Aposel 2:4 - Basef Buꞌwami Godi

⁴ Ea' Ambal Bu'unai Godi nape si'inama esis atona etin hi'alas, sa'i basef Godi ma diga naninani wambel hiagoma. Ambal Bu'unai Godi anama nanda'am mataga malogof asasimi.

Aposel 2:4 Iomraidhean Croise

Matyu Nandaꞌafi 10:19

Nemaf anama esis sowalapepa ma basef, ipe' ina umbamehepa pi'i, ‘Nambimb ape' mogwa basef mi'iam mi'imama?’ Owa'. Nogota anama atona God nihi'ambepa maim basef ipe' pewalapam pi'iam.

Mak Nandaꞌafi 16:17

God nambimb nonda' esis isima sembale'efi sotaga la'ifisa sonda' ikwaf hianai naninani si'i anan nanda'anai. Ea' sohali' Ae' ma enda'as sotaga la'ifisa sili'amona ambagof awami mapeisi, ea' si'i anona diga hianai dambainai.

Luk Nandaꞌafi 1:15

Dei' main, enin anona nemaf netaga dambeni nefa' agel lu'unai ma naep Dembinai. Enin ina nea' embel wainim moloma embel la'ifimi, owa'. Enin ata' nape opaf mama'wanai, Ambal Bu'unai Godi napaina si'ina nonda'ana la'ifina.

Luk Nandaꞌafi 1:41

Elisabet kwame' Maria ata' kwanda'makwa gude etin, awani Elisabeti fete' etin nape opaf akwa'unai nomon. Ea' Ambal Bu'unai Godi si'inama akwa'w,

Luk Nandaꞌafi 1:67

Awani inima Jon ahalomana Sekaraia, Ambal Bu'unai Godi nape si'ina anan ea' nawalapa basef Godi si'i amam profet fowa' gani mawalipasam na'i,

Luk Nandaꞌafi 12:12

Dei' main, nogota anama atona Ambal Bu'unai Godi nihi'ambepa maim basef atuwasi peagwami.”

Luk Nandaꞌafi 21:15

Dei' main, nemaf anama ae' atowe enda' basef mope malogof ipe'imi ese'epa gawa bu'unai ma epes isima ina la'ifisa seagwa basef amama ae' iesi'ipami, owa'.

Luk Nandaꞌafi 4:1

Ambal Bu'unai Godi nape si'inama Jisas ea' nakwaha walemb anama Jordan nandegiai natanima nafe'. Ea' Ambal Bu'unai Godi nofa'ana nafe' anona etap wafiguma fatauguma epes a'agoma.

Jon Nandaꞌafi 14:26

Ea' anan nigiambamepa ma nonda'epa la'ifipa, anan Ambal Bu'unai Godi. Anama Ahalome nambimb nesapa'ana nifi'i ma agel ae'anai. Ea' nowalipipa ma amamaga hiami, nefela nomonas ipe'imi ma ukup mopoma basef hiami ali' a'ipipami.

Jon Nandaꞌafi 20:22

Na'ipafa amama ma ea', naolamafa ambip na'ipafa na'i, “Ipe' pefa' Ambal Bu'unai Godi.

Aposel 1:5

Fowa' Jon napisi' amam nematawa hiesi embel. Ea' ipe' nambimb God nonda' baptaisimipa Ambal Bu'unai Ananinai.”

Aposel 1:8

Ea' basef ipe'imi amama. Nambimb Ambal Bu'unai Godi nifi'mai ipe', nemaf anama pefa' pepel Ananinai, pewalapa basef Ae'ami Jerusalem ea' ganima etap hiagoma Judia ea' ganima etap hiagoma Samaria, ea' pefe' anama etap wambel hiagoma hi'ilagon.”

Aposel 10:46

Amam Juda mame' esis sa'i diga naninani safela agel Godi ea' amam gegelalasom kwapete'am. Ea' Pita na'i,

Aposel 10:47

“Ina enin epen la'ifina nindaiwa'ma sipisi' amam nematawa isima embel, owa'. Esis sofa' Ambal Bu'unai Godi na'ama etin si'i ape'.”

Aposel 11:15

Ea' ae' afela basef a'iam, Ambal Bu'unai Godi nisila'mai esis, nafi'i na'ama etin si'i nali' nafi'mai ape' Juda dambadamba.

Aposel 11:24

Barnabas anan aman bu'unai, Ambal Bu'unai Godi napaina nembale'efa God andeande'. Ea' nagiambama esis amam nematawa hiesi ma sembale'efa Dembinai ea' sawisi epes hiesi Godi.

Aposel 13:52

Esis alupusi sombale'efa Jisasi sandanifel endilisi ea' pepel Ambal Bu'unai Godi nape si'ina esis.

Aposel 13:9

Ea' aman anama Sol, sofalana Poli, anan pepel la'ifinai Ambal Bu'unai Godi napainai. Ea' anan natiti Elimas na'ipana na'i,

Aposel 15:8

God nogawa opalef esis amam nematawa hiesi ea' nihi'ambafa okom Ananinai wila ma esis. Anan nihi'ambapa na'ama ea' nase'asa Ambal Bu'unai Ananinai esis si'i fowa' nali' nase'apana ape'.

Aposel 19:6

Ea' Pol nawamona lagofa esis, Ambal Bu'unai Godi nafi'mai esis nafelas sa'i diga naninani sawalapa basef si'i amam profet ma'iami.

Aposel 2:11

Ape' Juda maloma enis epes maila waf esis Juda sanda' lotuwanai ea' ape' etap hiagoma Krit Arebia, ape' hiapai mame' amam mawalapa basefa pepel maol Godi ma diga hianai naninani.”

Aposel 2:3

Ea' sati nif ilelowa si'i melisigah pepe'atam mafe' matoma esis hiesi atona etin hi'alas.

Aposel 4:31

Esis sanda' betena ea', same' ipat anama sapeinai nandakoto'. Ea' Ambal Bu'unai Godi si'inama esis hiesi sataga la'ifis ea' sawalapa basef Godi. Esis ina umbamahasa amam agufumi Judai, owa'.

Aposel 4:8

Ea' Ambal Bu'unai Godi nape si'ina ma Pita nanda'ana la'ifina na'ipam na'i, “Ipe' Israel amam dembipei peloma ipe' agufipei,

Aposel 6:3

Ipe' Kristen alupipei, ipe' ata' pendandepa anom amam 7-peleim la'afena ipe' mape andeande'ma naep esis amam nematawai, Ambal Bu'unai Godi nape napaim si'inama amam nomonas bu'wami mapaimi. Ama afa' onda'am mopoma mumafi maol anama.

Aposel 6:5

Amam nematawa hiesi ukup ma'i basef amama. Ea' sandandepa Stiven, anan nembale'efa Jisasi ma Ambal Bu'unai Godi napaina nape si'inamana. Ea' sandandepa Filip naloma Prokorus maloma Nikanor naloma Timon naloma Parmenas naloma Nikolas. Aman anama Nikolas Antiokinai, fowa' nafi'i naila waf esis Judai.

Aposel 6:8

God nandahowema Stiven nagiambamana. Ea' nanda'ana la'ifina, nanda' ikwaf la'ifinai hianai naninani la'afena esis amam nematawa.

Aposel 7:55

Ea' Ambal Bu'unai Godi napaina endilisi, naniga nati heven ilif. Nati nafifili Godi ea' nati Jisas naitu lagel da'isinai Godi.

Aposel 8:17

Ea' amam biam mawamona lagofa esis ea' sofa' Ambal Bu'unai Godi napais.

Aposel 9:17

Ea' Ananaias nafe' nawis ipat anama nomon nasa lagofa Sol na'i, “Sahalome Sol, Dembinai Jisas natagamena eaf nogota anama ine' nafi'i na'ae. Dei' nasapa'e afi'mai ine' ma niti andeande' wapoti' ma Ambal Bu'unai Godi nope si'inama ine'.”

Basef Amama Pol Nandaꞌam Mafeꞌma Esis Romi 15:13

Ape' mogawa endilisi God nagiambamapa ma mope andeande'. God anan ofagonama amama. Dei' ae' a'i ipe' pembale'efana nonda' danifel lu'unai noloma opalef awanemi motaga si'ima ipe'. Ea' a'i pepel Ambal Bu'unai Ananinai nonda'epa pegawa endilisi God nigiambamepa ea' piti pepel Ananinai.

1 Korin 12:10

Ea' enin epen Ambal Godi nagiambaman nase'an pepela nenda' amamaga la'ifimi si'i God nanda'ami. Ea' enin epen Ambal Godi nafelan na'i basef Godi. Enin epen nefa' gawa ma newaloga ambagof mamumami hiami, bu'wami o awami. Ea' enin negawa ma na'i diga naninani hianai. Ea' enin epen negawa ma nemboma basefa diga naninani.

1 Korin 13:1

I'i ae' egawa ma i'i diga naninani epesi soloma enseli wapoti' ma ae' owa' okom mimilas ese'asa okom igiambamas, basef ae'ami falafumi atom si'i saha olef wata malef etini.

1 Korin 13:8

Waf anama ukup maimaila enis epes endilisi, anama anona nemaf ina higililana, owa'etin. Ea' waf anama Ambal Godi nafelapa ma mowalapa basef ananimi, anama anona nemaf higililana hi'ilana. Presen anama bu'unai ma epes sogawa sa'i diga naninani, diga anama anona nemaf hi'ilana. Presen anama epes sogawa ma waf Godi, gawa anama anona nemaf hi'ilana wapoti'.

1 Korin 14:18

Ae' anifela God nimeguf hiami ma ae' a'i basefa diga naninani. Ipe' ina la'ifipama pikila' ae' ma presen anama, owa'.

1 Korin 14:5

Ae' okom na'i ipe' hipei pi'i basefa diga naninani. Ea' emi egafis Ambal Godi nafelasa sowalapa basef Godi si'i profet, esis sikila' epes isima sa'i basefa diga naninani owa' sombomam si'iam alihim. Dei' main, i'i epen inima owa' nembomam ni'iam alihim, basef amama ina migiambama esis amam nematawa Kristen sotaga la'ifis, owa'. Ea' i'i nembomam alihim, basef amama migiambamas sotaga la'ifis.

Efesus 3:19

Ea' anda' beten ahali' Goda basef akutaimi na'ama. A'i ipe' pegawa okom anama Kraisi endilisi, anama nikila' gawa epes hiesi. A'i ipe' pegawa okom anama Kraisi ma pepe si'ipa endilisi ma waf bu'unai God okom na'ianai hianai.

Efesus 5:18

Ea' ipe' ina pea' embel la'ifimi pehaga pegaol, owa'. Waf anama nahambombaga ipe'. Ipe' aho'ma Ambal Bu'unai Godi nopaipa si'ipa.

Efesus 6:18

Ea' la'ela'ef pefa' pepel Ambal Bu'unai Godi ma penda' beten naninani hianai pehali' God. Ipe' pindumafuma andeande' penda' beten. Ina pepoma noma'w, owa' Penda' beten la'ela'ef ma God nigiambama esis amam nematawa ananisi hiesi hi'ilas.

1 Pita 1:12

Ea' God nihi'ambamam ea' amam ina manda' maol magiambama amam atoma basef amama, owa'. Manda' maol magiambama ipe', ma'i basef amama ma amamaga bu'wami anona nemaf meatagai. Ea' dei' amam mawalipipa basef bu'wami Godi ma'ipipa amamaga amama atom. Ma'ipipa ma pepel Ambal Bu'unai Ananinai nisila'i otaga ilif. Amam profet amama, ina amam atom ukup ma'i basef amama mogawam, owa'. Amam ensel wapoti' ma'i mogawam.

2 Pita 1:21

Dei' main? Fowa' ina enin epen atitin na'i anom basef mofa'ama Godi ma okom ananinai atona, owa'. Ambal Bu'unai Godi atona nafela ukup amam profeti mail okom Godi atona ea' mofa' malogel Ananinai ma'i basef amama.