Aposel 2:38 - Basef Buꞌwami Godi

³⁸ Ea' Pita na'ipas na'i, “Ipe' hipei pemboma opalef ipe'imi pila God ea' ipe' hipei atona etin pefa' baptaisa agel Dembinai Jisas Krais ma God nokwaha waf aonai ipe'inai. Ipe' penda'am na'ama, nambimb God nese'epa Ambal Bu'unai Ananinai nope nolomepa.

Aposel 2:38 Iomraidhean Croise

Matyu Nandaꞌafi 28:19

Na'ama dei' ipe' pefe' wambel hiagoma piwalipa amam nematawa sape wambotogw hiami piwalipasa basef bu'wami ae'ami, penda'as sotaga alupisi ae'asi ma siela basef Ae'ami andeande' ea' pipisi'as embela agel Ahalomei noloma Ae'anai noloma Ambal Bu'unai Ananinai.

Matyu Nandaꞌafi 3:2

ea' nawalapa basef bu'wami na'i, “Nemaf anama bu'unai ea' felefele' notaga ma epes siowis kingdom heveni. Na'ama dei' ipe' pewa' alafugaha waf aonai pemboma opalef pefe'ma God.”

Matyu Nandaꞌafi 4:17

Ea' dei' Jisas nafela maol na'ipasa basef la'ela'ef. Nawalipasa basef amama na'i, “Nemaf anama bu'unai felefele' neataga ma ipe' piowis kingdom heveni. Na'ama dei' ipe' pemboma opalef pefe'ma God.”

Mak Nandaꞌafi 1:15

na'i, “Nemaf anama felefele' netaga ma epes hiesi siowis wambota Godi numafias. Na'ama dei' ipe' pemboma opalef pefe'ma God pewa' alafugaha waf aonai.”

Mak Nandaꞌafi 16:16

Emi egafis sembale'efa ae' sofa' baptais, anona nemaf God notanima nefa'asi wapoti' ea' Ananisi. Ea' isima owa' sembale'ifi, anona nemaf God nonda'mas kota basef lu'wami ma waf aonai esis sanda'anai.

Luk Nandaꞌafi 24:47

Ama agel ananinai anona nemaf alupusi ananisi sili' sowalapa basef Jerusalem ea' si'ipasam amam nematawa hiesi hi'ilas sape wambel hiagomai ma seamboma opalefa God nokwahomasa waf aonai esis sanda'anai.

Luk Nandaꞌafi 3:10

Anan na'iam ea', esis hiesi sahali'ana sa'i, “Ape' nambimb monda' main?”

Aposel 10:43

Amam profet hiami ma'iama anan na'ama ma'i, ‘La'ifimi agel ananinai atona God nakwaha waf aonai esis amam nematawa emi egafis sembale'efanai.’ ”

Aposel 10:48

Ea' na'ipasa basef la'ifimi ma esis na'i, “Ipe' pefa' baptaisa agel Jisas Kraisi.” Ea' sa'ipana sa'i, “Ine' ata' nepe nelomapa anom nimeguf wapoti'.”

Aposel 13:38

Amama atom dei' ae' a'i ipe' sahin owan pegawa basef ape'imi amama. Aman anama nakwaha waf aonai ipe' panda'anai.

Aposel 16:15

Ea' kofa' baptais kwaloma esis sape ipat atona wapoti'. Akwa'w kofa' baptais, kwa'ipafa basef kwa'i, “I'i ipe' ukup mi'i ae' embale'efa Dembinai endilisi, ipe' fi'i pepe peloma ae' ipat ae'anai.” Ea' akwa'w la'ifikw kwao'wafa wafe' waila basef akwa'umi.

Aposel 17:30

Fowa' gani epes owa' seagawanai, God ina na'i basef mamumami ma amamaga hiami esis sanda'am nogota anama, owa'. Ea' dei' anan na'ipas na'i mehip epes hiesi ma wambel etap hiagoma na'i, ‘Ipe' pemboma opalef pila Ae'.’

Aposel 20:21

Ae' a'i basef la'ifimi ma esis Juda saloma isima owa' Judaisi wapoti' ma sowa' alafugaha waf aonai somboma opalef sefe'ma God, sombale'efa dembinai ape'inai Jisas.

Aposel 22:16

Dei' maina ine' ata' nape nehafana etin? Ine' hafel nefalona nosa'opena nokwahomena waf aonai ine' nanda'anai ma nefa' baptais!’

Aposel 26:18

Ama newala naep asasimi ma esis sowa' alafugaha akota waf aonai somboma opalef sifi'mai howalagon ma sokwaha pepel Satani sifi'mai God. Esis sombale'efa ae' ma ekwaha waf aonai esis sanda'anai. Ama sofa' amamaga bu'wami soloma enis amam nematawa God nanda'as bo'wes ananisi etisi.’

Aposel 26:20

Ae' ali' awalapa basefa esis amam nematawa sape Damaskusi ea' awalapama epes sape Jerusalemi ea' awalapama esis sape etap hiagoma Judia ea' afe' awalapama isima sololama Godi wapoti'. Ae' awalapa basefa penda' maol peloma waf bu'unai nendahama epes somboma opalef sefe'ma God.

Aposel 3:19

Dei' ipe' pemboma opalef pila Goda nokwahomepa waf aonai ipe' panda'anai.

Aposel 5:31

Ea' God nofa'ana nalata ilif nahaponana nape lagel da'isinai ananinai. Ea' nape agilinai ma nigiambama ape' Israel hiapai. Anan na'i nofa'apa ma momboma opalef mila God nokwaha waf aonai ape' manda'anai.

Aposel 8:12

Ea' Filip nawalipasa basef bu'wami esis hiesi. Nawalipasa agel Jisas Kraisi ma siowis wambota Godi numafias. Ea' sombale'efa basef amama sofa' baptais. Esis amam nematawa wapoti'.

Aposel 8:20

Ea' Pita nagwamana basef na'ipana na'i, “Ae' a'i otamba ine'imi moloma ine' pefe' wambel aonai hel. Amamaga bu'wami God nase'asam etin si'i presen, amama ine' okom na'i wilama netalom otamba ine'imi? Owa'.

Basef Amama Pol Nandaꞌam Mafeꞌma Esis Romi 6:3

Ipe' pegawa ape' emi egafipa mofa' baptaisa mape la'ifipa maloma Jisas Krais mofa' baptaisa ga' Ananinai.

Efesus 1:7

Krais atona naga' natagahepa ma waf aonai natalepa esimbel Ananimi. Ea' nakwaha waf aonai ape' manda'anai. Anan nanda'am na'ama si'i okom Godi nainailapa endilisi ma waf nagiambamapa na'a.

Taitus 3:5

Anan ina okom napoma anona waf bu'unai ape' manda'anai dei' nofa'apai, owa'. Okom dahowinai ananinai atona nofa'apa motanimani. Anan nasa'opapa ea' mataga awasi dambaipai, Ambal Bu'unai Godi nase'apa ambal namunai ma ape'.

1 Pita 3:21

Embel amama lu'wami mondola'wifa sofa' baptais migiambamepa pepe andeande'. Amama ina masa'opa alogwa alop atona ande', owa'. Amama anom basef endilisi la'ifimi ape' ma'iam maloma God, amama mataga mape opalef nomoni bo'om andeande'. Amama mofa'epa petanimani ma pepel anama atona Jisas Krais notanima nohafel.