Aposel 2:27 - Basef Buꞌwami Godi

²⁷ Dei' main, anona nemaf ina nekwaha ambal ae'anai nefe' nepe anama epes saga'i sapoma, owa'. Ea' ina nambimb nekwaha aman anama bu'unai nanda' maol ine'inai alop ananinai folo'olana, owa'.

Aposel 2:27 Iomraidhean Croise

Matyu Nandaꞌafi 11:23

Ea' ipe' Kaperneam, anona nemaf esis sefala agof ipe'imi molata ilif? Owa'etin. God nokwahipa pefe' wambel aonai hel. I'i fowa' gani anona aman nonda' anona pepel la'ifinai wambel anama Sodom si'i anda'ana wambel ipe'inai, epes isima Sodom sope etin. Owa'etin. Saga' hi'alas.

Mak Nandaꞌafi 1:24

“Jisas ine' Nasaretinai, ine' nafi'i na'i nenda' maina afa'? Nafi'i ma nehambombagafa? Ae' egawena ine' aman bu'winai Godi.”

Luk Nandaꞌafi 1:35

Ea' ensel anama nagwama'wa basef na'i, “Ambal Bu'unai Godi nifi'mai ine', pepel God nape ilifi nose'alina. Ea' dei' awani inima nambimb nelani enin bo'wen. Ea' esis nambimb sefela agel ananinai lu'una sofalana si'i Anan Nogalomana Godi.

Luk Nandaꞌafi 16:23

Ea' nafe' wambel aonai hel nofa' nimanimi lu'wami. Ea' natologon nalata ilif, nati Abraham napani laogon endilisi, Lasarus nape nalomana.

Luk Nandaꞌafi 24:44

Ea' na'ipas na'i, “Fowa' ae' ata' ape alomepa, a'ipipa ea' ma basef hiami mail buk Baibeli ma mi'uli God fowa' gani naso' Mosesanai. Buk anama amam profeti maloma Buk Songi, basef amama hiami ma'i ae'. Basef amama hiemi dei' mataga endilisi mandawalap alihim.”

Luk Nandaꞌafi 4:34

“E! Jisas ine' Nasaretinai, na'i nifi'i nenda' maina ape'? Ine' nafi'i ma nehambombagapa? Ae' egawa ine' nogalomana God bu'winai andeande'.”

Jon Nandaꞌafi 11:39

Ea' na'ipas na'i, “Ipe' lefatana owap anama nowalo utai.” Ea' Marta haniti'mana aman anama naga'i kwa'i, “Dembinai, anan nape nimeguf biamibiam ea'. Dei' alogw awami ea' mana.”

Aposel 2:26

Amama atom dei' okom ae'anai nandanifel. Ae' i'i basef bu'wami i'i, ae' egawa endilisi nambimb anona nigiambame epe andeande'.

Aposel 2:28

Ine' nihi'ambe eaf nafe' natagama ambal namunai. Anona nemaf ine' nepe nelome endanifel endilisi.’ ”

Aposel 2:31

Fowa' gani Devit ata' nape, anan nogawa amama God na'i anona nemaf neanda'ami. Na'ama dei' anan na'i dembinai Krais anona nemef noga' notanima nohafel wapoti'. Anan na'iam na'i, ‘Anona nemaf God ina nokwahona nope anama saga'i sapoma hi'agif alop ananinai folo'olana, owa'.’

Aposel 3:14

Ipe' pewa alafugaha aman bu'unai Godi. Ea' pahali'a Pailat mehipa anona aman aonai naha epes saga'i, ea' nakwahomepanai.

Aposel 4:27

Herot naloma Pontius Pailat maloma enis epes hiesi owa' Judaisi saloma esis Israel saila basef amama Deviti sanda' kolas wambel anama atona sasombala basef Jisasi, aman anama bu'unai nanda' maol ine'inai, fowa' gani nesahe'ana ea'.

1 Korin 15:55

“Ine', ga', pepel ine'inai enima? Ea' wamba'w ine'inai hi'elinai enima? Owa'etin.”

1 Jon 2:20

Ea' ipe' Krais nase'epa Ambal Bu'unai Godi ea'. Dei' ipe' hipei pegawa basef endilisimi.

Revelesen 1:18

Fowa' aga', ea' dei' ape namowe la'ela'ef hihif. Ae' ape Dembiwei ali' ape agi' ma amamaga hiami maloma epes. Ea' ahapila ki ma wambel saga'i sapoma.

Revelesen 20:13

Wambel saga'i sapoma naloma naoh embel makwaha epes isima saga'i sotanimani ma nogota anama. Ea' Anan natoma balata kingi nawaloga esis hiesi atona etin sandahama waf hianai esis sanda'anai.

Revelesen 3:7

Ine' da'a anom basef mofe'ma ensel anama numafi sios amam nematawa Kristen sape Filadelfiai. Ae' bu'uwei endilisi dei' ahapila ki ma uta anama fowa' king Devit nahapilanai. I'i Ae' ewisi'ana, anona aman ina la'ifina ma nowalowana, ea' Ae' i'i ewalowana wapoti', nambimb enin epen ina la'ifina niwisi'ana, owa'. Ae' atowe a'ipipago basef amama ipe'.