Aposel 20:19 - Basef Buꞌwami Godi

¹⁹ Ipe' pegawa nimeguf hiami la'ela'ef esis Juda sa'i basef sa'i sogolope sehe ega'. Amama atom ae' efa' nimanimi magwamba ae'. Owa'. Ae' anda' agel ae'anai nafe' owin endilisi, efa' nimanimi ea' embif maluwi naep ma anda' maol Dembinai.

Aposel 20:19 Iomraidhean Croise

Luk Nandaꞌafi 19:41

Ea' Jisas nataga felefele'ma Jerusalem natologon nalopagon. Nalopa esis amam nematawa sape taun anamaisi.

Jon Nandaꞌafi 12:26

Emi egafis si'i sonda' opeh ae'ami, esis sila ae'. Mamagoma ae' eapoma, isima sanda' opeh ae'ami esis sope soloma ae'. Ea' emi egafis sonda' opeh ae'ami, Ahalome ae'anai nambimb nefela agof asasimi motaga lu'um.”

Aposel 17:13

Ea' anona nemaf esis Juda sape Tesalonaikai same' basef ma'i Pol nawalapa basef Godi Beria. Ea' safe' safela ukup esis amam nematawa sape Beriai aom.

Aposel 17:5

Ea' esis Juda kowalas opalef aoma esis hiesi sombale'efa basef Pol naloma Sailas ma'ipasami. Na'ama esis sofa' anom amam awami manda' waf aonai. La'ela'ef amam mape anama esis sandakolas etifigin sapoma. Ea' sa'ipa amam nematawa hiesi sape wambel anama safela ukup asasimi ma sopa'. Ea' safitap endilisi sa'i basef lupa'aimi safe' sawisi uta sawis ipat Jesoni ma suwis sogolopa Pol naloma Sailas. Sa'i sofa'am muwisi ande'ma sose'am amam nematawa hiesi.

Aposel 20:3

Anan nape aomb wanom etap anama. Na'i nofa' sip nefe etap hiagoma Siria ea' nogawa esis Juda sa'i basef sandame'mama sohana noga'. Ea' nanindifa okom ananinai na'i notanima nefe' nuwis etap hiagoma Masedonia la'afen.

Aposel 20:31

Ipe' dei' pindumafuma andeande' la'ela'ef. Ipe' ukup mopoma amama afagof amama wanom la'ela'ef owamb alip ae' ina apoma noma'w ma awalipipa afela ukup ipe' hipei atona etin, owa'. Awalipipa aloma embif maluwi naep ae'ami.

Aposel 21:27

Nimeguf amama 7-peleim felefele'ma hi'ilam, anom Juda mape etap hiagoma Esiai mati Pol nape nomon ipat lu'unai Godi ea' mafela ukup esis amam nematawa hiesi ma mombale'ana.

Aposel 27:23

Dei' maina ae' egawa amama? Ae' aman Godi anda' lotuma anani. Do'ok owamb anona ensel Ananinai nafi'i naitu felefele'ma ae'

Basef Amama Pol Nandaꞌam Mafeꞌma Esis Romi 1:1

Ae' Pol ape owina Krais Jisas anda' maola anan atona. God nofale ma enda' maol aposel ea' nosahe'e ma ewalapa basef bu'wami ananimi.

Basef Amama Pol Nandaꞌam Mafeꞌma Esis Romi 1:9

God nogawa maina nemaf anda' betenanai okom ae'anai napoma ipe' anda'mepa beten. Ae' anda' maol Godi aloma okom ae'anai si'ina awalipasa basef bu'wami ma Nogalomana ananinai. Beten ae'anai nape na'ama. Fowa' nimeguf hiami ahali'ana ma efo'o ietilipa. Owa'etin. Dei' wapoti' ahali'ana ma Anan ni'i awi, a'i nonda'me anona eaf efo'o ietilipa.

Basef Amama Pol Nandaꞌam Mafeꞌma Esis Romi 12:11

Ipe' penda' maol la'ifipa la'ela'ef ukup mohafel endilisi penda' maol Dembinai.

2 Korin 2:4

Endilisi anda'mepago basef amama ma nemaf anama opaf ae'anai ame' nimanimi lu'wami ea' alef hihif. Ae' ina anda' basef amama ma mese'epa opalef nimanim, owa'. Anda'ama ipe' pegawa ae' okom nainailipa endilisi.

2 Korin 3:5

Endilisi afa' atofa ina la'ififa ma onda' maol anama, owa'. God atona nanda'afa la'ififa ma wanda' maol anama ananinai.

2 Korin 7:5

Fowa' afa' wafi'i otaga etap hiagoma Masedonia, alop afa'inai ina napoma noma'w owa'. Nimanimi mamumami hiami matagamafa, sa'i basef la'ifimi safitap salomafa. Ea' umbamahafa ukup matamea.

Galesia 1:10

Ipe' ukup mape ma'imama ma basef amama? Pa'i ae' a'iama enis epes sinifelowe sefela agel ae'anai? Owa'. Ae' a'i God atotona opaf bo'onama ae'. Ipe' pa'iam pa'i a'iama enis epes sinifelowe? Owa'. I'i enda' maola ai'ipa enis epesa opalef bo'oma ae', ae' ina aman anda' maola Kraisi, owa'. Ae' ambaso'ami. Owa'. Ae' anda' maola Krais atona.

Efesus 6:7

Ipe' ukup mohafel endilisi penda' maol anama andeande'. Ina panda' maola epes etis, owa'. Ipe' panda' maola Dembinai atona.

Filipai 3:18

Nimeguf hiami a'ipipa basef amama ma naumbih Kraisi. Dei' na'ama etin a'ipipam wapoti' aloma embif motah naep ae'ami. Epes hiesi saila waf aonai ea' sataga naumbih ma basef bu'wami Krais naga' lawag usi'inai tu'wanainai.

Kolosi 3:24

Dei' main, ipe' pegawa anona nemaf Dembinai nofalo'mepa nese'epa amamaga bu'wami ipe'. Amama anan nandandepam ma'oh ma'oma ipe' epes ananipei. Ipe' pape panda' maola Krais Dembinai ape'inai.

1 Tesalonaika 1:9

Dei' esis etis sa'i basefa ipe' pandanifel pa'i nemaf bu'unai ma afa' ea' pame' basef afa'imi fowa' afa' wanofa wafe'mago ipe'. Esis sa'i ipe' pakwaha amamaga amama ambagof awami fowa' ipe' panda' lotumami. Ea' pamboma opalef pafe'ma God. Ea' dei' panda' maola God endilisinai, owa' neaga'i, nape la'ela'ef.

2 Timoti 1:4

Ae' okom napoma embif maluwi naep ine'imi, okom nohafel endilisi a'i ata' efo'o itilina endanifel endilisi.

Jems 1:2

Ipe' sahin owan ae'ipei, maim nimeguf amamaga meagwambipei motagamepa, ukup ipe'imi mi'i andeande' pendanifel etin pepan.

1 Pita 1:6

Ipe' pandanifel endilisi ma nemaf anama, ea' dei' nogota ata' bandana hiahaom mamumami meagwambipei matagamepa ma mase'epa nimanimi.

2 Pita 1:1

Ae' Saimon Pita anda' maol Jisas Kraisi, anan nandandepe aposel. Ae' anda'ago basef amama ma ipe' amam nematawa pefa' bale'ef bu'unai na'ama etin si'i afa' ofa'anai. Bale'ef anama ipe' pefa'ana waf bu'unai Jisas Kraisi, Anan God ape'inai nofa'apa motanimani.

Revelesen 7:15

Ea' saitu balata king Godi natologoma. Owamb alip sanda' opeh ananimi ipat ananinai. Anan nape balata anama kingi, anan atona anona nemaf nope nolomas nili'akwas.