Aposel 2:46 - Basef Buꞌwami Godi

⁴⁶ Ea' esis hiesi nimeguf la'ela'ef safe' ipat lu'unai Godi sanda' lotuwanai. Ea' safe' sa' gwa'aimi ifagw asasimi atona etin. Esis sandanifel ukup bo'om sose'as gwa'aimi ma sigiambama enis epes ea' sandanifel sa' gwa'aimi etifigin.

Aposel 2:46 Iomraidhean Croise

Matyu Nandaꞌafi 6:22

Naep nomon ukup ipe'ipi si'i lama alop si'ina ipe'inai. I'i ukup ipe'imi bo'om mope, ea' alop si'ina ipe'inai howalana.

Luk Nandaꞌafi 11:41

Ea' amamaga mala nomon kahi plegw ipe'imi, amama ipe' penda'am pese' epes kwahusi pigiambamas. I'i ipe' penda'am na'ama, nambimb amamaga hiami ambo'om andeande'.

Luk Nandaꞌafi 24:30

Amam ma'i mea' gwa'aimi, anan nape nalomam nafela bret nanifela God nawalona nase'amana.

Luk Nandaꞌafi 24:53

Ea' la'ela'ef sape ipat lu'unai Godi sanda' lotuwanai safela agel ananinai lu'una endilisi.

Aposel 16:34

Ea' nofa'am mafe' ipat ananinai nase'ama gwa'aimi. Ea' anan naloma esis hiesi sape ipat ananinai sandanifel endilisi ma sombale'efa God.

Aposel 2:42

Amam nematawa isima sataga Kristen dambaisi esis la'ifis endilisi ma same' basef amam aposel mawalipasami sandagiambanama etin enis sahin owan sape etifigin etin sa' gwa'aimi sanda' beten etifigin atogon.

Aposel 20:7

Nemaf Sarere owamb afa' wandakolas waloma esis Kristen ma' gwa'aimi atogon ea' mofa' komunion gwa'aimi Jisasi. Naman Pol na'i nefe'. Na'ama nawalipasa basef nafe' nafe' akita amanota.

Aposel 3:1

Nogota anama esis Kristen sanda' betenanai, Pita naloma Jon mafe' ipat lu'unai Godi ma'i monda beten. Nemaf anama ea' wambomota 3 klok.

Aposel 5:21

Ea' amam aposel mame' basef amama, kuhimbita mafe' ipat Godi lu'unai sanda' lotuwanai ma'ipa esis amam nematawa. Pris anama dembinai naloma amam alupumi ananimi mafi'i mofalai agufumi hiami Israeli mafi'i mandakolas etifigin. Ea' masapa' basef mafe' ipat sanda' kalabusa, mofa'ai amam aposel mafi'i.

Aposel 5:42

Amam ina makwaha maol anama mawalipasa basef bu'wami ma Jisas Anan Krais, God nandandepana nasapa'ana nafi'i, owa'. Nimeguf hiami amam mawalipa esis amam nematawa hiesi ipat lu'unai Godi, ifagw asasimi wapoti'.

Basef Amama Pol Nandaꞌam Mafeꞌma Esis Romi 12:8

Ea' emi egafis segawa ma sefela ukup enis epes, esis senda' maol anama endilisi sefela ukup asasimi. Emi egafis sese'an amamaga enin alupini, esis sese'an hiam. Emi egafis sumafi anona maol, ukup asasimi mohafel endilisi ma maol anama sanda'anai. Emi egafis siti enin alupini uwahipin ma sigiambaman simafian, esis sendanifel sigiambaman.

1 Korin 10:16

Kap anama aman numafi lotuwi nofalo'mana, anama na'ama. Ape' manifela Goda kap anama nakolasa ape' maloma esimbel Kraisi. Endilisi etis bret anama ape' mawalonai, anama nakolasepa maloma alop Kraisi.

2 Korin 1:12

Afa' wandanifel ma amamaga amama. Basef mape opalef ape'imi nomon mawalapa basef amama ma'ipafa wafe' waf bu'unai andeande' ma waf opalef bu'wami God naso' afa'. Gawa epes etapasi ina nawalapa waf anama ma afa', owa'etin. God nati uwahipifa endilisi nagiambamafa na'a dei' wanda' waf na'ama. Wanda' waf anama na'ama la'afena epes hiesi sape etap anae' ea' wanda'am na'ama hianai ma ipe'.

2 Korin 11:3

Ea' ae' umbamahe. Na'ama ukup ipe'imi aom ea' pekwaha waf anama pepan andeande' ukup mopoma Krais atona si'i fowa' gani yul anama gawainai nambaso'ma Iv.

Efesus 6:5

Ipe' agof a'epa panda' maol na'a pape la'afena agufisi ipe'isi peme' basef asasimi pefe' owina esis umbamehepamas. Ipe' penda' maol anama pila basef asasimi andeande'ma ukup etifim si'i paila basef Kraisi.

Kolosi 3:22

Ipe' agof a'epa pape owina enis epes panda' maolanasi, pila basef amama hiami agufumi. Ipe' ina penda' maola naep asasimi atom, owa'. Ipe' umbamehepa ma Dembinai, dei' opalef ipe'imi mope bo'oma maol anama penda'ana andeande'.