Aposel 2:40 - Basef Buꞌwami Godi

⁴⁰ Pita ina na'ipasa basef amama atom, owa'. Na'ipasa anom basef hiami wapoti' na'ipas basef la'ifimi ma nafela ukup asasimi na'i, “Ipe' pindumafuma andeande'. Na'ama pefa' nimanimi lu'wami peloma amam nematawa dei'isi sanda' waf aonai.”

Aposel 2:40 Iomraidhean Croise

Matyu Nandaꞌafi 12:34

Ipe' epes aopei si'i iguf mahasi, nambimb ipe' la'ifipa pi'i basef bu'wami? Owa'etin. Maim basef mape si'ima opalef epesi, amama atom esis sawalapama malogof asasimi.

Matyu Nandaꞌafi 16:4

Ipe' epes hiesi amam nematawa dei' pape etap anae' panda' waf aonai pewa' alafugaha God. Dei' pa'i piti anona ikwaf la'ifinai. Ea' ae' owa'etina enda'ana potolona, owa'. Ikwaf anama la'ifinai fowa' God nihi'amba profet Jona atona nambimb ihi'ambepana ipe'.” Jisas na'ipam ea', nakwahom nafe'.

Matyu Nandaꞌafi 17:17

Ea' Jisas nagwamama basef na'ama na'i, “Ipe' amam nematawa owa' pembale'efa ae'. Ea' opalef ipe'imi owa' mope andeande'. Nimeguf ma'um ata' epe elomepa? Nimeguf ma'um wapoti' ma efa' nimanimi ipe'imi? Ipe' fa'an pifi'mai ae'.”

Matyu Nandaꞌafi 23:33

Ipe' si'i iguf awami pataga iguf awami mahasi! Anona nemaf God nonda'masa basef lu'wami ea' ni'ipipa pefe' pepe wambel aonai hel. Dei' penda'am pi'imama ma nambimb pefe'ma basef amama? Owa'etin.

Mak Nandaꞌafi 8:38

Ae' ataga epen endilisiwei. Amam nematawa dei'isi sanda' waf aonai sakwaha sombale'efa God. Emi egafis ambagof aoma ae' sondafa'me eloma basef ae'ami, anona nemaf ae' wapoti' ambal aona epes isima endafa'mas nemaf anama ae' ifi'i eloma amamaga bu'wami la'ifimi mafifili Ahalomei elomai amam ensel bu'wami Godi wapoti'.”

Luk Nandaꞌafi 16:28

Ae' anom owape wanom biam mape. Ama Lasarus ni'ipama basef la'ifimi ma momboma opalef. Na'ama amam wapoti' mufi'i wambel anae' mofa' nimanimi lu'wami.’

Luk Nandaꞌafi 21:36

La'ela'ef pindumafuma pepe ma ina penda' waf aonai anama, owa'. Pepe penda' beten la'ela'ef ma God nose'epa pepel pitu la'ifipama pihi'ama amamaga amama ma'i meatagamipei. Ama pitu la'ifipa ma ae' ataga epen endilisiwei isimba'epa ewalogepa.”

Jon Nandaꞌafi 21:25

Jisas nanda' anona maol hianai wapoti'. I'i enis epes sonda' basefa maol Jisasi hi'ilana nil, ae' a'i etap anama hiagoma owa' anagona buk hianai no'oh, owa'etin. Asi'igin endilisi.

Aposel 10:42

Anan na'ipafa basef la'ifimi ma wi'ipa esis amam nematawa owalapa basef alihim na'ama. God nandandepa aman anama ma nope aman nonda'masa basefa epes isima sape namisi soloma isima saga' ea'i.

Aposel 15:32

Judas naloma Sailas amam profet. Dei' ma'ipasa basef hiami bu'wami esis Kristen, manda'as sataga la'ifis mafela ukup asasimi.

Aposel 20:11

Ea' Pol nao'was sotanima salata ipat ilif wapoti', nawala bret sa'ana. Ea' Pol na'i basef laumi wapoti' nalomas nafe' nataga lala. Ea' Pol nakwahis nafe'.

Aposel 20:2

Anan nafe' anama hiagoma nawalipasa basef hiami esis Kristen nanda' opalef asasimi mataga la'ifim. Ea' nafe' nataga etap hiagoma esis Grik sapoma.

Aposel 20:21

Ae' a'i basef la'ifimi ma esis Juda saloma isima owa' Judaisi wapoti' ma sowa' alafugaha waf aonai somboma opalef sefe'ma God, sombale'efa dembinai ape'inai Jisas.

Aposel 20:24

Ea' ae' ina okom napoma ambal ae'anai atona nope, owa'. Ea' ina la'ifiwi ma ihapila ambal ae'anai la'ifina, owa'. Ae' a'i ila eaf anama ilana efe' embefana. Ae' a'i enda'ana hi'ilana andeande' maol anama Dembinai Jisas nasi'ianai. Maol anama ewalapa basef bu'wami Godi nagiambamapa na'a nofa'apa motanimani.

Aposel 20:9

Ea' anona aman so'unai agilinama Yutikus natoma windoa. Pol ata' na'i basef mafe' etin, Yutikus ambeh mahana naep ma'i mose'ana na'oh ea' na'oh nelola endilisi. Rum anama wenifina nape ilifi la'afen, anan nowai gani ilif laogoma nafe' etap. Ea' esis sisila' safe' sofa'anai ea' sati afuna endilisi.

Aposel 28:23

Ea' amam mandandepa anona nemafa amam hiami mafi'i ipat Poli. Ea' mafi'i kuhimbita mape mape mataga wambomota, anan na'i basef ofagema nawalipam. Ea' nawalapa basef alihima epes siowis wambota Godi numafias. Anan nawalapa anom basefa mi'uli fowa' gani God naso' Mosesanai maloma basef Godi amam profet fowa' ma'iami. Ama basef amama anan na'ipama basef la'ifimi nafela ukup amamumi ma mombale'efa Jisas.

Aposel 4:36

Ea' anona aman agel ananinai Josep amam aposel manda'mana anona agel Barnabas. Agel anama ofagena na'ama, “Epen nenda' ukup epesi la'ifim.” Anan anona Livai, aman anama ailan Saiprusinai.

2 Korin 5:20

Ea' afa' dei' ofa' malogel Kraisi wawalapa basef ananimi. Amama na'ama etin. God atona nofala epes hiesi ma basef la'ifimi malogof afa'imi. Ea' waho'ofa Krais wa'ipas na'ama wa'i, “Ipe' pekwaha waf naumbihinai ma petaga opalef etifim peloma God.”

2 Korin 6:17

Ea' Dembinai na'iam wapoti' na'i, “Ipe' pekwaha esis pefe' pepe anagon. Ea' ipe' ina pihapila amamaga alugumi awami, owa'. Ama atuwasi ese'epa opaf ae'anai efa'epa petanimani.

Galesia 5:3

A'i i'ipa ipe' amam hipei wapoti'. Emi aman ni'i aho'ma motopa'mana alop ananinai, anan nila mi'uli anama hianai hi'ilana.

Efesus 4:17

Dei' a'i i'ipipa anom basef. Ipe' pape la'ifipa paloma Jisas Dembinai dei' a'ipipa basef la'ifima ma agel Ananinai. Ipe' ina ata' pila waf anama sololama Godi sailanai, owa'. Hapainai. Epes isima ukup asasimi mapoma waf falafunai atona.

Filipai 2:15

Penda'am na'ama ma pepe awasi Godi bo'wepa ma basef o waf aonai a'epa. Dei' pape paloma epes hiesi sape etap anae', esis sakwaha waf bu'unai sanda' waf aonai. Ipe' pape palomas pihi'ambasa basef ambal namunaimi si'i ondowa motawa ilif mafifima epes. Penda'am na'ama ma nemaf akutainai Kraisi ae' endanifel ma ipe' ma egawa ina anda' opeh akwaha pepel ae'anai na'a, owa'.

1 Tesalonaika 2:11

Ipe' pegawa waf anama si'i ahalomas numafi awasi ananisi, ea' na'ama etin si'i afa' wanda'mepam ipe' atona etin. Afa' wafela ukup ipe'imi, wawalapa waf bu'unai so'umbilinai.

1 Timoti 4:16

Nindumafuma andeande'ma waf ine' nanda'anai, ma basef amama niwalipasami. La'ela'ef nenda'am na'ama la'ifina. I'i ine' nenda'am na'ama, nambimb God nigiambamena neloma esis seme' basef ine' na'ipasami sailam, nofa'epa petanimani pepe andeande'.

1 Pita 5:12

Ae' a'ipa owalome Sailas nanda'ago basef amama ae'ami bandami mafe'mago ipe'. Ae' ati anan nanda' maol Kraisi andeande'. Ea' a'ipipago basef amama endilisimi God nigiambamapa na'a. Dei' pitu la'ela'ef ma amama. Anda' basef amama a'i efela ukup ipe'imi enda'epa petaga la'ifipa.