Aposel 2:45 - Basef Buꞌwami Godi

⁴⁵ Ea' esis sombale'efanai enis sase'asa etap asasinai naloma anom amamaga asasimi mafe'ma enis epes satalamasam. Ea' sofa' otamba ma amamaga sotambel sanda'am sase' epes isima gwa'aimi a'asi kwahusi.

Aposel 2:45 Iomraidhean Croise

Matyu Nandaꞌafi 19:21

Ea' Jisas na'ipana na'i, “I'i ine' ni'i neataga bu'winai endilisi, ine' fo'o nese'asa amamaga ine'imi ma enis epes sotalinama nefa' moni anama nenda'ana nese isima kwahusi. Nenda'am na'ama ma anona nemaf nefa' amamaga bu'wami gani ilif heven. Ea' ine' nifi'i nila ae'.”

Luk Nandaꞌafi 16:9

Ea' Jisas na'i, “Ae' a'ipipa ma moni wiga maim ma'oh etap anae', ipe' penda' enis amam nematawa sotaga alupisi ipe'isi. Ea' i'i nemaf esis sohapila wiga monianai hi'ilana, anona nemaf God nofa'epa pefe' ifagw mape ilif heveni pepe andeande' la'ela'ef hihif.

Luk Nandaꞌafi 18:22

Ea' Jisas name' basef amama na'ipana na'i, “Ine' anona waf bu'unai atotona ata' owa' neanda'ana. Ine' fo'o nese'asa amamaga ine'imi hiami enis epes sotaluma ine' nefa' moni anama nenda'ana neso' isima kwahusi. Nenda'am na'ama ma anona nemaf nefa' amamaga bu'wami gani heven ilif. Ea' nifi'i nembale'efe ae' nila ae'.”

Luk Nandaꞌafi 19:8

Ea' Sakius nehafel naitu na'ipa Dembinai na'i, “Dembinai, ine' neme'. Dei' ae' a'i ewala amamaga hiami ae'ami la'afen na'ama etin, ea' ese'as tu'wanim isima kwahusi. I'i ae' embaso'ma enin epena ekwalopa amamaga ananimi, nambimb ae' egwamana hiami bifibif.”

Aposel 11:29

Ea' esis amam nematawa saila Jisas Kraisi sa'i basef sandame'mama sefa' anom otamba mefe'ma esis alupusi sahin owan sape Judai ma sigiambas. Esis Kristen atona etin ukup ma'i otamba ma'omasi sawalom sase'asa tu'wanim hiami mafe'ma esis sape Judiai. Enis otamba hiami sase'asa hiami ea' enis otamba kwawie'im sase'asa kwawie'im. Hiesi sanda'am na'ama etin.

Aposel 4:34

Esis sandagigiambanama etin. Ea' ina enin epen atitin la'afena esis amamaga gwa'aimi maim a'an, owa'. Esis hiesi ofagesa etapi ifagwi, esis sase'asam enis epes satalom sase'asa otamba. Ea' sofa'ai otamba amama safi'i,

Aposel 4:35

sase' amam aposel. Ea' amam manda'am maso' isima gwa'aimi hiahaom a'asi.

2 Korin 9:1

Ipe' pegawa maol bu'unai pigiambama esis amam nematawa Godi amamaga a'asi. Ea' ae' ina enda' anom basefa amama, owa'.

2 Korin 9:9

Si'i Baibel na'iam na'i, “Epes isima sase'as amamaga hiami epes isima amamaga a'asi. Ea' epes hiesi ukup mapoma waf bu'unai asasinai la'ela'ef hihif.”

1 Jon 3:17

I'i emi egafis amamaga hiamisi ma siti sahin owan amamaga a'ani ma esis owa' ukup mimila sahin owan, epes isima ina ukup maimaila God, owa'. Dei' maina epes isima sa'i, “Ukup ape'imi maimaila God”? Owa', esis sambaso'am.