Aposel 20:21 - Basef Buꞌwami Godi

²¹ Ae' a'i basef la'ifimi ma esis Juda saloma isima owa' Judaisi wapoti' ma sowa' alafugaha waf aonai somboma opalef sefe'ma God, sombale'efa dembinai ape'inai Jisas.

Aposel 20:21 Iomraidhean Croise

Matyu Nandaꞌafi 3:2

ea' nawalapa basef bu'wami na'i, “Nemaf anama bu'unai ea' felefele' notaga ma epes siowis kingdom heveni. Na'ama dei' ipe' pewa' alafugaha waf aonai pemboma opalef pefe'ma God.”

Matyu Nandaꞌafi 4:17

Ea' dei' Jisas nafela maol na'ipasa basef la'ela'ef. Nawalipasa basef amama na'i, “Nemaf anama bu'unai felefele' neataga ma ipe' piowis kingdom heveni. Na'ama dei' ipe' pemboma opalef pefe'ma God.”

Mak Nandaꞌafi 1:15

na'i, “Nemaf anama felefele' netaga ma epes hiesi siowis wambota Godi numafias. Na'ama dei' ipe' pemboma opalef pefe'ma God pewa' alafugaha waf aonai.”

Mak Nandaꞌafi 6:12

Ea' nasapa'am mafe' biam atom makwaha basef ma'i, “Ipe' pewa' alafugaha waf aonai, pemboma opalef pefe'ma God.”

Luk Nandaꞌafi 13:3

Ae' a'ipipa owa'etin endilisi! I'i ipe' owa' pemboma opalefa waf aonai ipe'inai, anona nemaf ipe' hipei pega' na'ama etin si'i esis.

Luk Nandaꞌafi 13:5

Owa'etin. I'i ipe' owa' pemboma opalefa waf aonai ipe' panda'anai, anona nemaf ipe' hipei pega' na'ama etin si'i esis.”

Luk Nandaꞌafi 15:10

Dei' ae' a'ipipa na'ama etin si'i amam ensel Godi mandanifela enin epen nanda' waf aonai nemboma opaf nafe'ma God.”

Luk Nandaꞌafi 15:7

Dei' Jisas na'ipas na'i, “Ae' a'ipipa na'ama etina esis amam nematawa sape heven ilifi sandanifel ma epes isima 99-peleis ambo'wes, ina sanda' waf aonai ma sotanima somboma opalef, owa'. Ea' i'i enin epen nenda' waf aonai ni'i nemboma opaf, esis sape heven ilifi sondanifel endilisi ma enin. Danifel asasinai nikila' sandanifela epes isima sape bu'wasi.

Luk Nandaꞌafi 16:28

Ae' anom owape wanom biam mape. Ama Lasarus ni'ipama basef la'ifimi ma momboma opalef. Na'ama amam wapoti' mufi'i wambel anae' mofa' nimanimi lu'wami.’

Luk Nandaꞌafi 24:47

Ama agel ananinai anona nemaf alupusi ananisi sili' sowalapa basef Jerusalem ea' si'ipasam amam nematawa hiesi hi'ilas sape wambel hiagomai ma seamboma opalefa God nokwahomasa waf aonai esis sanda'anai.

Jon Nandaꞌafi 20:31

Anda' basef amama tu'wanim atoma pepel anama ma ipe' pembale'efa Jisas anan Nogalomana Godi, anan Krais, God nandandepana nasapa'ana nafi'i. Ae' anda'am na'ama ma pembale'efa anan Jisas pefa' ambal namunai pepe andeande' la'ela'ef hihif.

Jon Nandaꞌafi 3:36

Emi egafis sembale'efa Nogalomana ananinai, epes isima dei' sefa' ambal namunai ma sope andeande' la'ela'ef hihif. Ea' emi egafis sewa' alafugama Nogalomana ananinai, epesisima ina nambimb sefa' ambal namunai sepe andeande' la'ela'ef, owa'etin. Dei' main, okom wandafunai Godi napomas la'ela'ef.

Aposel 10:43

Amam profet hiami ma'iama anan na'ama ma'i, ‘La'ifimi agel ananinai atona God nakwaha waf aonai esis amam nematawa emi egafis sembale'efanai.’ ”

Aposel 11:18

Esis same' basef amama Pita na'ipasami ea' ukup mase'asa basef amama asasimi safela agel Godi sa'i, “Dei' ape' mogawa God namboma opalef esis amam nematawa owa' Judaisi ma esis wapoti' safe'ma anan sope ambagof namumi.”

Aposel 16:31

Ea' amam ma'ipana ma'i, “Ine' nembale'efa Dembinai Jisas, ama nambimb God nofa'ena netanimani. Ea' neloma wambota ine'inai wapoti' na'ama etin.”

Aposel 17:30

Fowa' gani epes owa' seagawanai, God ina na'i basef mamumami ma amamaga hiami esis sanda'am nogota anama, owa'. Ea' dei' anan na'ipas na'i mehip epes hiesi ma wambel etap hiagoma na'i, ‘Ipe' pemboma opalef pila Ae'.’

Aposel 19:17

Ea' epes hiesi sape Efesusi, Juda saloma esis owa' Judaisi wapoti' same' basef amama ea' umbamahas kwapete'as. Ea' safela agel Dembinai Jisasi lu'una.

Aposel 2:38

Ea' Pita na'ipas na'i, “Ipe' hipei pemboma opalef ipe'imi pila God ea' ipe' hipei atona etin pefa' baptaisa agel Dembinai Jisas Krais ma God nokwaha waf aonai ipe'inai. Ipe' penda'am na'ama, nambimb God nese'epa Ambal Bu'unai Ananinai nope nolomepa.

Aposel 2:40

Pita ina na'ipasa basef amama atom, owa'. Na'ipasa anom basef hiami wapoti' na'ipas basef la'ifimi ma nafela ukup asasimi na'i, “Ipe' pindumafuma andeande'. Na'ama pefa' nimanimi lu'wami peloma amam nematawa dei'isi sanda' waf aonai.”

Aposel 20:23

Ae' egawa amama atom. Anama ae' afe'ma, wambel hiagoma Ambal Godi nihi'ambe basef la'ifimi na'ama na'i, ‘Ine' nambimb niti esis sese'ena nimanimi ea' sonda'ena nenda' kalabus.’

Aposel 20:24

Ea' ae' ina okom napoma ambal ae'anai atona nope, owa'. Ea' ina la'ifiwi ma ihapila ambal ae'anai la'ifina, owa'. Ae' a'i ila eaf anama ilana efe' embefana. Ae' a'i enda'ana hi'ilana andeande' maol anama Dembinai Jisas nasi'ianai. Maol anama ewalapa basef bu'wami Godi nagiambamapa na'a nofa'apa motanimani.

Aposel 24:24

Anom nimeguf mafe'ma ea', Feliks nao'wa waulu'mana anani'wi Drusila safi'i. Drusila akwa'w ano'w Judai'wi. Ea' Feliks nofala Pol na'i neme' anom basef ananimi. Ea' Pol nafi'i na'ipana basef ofagema ma esis sombale'efa basef Jisas Kraisi.

Aposel 26:18

Ama newala naep asasimi ma esis sowa' alafugaha akota waf aonai somboma opalef sifi'mai howalagon ma sokwaha pepel Satani sifi'mai God. Esis sombale'efa ae' ma ekwaha waf aonai esis sanda'anai. Ama sofa' amamaga bu'wami soloma enis amam nematawa God nanda'as bo'wes ananisi etisi.’

Aposel 26:20

Ae' ali' awalapa basefa esis amam nematawa sape Damaskusi ea' awalapama epes sape Jerusalemi ea' awalapama esis sape etap hiagoma Judia ea' afe' awalapama isima sololama Godi wapoti'. Ae' awalapa basefa penda' maol peloma waf bu'unai nendahama epes somboma opalef sefe'ma God.

Aposel 28:23

Ea' amam mandandepa anona nemafa amam hiami mafi'i ipat Poli. Ea' mafi'i kuhimbita mape mape mataga wambomota, anan na'i basef ofagema nawalipam. Ea' nawalapa basef alihima epes siowis wambota Godi numafias. Anan nawalapa anom basefa mi'uli fowa' gani God naso' Mosesanai maloma basef Godi amam profet fowa' ma'iami. Ama basef amama anan na'ipama basef la'ifimi nafela ukup amamumi ma mombale'efa Jisas.

Aposel 3:19

Dei' ipe' pemboma opalef pila Goda nokwahomepa waf aonai ipe' panda'anai.

Aposel 8:25

Ea' Pita naloma Jon ma'ipasa basef ea' na'ipasam maloma amamaga amama Dembinai nagiambamam ea'. Ma'ipasam ea', motanima mafe' Jerusalem. Ata' nafe' eaf, mawalapa basef bu'wami Godi etap hiagoma esis Samaria.

Basef Amama Pol Nandaꞌam Mafeꞌma Esis Romi 1:14

Ae' wiaf notaome ma igiambama epes hiesi sombale'efa Krais. Wiaf anama na'ama. Krais natalowe maol lu'unai dei' ae' egwamana igiambama epes isima hiesi ma sogawa waf bu'unai Godi. Epes gawaisi soloma isima gawa a'asi wapoti'.

Basef Amama Pol Nandaꞌam Mafeꞌma Esis Romi 1:16

Ae' ina umbamahe ambal aona ewalipasa basef bu'wami Godi, owa'. Ae' embale'efa basef amama bu'wami la'ifiwi endilisi. Dei' main, amama pepel Godi nofa' emi egafis seambale'efanai sotanimani. Esis Juda sembale'efana sali' ea' ipe' hipei owa' Judaipei pagi'.

Basef Amama Pol Nandaꞌam Mafeꞌma Esis Romi 10:9

I'i ipe' pewalapa basef amama alihim pi'i Jisas anan Dembinai ma pembale'efa God opalef ipe'imi pi'i God nafelona nohafel hi'agif wapoti', anona nemaf God nofa'ai ipe' wapoti' pitanimani.

Basef Amama Pol Nandaꞌam Mafeꞌma Esis Romi 2:4

God nanda'epa andeande' endilisi, ea' ata' nape nohafepa nogota launai, ina nagwamepa waf aonai nase'epa nimanimi ulal, owa'. Waf anama bu'unai Godi ipe' ukup ma'i falafunai? Anan nanda'mepa waf anama bu'unai ma ata' pemboma opalef. A'i ipe' pegawa amama?

Basef Amama Pol Nandaꞌam Mafeꞌma Esis Romi 4:24

Manda'ama ape' wapoti'. Ape' membale'efa God nafela Jisas Dembinai ape'inai nohafel hi'agif. Amama atom God nati bale'ef ape'inai ea' na'i ape' epes bu'upai.

Basef Amama Pol Nandaꞌam Mafeꞌma Esis Romi 5:1

Basef ofagema mape mali'i amama, bale'ef ape'inai atona dei' God nofalapa epes bu'upai. Amama atom dei' Dembinai ape'inai Jisas Krais nanda'apa mape opalef etifim awanem maloma God.

1 Korin 1:22

Esis Juda ukup maimaila siti ikwaf la'ifinai ea' esis Grik ukup ma'ima'i sofa' gawa hianai lu'unai.

2 Korin 7:10

Waf Godi na'ama. Nimanimi maim anan nawalapami manda'apa mamboma opalef mafe'ma anan nokwahomapa waf aonai nofa'apa motanimani. Ea' mape andeande'. I'i opalef nimanima waf etapanai, anama aonai nawalapai waf saga' safe' wambel aonai.

Galesia 2:16

Ape' mogawa God ina okom napoma epen inima nembale'efa mi'uli ananinai ea' nanda' epen inima bo'wen andeande', owa'. Epen nembale'efa Jisas Kraisi atona, God nofalan na'i bo'wen andeande'. Ape' wapoti' mombale'efa Jisas Krais ea' God na'i ape' epes bu'upai Ananipai ma mombale'efa Krais. Ea' mi'uli owa'. Dei' main, ina enin epen naila mi'uli anama God naso' Mosesanai, dei' God nofalan na'i enin bo'wen andeande', owa'.

Galesia 2:20

Ae' ina ape namowe ma ambal ae'anai atona, owa'. Krais atona nape namunai opaf ae'anai. Dei' ape etap anae', ape aila pepel Nogalomana Godi embale'fa Anan atona. Anan okom nainaili endilisi, naso' ambal Ananinai God ma nagiambame.

Galesia 3:22

Amamaga mamumami mombalo'apa mape etap anae'. Waf aonai anama nombalo'apa mapoma anona nemaf ape' mombale'efa Kraisi mofa' amama bu'wami. Amama fowa' gani God na'i basef endilisimi atom ma anona nemaf noso' esis sembale'efa Kraisi sefa'am.

Efesus 1:15

Basef do'okimi endilisimi atom. Amama atom dei' la'ela'ef anda'mepa beten ipe'. Nemaf anama nali'i ame' basefa waf ipe'inai pembale'efa Dembinai Jisasa ukup bo'om ea' maimaila amam nematawa hiesi Godi. Ae' anda'am nemaf anama afi'i afi'i ataga dei', ae' ina akwahipa ma beten, owa'etin. Ae' okom na'i ipe' anda' beten anifela Goda ipe'.

Kolosi 2:5

Endilisi ae' dei' ina ape alomepa, ea' okom ae'anai si'i ape alomepa andanifel ma sati ipe' paitu la'ifipa ma pembale'efa Krais andeande'.

Filemon 1:5

Dei' main, ae' ame'asa ine' nembale'efa dembinai Jisas endilisi ea' okom ine'inai nainaila amam nematawa Godi hiesi.

1 Jon 5:1

Emi egafis sembale'efa Jisas anan Krais God nasapa'ana nafi'i, epes isima awasi Godi. Ea' emi egafis ukup maimaila ahalomas, esis ukup maimaila awasi ananisi wapoti'.

1 Jon 5:5

Emi egafis sikila' wandafa waf aonai nahagofa waf aonai etapanai? Epes sembale'efa Jisas sa'i anan Nogalomana Godi, esis etis sikila'ana.