Aposel 20:1 - Basef Buꞌwami Godi

¹ Esis sa'i basef awanami, Pol nofalai esis Kristen safi'mai anan, na'ipasa anom basef nanda' opalef asasimi mataga la'ifim. Ea' nanda'masa nemaf bu'unai esis nakwahis nafe' etap hiagoma Masedonia.

Aposel 20:1 Iomraidhean Croise

Aposel 11:26

Natolona ea', nofa'ana nafi'i Antiok. Ea' amam biam mape afagel atotona maloma esis Kristen amam nematawa sape Antioki mawalipa epes hiesi ma basef Godi. Ea' esis amam nematawa saila Jisasi, enis epes sofalas agel anama Kristen dambadamba wambel anama Antiok.

Aposel 16:12

Ea' wakwaha wambel anama wafe' Filipai, anama fowa' esis Rom safi'i sapoma. Wambel anama lu'unai ma etap hiagoma Masedonia. Ea' wape anama anom nimeguf.

Aposel 16:9

Owamb anama Pol nati anom amamaga si'i na'oh nandondo'oh nati anona aman Masedoniainai naitu nofalai Pol na'ipana mehip na'i, “Ine' newala nimbuwi naoh ea' nifi'i Masedonia nigiambamapa.”

Aposel 19:21

Amama mafe' ea', okom Poli nohafel la'ifina na'i nefe' etap hiagoma Masedonia esis Grik sapoma ea' nefe' Jerusalem. Anan na'iam na'i, “Ae' efe' anama ea' efe' iti Rom wapoti'.”

Aposel 20:10

Ea' Pol nisila' nasisil nowa natoma aman anama so'unai nahapila lagel ananinai na'iam na'i, “Ipe' ina pehafel gegelalasipa ukup aom, owa'. Ambal ata' napaina.”

Aposel 20:2

Anan nafe' anama hiagoma nawalipasa basef hiami esis Kristen nanda' opalef asasimi mataga la'ifim. Ea' nafe' nataga etap hiagoma esis Grik sapoma.

Aposel 20:3

Anan nape aomb wanom etap anama. Na'i nofa' sip nefe etap hiagoma Siria ea' nogawa esis Juda sa'i basef sandame'mama sohana noga'. Ea' nanindifa okom ananinai na'i notanima nefe' nuwis etap hiagoma Masedonia la'afen.

Aposel 20:37

Amam hiami malef kwapete'am mandalulupatanima ea' mombalo' Pol masisi'amana dalogw.

Basef Amama Pol Nandaꞌam Mafeꞌma Esis Romi 15:19

Ambal Bu'unai Godi nase'e pepel ananinai nanda'e la'ifiwi ma anda' ikwaf la'ifinai naninani. Epes hiesi sati maol anama ea' same' basef Godi sailam. Damba damba anda'am Jerusalem awalapa basef bu'wami ma Krais afe' laogoma hi'alagon etambili etap hiagoma Ilirikum.

Basef Amama Pol Nandaꞌam Mafeꞌma Esis Romi 16:16

Waf anama ape' amam nematawa Godi, ipe' hipei atona etin pese'asa lagof esis sahin owan hiesi pinifelis. Amam nematawa Kristen hiesi sape na'ae sanda'mepago nemaf bu'unai sandanifamepa.

1 Korin 16:20

Alupusi hiesi sape na'ae sanda'mepago nemaf bu'unai ipe'. Waf amam nematawa Godi, ipe' hipei atona etin pese'ama lagof etin pelomago sahin owan ipe'isi.

1 Korin 16:5

Anona nemaf ae' efo'o ili' ewala etap hiagoma Masedonia, ea' efo'o etagamepa. Dei' main, ae' okom na'i ata' ili' ewala etap hiagoma Masedonia efe'.

2 Korin 13:12

Waf ape'inai amam nematawa hiapai atona etin Godi, pese'ama lagof pelomago esis alupusi.

2 Korin 7:5

Fowa' afa' wafi'i otaga etap hiagoma Masedonia, alop afa'inai ina napoma noma'w owa'. Nimanimi mamumami hiami matagamafa, sa'i basef la'ifimi safitap salomafa. Ea' umbamahafa ukup matamea.

1 Tesalonaika 5:26

Ipe' pendase'ama lagof penda'ama nemaf bu'unai peloma esis Kristen alupusi hiesi.

1 Timoti 1:3

Fowa' ae' afo'o etap hiagoma Masedonia ma a'ipina dei' na'ama etin a'ipina wapoti'. Ine' ata' nepe la'ela'ef na'ama Efesusa ni'ipa anom amam mehipa ina mi'ipasa anom basef baso'maimi, owa'. Mi'ipasa basef Godi atom.