Aposel 20:23 - Basef Buꞌwami Godi

²³ Ae' egawa amama atom. Anama ae' afe'ma, wambel hiagoma Ambal Godi nihi'ambe basef la'ifimi na'ama na'i, ‘Ine' nambimb niti esis sese'ena nimanimi ea' sonda'ena nenda' kalabus.’

Aposel 20:23 Iomraidhean Croise

Luk Nandaꞌafi 16:28

Ae' anom owape wanom biam mape. Ama Lasarus ni'ipama basef la'ifimi ma momboma opalef. Na'ama amam wapoti' mufi'i wambel anae' mofa' nimanimi lu'wami.’

Jon Nandaꞌafi 16:33

Ae' a'i ipe' pepe pelome opalef ipe'imi mope awanem. Na'ama dei' a'ipipa basef amama. Etap anae' ipe' peme' opalef nimanim. Pepe la'ifipa! Dei' main, ae' agalo'ma waf aonai etapanai ikila'ana ea'.”

Aposel 14:22

Ea' manda' esis Kristen sataga la'ifis. Amam ma'ipasa basef la'ifimi na'ama ma'i, “Ipe' pepe la'ifipa pembale'efa dembinai God. Ape' meme' mofa' nimanimi mamumami lu'wami ma muwis nomon wambota Godi numafiapa.”

Aposel 18:5

Sailas naloma Timoti makwaha etap hiagoma Masedonia mafi'i Pol napoma, nogota anama Pol nakwaha maol anama nagundisa sel ea' la'ela'ef nawalapa basef bu'wami Godi nimeguf hiami. Nawalapa basef la'ifimi esis Juda na'ama na'i, “Jisas anan Krais, God nandandepana nasapa'ana nafi'i.”

Aposel 20:21

Ae' a'i basef la'ifimi ma esis Juda saloma isima owa' Judaisi wapoti' ma sowa' alafugaha waf aonai somboma opalef sefe'ma God, sombale'efa dembinai ape'inai Jisas.

Aposel 20:24

Ea' ae' ina okom napoma ambal ae'anai atona nope, owa'. Ea' ina la'ifiwi ma ihapila ambal ae'anai la'ifina, owa'. Ae' a'i ila eaf anama ilana efe' embefana. Ae' a'i enda'ana hi'ilana andeande' maol anama Dembinai Jisas nasi'ianai. Maol anama ewalapa basef bu'wami Godi nagiambamapa na'a nofa'apa motanimani.

Aposel 21:11

Anan nafi'mai afa' nofa' let Poli nowa' bo'wagah maloma lagof ananimi atom. Ea' na'iam na'ama na'i, “Spirit Ambal Godi na'i na'ama na'i, ‘Amam Juda mape Jerusalemi nambimb mowa' aman anama ofagenama let anama. Ea' mose'ana nefe'ma lagof anom amam mololama Godi.’ ”

Aposel 21:33

Soldia anama dembinai nafi'i felefele' nombalo' Pol na'ipa amam soldia mowa' lagof ananimi sen biefina. Ea' nahali' esis na'i, “Anan emi? Anan nanda' main?”

Aposel 21:4

Ea' afa' wafe' wagolopa enis Kristen watilis ea' wape walomas wik si'ina. Ea' Ambal Godi nafela ukup esis Kristeni ma sa'ipa Pola ina nefe' Jerusalem, owa'.

Aposel 8:29

Ea' Ambal Bu'unai Godi na'ipa Filip na'i, “Ine' fo'o felefele'ma aman anama nefe' neloma karis nanima.”

Aposel 9:16

Nambimb ae' ihi'ambana nimanimi lu'wami nefa'ami ma nowalapa agel ae'anai. Na'ama ine' dei' fo'o netolona.”

1 Tesalonaika 3:3

Na'ama atuwasi enipa pendafa'ma amamaga amama nimanimi lu'wami, ea' pewa alafugaha God. Ipe' pegawa God atona nandandepapa ma mofa' amamaga amama nimanimi.

1 Timoti 4:1

Ambal Bu'unai Godi na'i basef alihim na'ama. Anona nemaf enis epes sokwaha sombale'efa basef endilisimi Godi. Ea' seme' basefa epes isima ambagof awami mambaso'ami sila basef ambagof awami ma'iami.

2 Timoti 2:12

I'i ape' mope la'ifipa mofa' nimanimi lu'wami, anona nemaf mope si'i king molomana. I'i mowa' alafugahana, Anan wapoti' anona nemaf nowa' alafugahapa.