Aposel 2:33 - Basef Buꞌwami Godi

³³ Dei' God nafelona nohafel nalata gani heven ilif ea' nape lagel da'isinai Godi. Anan nofa' Ambal Bu'unai Godi ma Ahalomana, si'i fowa' Ahalomana na'ipana na'i endilisi nese'ana. Amama atom dei' Jisas nase'asam esis amamaga amama dei' patolom pame'am ea'.

Aposel 2:33 Iomraidhean Croise

Matyu Nandaꞌafi 28:18

Ea' Jisas nafi'i felefele'ma amam na'ipam na'i, “God nase'eana agel lu'unai ma pepel ilifanai etapanai ea'.

Mak Nandaꞌafi 16:19

Dembinai Jisas nawalipas na'ipas ea', God nofa'ana nalata heven. Ea' nofa' agel lu'unai nape lagel da'isinai Godi.

Luk Nandaꞌafi 24:49

Ipe' peme! Anom amamaga la'ifimi fowa' Ahalome na'iam endilisi na'i niesi'ipami felefele' miefi'imipei. Ipe' pepe la'ela'ef taun anama pefe'ma petaga nemaf anama la'ifimi amama misila'i heven ilifi meafi'mai ipe'.”

Jon Nandaꞌafi 14:16

Ama nambimb ihali' Ahalome, ma nisi'ipei anona nigiambamepa nonda'epa la'ifipa. Anan nope noloma ipe' la'ela'ef hihif.

Jon Nandaꞌafi 14:26

Ea' anan nigiambamepa ma nonda'epa la'ifipa, anan Ambal Bu'unai Godi. Anama Ahalome nambimb nesapa'ana nifi'i ma agel ae'anai. Ea' nowalipipa ma amamaga hiami, nefela nomonas ipe'imi ma ukup mopoma basef hiami ali' a'ipipami.

Jon Nandaꞌafi 15:26

Ea' Anan nigiambamepa nonda'epa la'ifipa, Anan napani naloma Ahalome nambimb nifi'i. Ea' Ae' nambimb esapa'ana nifi'mai ipe'. Anan Ambal Bu'unai Godi nawalapa basef endilisimi. Nemaf anama Ae' esapa'ana nifi'mipei, nowalapa basefa ae'ami.

Jon Nandaꞌafi 17:5

Ahalome, fowa' etap anae' owa' ata' notagai ae' ape alomena efa' agel lu'unai. Dei' ine' nese'e agel anama lu'unai si'i fowa'.

Aposel 1:4

Anan ata' nape nalomam na'ipam mehip na'i, “Ipe' dei' ina pekwaha Jerusalem ulal, owa'. Pepe pehafa amamaga amama Ahalome na'i endilisi niesi'ipami. Amama fowa' ae' a'ipipami.

Aposel 10:45

Amam amama Judaimi mombale'efi mafi'i malumai Pitai mohafel gegelalasom kwapete'am ma mati God nase'asa Ambal Bu'unai Ananinai etin si'i presena esis amam nematawa owa' Judaisi wapoti'.

Aposel 2:17

‘God na' i, felefele' ma nimeguf akutaimi Ae' ese'as Ambal Bu'unai Ae'anai nope amam nematawa hiesi. Ea' efela esis batawisipa ipe'isi sowalapa basef si'i amam profet ma'iam. Ea' ihi'amba amam so'umi ipe'imi mondanda'oh motolom naep mose'am mope motolom, ea' ese'ama mo'oh mondanda'oh motolom amam hagami ipe'mi ma ihi'ambam waf ae'anai.

Aposel 5:31

Ea' God nofa'ana nalata ilif nahaponana nape lagel da'isinai ananinai. Ea' nape agilinai ma nigiambama ape' Israel hiapai. Anan na'i nofa'apa ma momboma opalef mila God nokwaha waf aonai ape' manda'anai.

Basef Amama Pol Nandaꞌam Mafeꞌma Esis Romi 5:5

I'i ape' mogawa endilisi na'ama, bale'ef ape'inai ina anona nemaf hegililana, owa'. Dei' main, God nase'apa Ambal Bu'unai Ananinai ea' waf okom nainailapa nape lu'una opalef ape'imi.

Galesia 3:14

Krais Jisas nanda'am na'ama ma nanda' amamaga bu'wami God na'ipa Abrahamami motagama enis epes sololama basef Godi. Nanda'am na'ama ma ape' mombale'efa basef bu'wami ma mofa' Ambal Bu'unai Ananinai si'i fowa' na'i basef endilisimi atom.

Efesus 1:13

Ea' dei' ipe' wapoti', nemaf anama peme' basef endilisimi bu'wami Godi, nofa'epa petanimani pembale'efa Krais pape la'ifipama anan. Nogota anama ipe' pembale'efa Krais, God nase'epa Ambal Bu'unai Ananinai nosahe'epa. Ambal Bu'unai anama si'i anona ikwaf God nanda'mepanai ma nihi'ambepa na'ama.

Efesus 4:8

Si'i buk Baibel na'iam na'ama na'i, “Nemaf anama anan nafe' gani ilif, nefa' epes hiesi sanda' kalabusi nafe' nalata ilif. Ea' nase'asa presen bu'unai esis.”

Taitus 3:6

Ama opeh Jisas Kraisi, Anan nofa'apa motanimani, God nase'apa Ambal Bu'unai Ananinai nafi'i hianai endilisi ma ape' si'i nakolo'wai pepel ma ape'.

Hibrui 10:12

Ea' aman anama nonda' ofa nemaf atotona, nase'ana Anan atona nondolalima Goda nakwaha waf aonai epes sanda'anai, amama mape la'ela'ef. Anan nanda'am na'ama ma ea', dei' nape naloma God lagel da'isinai Ananinai.

Hibrui 2:9

Ape' dei' mogawa Jisas! Fowa' nogota bandana God nanda'ana nafe' owina amam ensel. God nati ape' uwahipipa nagiambamapa na'a, dei' Jisas nefa' nimanimi lu'wami naga' ma ape' hiapai. Amama atom dei' God nase'ana agel lu'unai nanda'ana nataga Dembinai king nafifili endilisi.

1 Pita 1:21

Anan atona nagiambamepa dei' pembale'efa God. Anan nafela Krais nohafel hi'agif nase'ana agel lu'unai Anan. Amama atom dei' pembale'efa God atona pegawa endilisi anona nemaf anan atona nofa'epa pitanimani.

1 Pita 3:22

Anan nafe' nalata ilif otaga nape wa'ol lagel da'isinai Godi. Ea' amam ensel hiami maloma agufumi mumafi ilifi mape owina Anan atona.