Aposel 2:42 - Basef Buꞌwami Godi

⁴² Amam nematawa isima sataga Kristen dambaisi esis la'ifis endilisi ma same' basef amam aposel mawalipasami sandagiambanama etin enis sahin owan sape etifigin etin sa' gwa'aimi sanda' beten etifigin atogon.

Aposel 2:42 Iomraidhean Croise

Luk Nandaꞌafi 24:30

Amam ma'i mea' gwa'aimi, anan nape nalomam nafela bret nanifela God nawalona nase'amana.

Luk Nandaꞌafi 24:35

Ea' amam biam ma'ipasa amamaga amama do'ok matolom eafi. Ma'ipasam ma'i, “Anan nalomafa wape nawala bret watolona ea' ogawana.”

Aposel 1:14

Amam alupumi Jisasi mandatama etifigin nimeguf hiami la'ela'ef ama manda' beten maloma anowa nematawa saloma akwa'w Maria Jisas mama'wana saloma owapana Jisasi wapoti'. Esis hiesi sape sanda' beten etifigin.

Aposel 11:23

Anan nafe' nataga nati God nanda' esis bo'wesa waf bu'unai numafias nandanifamas. Nafela ukup esis amam nematawa hiesi ma sope la'ifis sila Dembinai.

Aposel 14:22

Ea' manda' esis Kristen sataga la'ifis. Amam ma'ipasa basef la'ifimi na'ama ma'i, “Ipe' pepe la'ifipa pembale'efa dembinai God. Ape' meme' mofa' nimanimi mamumami lu'wami ma muwis nomon wambota Godi numafiapa.”

Aposel 2:46

Ea' esis hiesi nimeguf la'ela'ef safe' ipat lu'unai Godi sanda' lotuwanai. Ea' safe' sa' gwa'aimi ifagw asasimi atona etin. Esis sandanifel ukup bo'om sose'as gwa'aimi ma sigiambama enis epes ea' sandanifel sa' gwa'aimi etifigin.

Aposel 20:11

Ea' Pol nao'was sotanima salata ipat ilif wapoti', nawala bret sa'ana. Ea' Pol na'i basef laumi wapoti' nalomas nafe' nataga lala. Ea' Pol nakwahis nafe'.

Aposel 20:7

Nemaf Sarere owamb afa' wandakolas waloma esis Kristen ma' gwa'aimi atogon ea' mofa' komunion gwa'aimi Jisasi. Naman Pol na'i nefe'. Na'ama nawalipasa basef nafe' nafe' akita amanota.

Aposel 4:23

Agufumi Judai matagaha amam biam motanima mafe'ma esis sombale'efanai, ea' ma'ipasa basef hiami amam pris dambami maloma agufumi Judai ma'ipamami.

Aposel 4:31

Esis sanda' betena ea', same' ipat anama sapeinai nandakoto'. Ea' Ambal Bu'unai Godi si'inama esis hiesi sataga la'ifis ea' sawalapa basef Godi. Esis ina umbamahasa amam agufumi Judai, owa'.

Aposel 6:4

Ea' afa' opoma onda' beten etin ea' wi'ipasa basef Godi amam nematawa wigiambamas.”

Basef Amama Pol Nandaꞌam Mafeꞌma Esis Romi 12:12

Ipe' pepe pehafa Dembinai nigiambamepa. Ea' pendanifel etin pupe. I'i nimanimi meatagamepa, pitu la'ifipa. Ea' penda' beten nimeguf hiami la'ela'ef.

1 Korin 10:21

Ipe' ina pea' embela kap Dembinai noloma kap god baso'omunai wapoti', owa'. Ea' ina pea' gwa'aimi balata Dembinai moloma gwa'aimi balata sondolali ma god baso'omunai wapoti', owa'.

1 Korin 11:2

La'ela'ef ipe' okokoma ae' paila basef amama hiami a'ipipami. Basef amama efa'ami dei' a'ipipam ipe'. Amama atom dei' anifelipa a'i panda' waf bu'unai endilisi.

1 Korin 14:6

Alupipei, ipe' ukup mopama basef amama andeande'. I'i ae' efe'mago ipe' ma i'i basefa anona diga, atuwasi igiambamepa petaga la'ifipa pi'imama? Owa'etin. Ea' i'i embomam i'ipipa anom basef God nihi'ambepam i'ipipa gawa bu'unai ipe' iwalipipama basef ofagema Godi si'i profeta Ambal Godi nefela ae' ie'ipipami.

Galesia 1:6

Ae' gegelalasowe ma ipe' pakwaha waf bu'unai God nofalepa, naloma Jisas Krais nagiambamepa na'a. Dei' ipe' pakwaham mehip paila anom basef dambaimi.

Efesus 2:20

Ipe' pape si'i ipat Godi nape nala'ana. Anan nanda'ana natoma ilifa afa' aposel waloma amam profet nawafa si'i olalefa ipat anama. Ea' Krais Jisas anan atona si'i olaf nali'i la'ifinai endilisi ma ipat anama.

Efesus 6:18

Ea' la'ela'ef pefa' pepel Ambal Bu'unai Godi ma penda' beten naninani hianai pehali' God. Ipe' pindumafuma andeande' penda' beten. Ina pepoma noma'w, owa' Penda' beten la'ela'ef ma God nigiambama esis amam nematawa ananisi hiesi hi'ilas.

Filipai 1:5

Dei' main, ipe' panda' waf bu'unai pagiambame awalipasa basef bu'wami Godi. Fowa' damba damba ipe' pame' basef amama bu'wami pembale'ef pandao'oma pape la'ela'ef palome pafi'i pafi'i pataga dei'.

Kolosi 1:23

Ea' ipe' pembale'efa basef bu'wami Godi la'ifipa la'ela'ef ma pitu la'ifipa endilisi si'i olaf nali'i nanda' ipat la'ifina. Na'ama ukup mose'epama pegawa endilisi anona nemaf pefa' amamaga amama bu'wami basef bu'wami Ananimi ma'iami. Basef amama pame'am ea' sawalipasama epes hiesi sape etap hiagoma. Basef amama ae' Pol ataga aman anda' maola awalipasami.

Kolosi 4:2

Ipe' penda' beten la'ela'ef. Beten ipe'inai, ipe' ukup bo'om pepe andeande' pinifela God.

2 Timoti 3:14

Ea' ine' nembale'efa basef amama Godi nefa'am la'ifina. Ine' negawa amam nematawa isima fowa' sawalipina basef na'ama.

Hibrui 10:25

Ape' ina ukup mose'apama waf mandakolas maloma esis alupusi si'i enis epes sanda'am, owa'. Ape' monda' ape' la'ifipa monda'am la'ela'ef mikila' fowa' manda'am. Dei' main, ipe' pegawa nemaf Dembinai niefi'ianai nafi'i felefele'.

Hibrui 10:39

Ape' ina epes umbamahapa matanima mefe' makwaha mombale'efa God ama owagama higililapa, owa'. Ape' epes mombale'efana mofa' ambal namunai mope andeande' la'ela'ef.

1 Jon 1:3

Amamaga amama afa' watolom wame'ami dei' wa'ipipam ipe' wapoti' ma pepe ukup etifim pelomafa. Afa' wape wambota atona waloma Ahalomafa naloma Nogalomana ananinai Jisas Krais.

1 Jon 1:7

Anan nafifili afitinai. I'i mope mififil si'i anan waf aonai a'apa, ea' mope ukup etifim moloma sahin owan hiesi. Jisas Nogalomana Godi. Ea' esimbel ananimi masa'opa waf aonai ape' manda'anai hianai hi'alana mataga bo'opa.

1 Jon 2:19

Enis epes sakwaha ape' ea'. Fowa' epes isima ina ape'isi endilisi, owa'. I'i ape'isi endilisi, esis sope solomapa la'ela'ef. Owa'. Esis sakwahepa ea'. Amama atom dei' ape' mogawas andeande', epes isima hiesi ina epes ape'isi, owa'.

Basef Ifimba Jut Nandaꞌafi 1:20

Ea' ipe' alupipei endilisi, la'ela'ef ipe' penda' opalef ipe'imi la'ifim pembale'efa God, Anan ofagonama bale'ef ipe'inai. Ea' la'ela'ef ipe' pihali' Ambal Bu'unai Godi ma nonda'epa la'ifipa numafipa ma beten ipe'inai.