Aposel 2:43 - Basef Buꞌwami Godi

⁴³ Nimeguf hiami God nanda' ikwaf lu'unai ma pepel hianai nataga lagof amam aposeli. Ea' amam nematawa hiesi umbamahas endilisi sape.

Aposel 2:43 Iomraidhean Croise

Mak Nandaꞌafi 16:17

God nambimb nonda' esis isima sembale'efi sotaga la'ifisa sonda' ikwaf hianai naninani si'i anan nanda'anai. Ea' sohali' Ae' ma enda'as sotaga la'ifisa sili'amona ambagof awami mapeisi, ea' si'i anona diga hianai dambainai.

Luk Nandaꞌafi 8:37

Ea' epes hiesi sape anama Gerasai hiesi umbamahas endilisi. Ea' sa'ipa Jisas sa'i, “Ine' nekwaha ape' fo'o.” Ea' Jisas nalata bot anama notanima nafe'.

Jon Nandaꞌafi 14:12

Basef endilisimi atom dei' a'ipipa. Emi egafis sembale'efa ae'i, opeh hiami dei' anda'ami, esis wapoti' anona nemaf esis sonda'am. Ama anona nemaf sonda' opeh lu'wami endilisi mikila' opeh ae'ami. Dei' main? Ae' efe'ma Ahalome.

Aposel 2:22

Ea' Pita na'ipas wapoti' na'i, “Ipe' epes Israelipei, ipe' peme' basef amama. Dei' i'ipipa aman anama Jisas Nasaretinai. Ipe' pegawa maol ahalomana la'ifinai naloma pepel anama God nanda'anai la'afena ipe' ma lagel aman anama. Amama mihi'ambepa andeande' aman anama God nasapa'ana nafi'i.

Aposel 4:33

Amam aposel mawalapa basef ma'ipasama Jisas Dembinai ape'inai notanima nohafel, ea' basef amamumi la'ifim endilisi. Ea' God nagiambamas endilisi ma epes isima hiesi sombale'efana.

Aposel 5:5

Ananaias name' basef amama, nowa etap afuna. Ea' esis same' basef amama ma naga', umbamahas kwapete' endilisi.

Aposel 9:34

Ea' Pita na'ipana na'i, “Inas, dei' Jisas Krais nanda'ena bo'wena wapoti'. Ine' hafel nendondomba lehis ine'imi andeande'.” Pita na'ipana ea' dei' etef nohafel.

Aposel 9:40

Ea' Pita nagolo'ma esis amam nematawa sawisi ande', nindiwa nembawa notawa nanda' beten. Ea' namboma amaga ananinai nafe'ma alop nemata'wi na'i, “Tabita, ine' hafel.” Ea' akwa'w naep mati kwati Pita kohafel kwape.