipasa basef ananimi endilisimi. Esis sanda' waf anama. Amama atom dei' silai'ipa wandaf sali'amona naumbih ma amama. Esis ina ukup ma'ima'i endilisi ma sope andeande' etap anae', owa'. Esis ina umbamahasa naumbih sohas soga', owa'.

Revelesen 6:11

Ea' God nase'ama anom luwaguf afitimi laumi atona etin na'ipam na'ama na'i, “Ipe' ata' pepoma noma'w nogota bandana. Anona nemaf esis naumbih soha sahin owan isima ipe' pandao'oma panda' maol atonai soga', si'i sahepa paga'. Anona nemaf dohandohama esis naumbih sohas soga' sotaga ma ikwaf ae' a'ianai, egwa esimbel ipe'imi.”