Aposel 2:23 - Basef Buꞌwami Godi

²³ Fowa' gani God nogawa ea' nail okom Ananinai atona nanda' aman anama nefe' nope lagof ipe'imi. Ea' amam amama mololama mi'uli Godi sanda' waf aonai, amam magiambama ipe' pembale'ana paundana nail lawag usi'inai tu'wanainai ea' pahana naga'.

Aposel 2:23 Iomraidhean Croise

Matyu Nandaꞌafi 20:19

Ea' monda'e efe'ma esis sololama Godi ma sonda' findiwae ma basef awami sopagahowe sehe egaga' lawag usi'inai tu'wanainai. Ama nimeguf biam hi'ilam anona nefe'ma wanomi, God nefele ma hi'agif etanima ehafel wapoti'.”

Matyu Nandaꞌafi 26:24

A'e, ataga epen endilisiwei, atuwasi enis epes sehe eaga' si'i Buk Baibel na'iama ae'. Ea' aman anama nowalapa ae' ma naumbih, anan uwahipina endilisi. Nambimb nimanimi awami endilisi motagamana. Fowa' mama'wana owa' ata' kolanai, andeande'. Ama anan ina notagama amamaga nimanimi awami. Owa'etin.”

Matyu Nandaꞌafi 27:35

Amam maundana lawag usi'inai tu'wanainai ea', manda' satu ma luwaguf maim ananimi ma emi nikila' nefa'am mondondam atona etin.

Mak Nandaꞌafi 15:24

Ea' maundana lawag usi'inai tu'wanainai ea' manda' satu ma luwaguf maim ananimi ma emi nikila' nefa'am mondandam atona etin.

Luk Nandaꞌafi 22:22

Ae' ataga epen endilisiwei, naman ega' si'i eaf fowa' gani God nandandepanai. Ea' aman anama neawalape ma amam naumbih, ae' ati uwahipina endilisi. Dei' main, nimanimi lu'wami motagamana.”

Luk Nandaꞌafi 22:37

Dei' main, anom basef ma ae' felefele'ma motaga mondawalap. Anom basef mail Buk Baibeli fowa' gani ma'iam na'ama ma'i, ‘Esis ukup ma'i ae' epen aowei atowe.’ Ae' a'ipipa endilisi! Basef amama felefele' motaga endilisi ma nimanimi lu'wami atuwasi motaga ma ae'.”

Luk Nandaꞌafi 23:33

Ea' safe' sataga anagon sofalagon sa'i Pipitagel Balagaina. Anama amam soldia maunda Jisas lawag usi'inai tu'wanainai. Ea' maunda anom biam manda' waf aonai manda' wali mandolam mail wa'olwa'ol Jisas nail la'afen.

Luk Nandaꞌafi 24:20

Ea' amam pris dambami maloma agufumi ape'imi mase'ana nafe'ma amam gavman dambami. Ea' amam gavman manda'mana basef mohana naga'. Ea' maundana lawag usi'inai tu'wanainai.

Jon Nandaꞌafi 19:18

Anama amam maundana lawag usi'inai tu'wanainai naloma anom amam biam. Anona nail wa'ol, anona nail wa'ol, Jisas nail la'afen.

Jon Nandaꞌafi 19:24

Amam manda'ipama ma'i, “Afa' ina owala siot anama, owa'. Afa' onda' pilai satu ma emi nikila' nefa'ana.” Amam ma'iam na'ama maila anom basef fowa'imi mape Buk Baibel dei' mataga mandawalap alihim. Basef amama ma'i na'ama ma'i, “Amam matambe' luwaguf ae'ami mafe'ma amam atona etin ea' manda' satu ma emi nikila' nefa'am.” Ea' amam soldia manda'am na'ama etin.

Aposel 13:27

Ea' esis sape Jerusalemi saloma amam agufumi asasimi, esis ina sogawa aman anama nofa'apa motanimani, owa'. Esis ina sogawa andeande' basef amama amam profet fowa' ma'iami, owa'. Anom agufumi matalifam Sabat nimeguf hiami sapoma noma'wanai. Ea' ina sogawam, owa'. Basef amama atom mataga endilisi nemaf anama esis sanda' kotima Jisas sa'i anan aman aonai ma sahana noga'.

Aposel 15:18

Fowa' gani endilisi Ae' Dembiwai awalapa basef amama.’

Aposel 2:36

Ea' dei' Pita na'iam na'ama na'i, “Dei' ape' Israel mogawa isima andeande'. Aman anama Jisas ipe' paundana lawag usi'inai tu'wanainai pahana naga', dei' God nanda'ana nataga nape dembinai anan Krais, God nandandepana nasapa'ana nafi'i.”

Aposel 3:18

Fowa' gani God nawalapa basefa amam profet hiami ma Krais, God nandandepana nasapa'ana nafi'i. Basef amama ma'i Krais nome' nimanimi lu'wami. Ea' waf anama dei' ipe' panda'anai, anama nandahama basef amama amamumi mataga mandawalap alihim.

Aposel 4:28

Esis sandakolas sape etifigina sonda' amamaga hiami si'i fowa' gani ine' la'ifina okom ine'inai na'i neataga dei'.

Aposel 5:28

“Afa' wa'ipipa basef la'ifimi wa'i ipe' ina pewalapa basef pi'ipasam amam nematawa ma agel anama, owa'. Ea' ipe' panda' basef amama mape mafe'agon hi'alogon Jerusalem asi'igina basef ipe'imi. Ea' pa'i basef mailafa pa'i ofagema afa'imi, afa' waha aman anama naga'.”

Aposel 5:30

Ipe' paunda Jisas lawag usi'inai tu'wanainai ea' pahana naga'. Ea' God anama bafapapa ape' Juda manda' lotumanai nafelona nohafel wapoti' hi'agif.

Aposel 7:52

Amam profet hiami fowa' gani mapani esis akusepa ipe'isi sanda' waf aonai ma amam hiami saham sanda'am aom. Saha amam profet ma'ipasa Aman Bu'unai anona nemaf neafi'i. Ea' dei' ipe' pawalapana ma amam naumbih mahana naga' ea'.

Basef Amama Pol Nandaꞌam Mafeꞌma Esis Romi 2:12

Anan okom na'i na'ama. Emi egafis owa' seagawa mi'uli God fowa' naso' Mosesanai, esis sanda' waf aonai, anona nemaf higililas. Ea' epes Juda sogawa mi'uli anama ea'i ma dei' sanda' waf aonai, anona nemaf nowalogasa mi'uli anama atona.

Basef Amama Pol Nandaꞌam Mafeꞌma Esis Romi 4:17

Si'i Baibel na'i, God fowa' gani na'ipa Abraham na'i, “Ae' enda'ena nepe bafalomasa epes hiesi.” Abraham anan bafalomapa ape'inai ma naep Godi. Anan nembale'efa God atona nase'asa ambal namunai epes saga'i, ea' nofala amamaga hiami ata' owa' meatagai si'i mataga mape ea'.

1 Tesalonaika 2:15

Esis Juda saha Dembinai Jisas naloma amam profet maga' ea' sanda' wandaf sali'amonafa. Sosambala waf God okom na'ianai sahambombaga epes hiesi.

1 Pita 1:2

Fowa' gani Ahalomapa God nogawepa nosahe'epa ea' Ananipei. Ambal Bu'unai Ananinai atona nanda'epa pataga Ananipei etipa bo'wepa andeande'. Anan nanda'epa na'ama ma pila waf Jisas Kraisi Anan nasa'opepa esimbel ananimi pataga bo'wepa. Ae' a'i God nigiambamepago na'a nonda'epa petaga la'ifipa ma opalef ipe'imi mope awanema pepe si'ipa la'ela'efa waf anama.

1 Pita 1:20

God owa' ata' nonda' etap anae' notagae, Anan nandandepa Krais ea' ma naga' si'i sipsip anama. Nimeguf amama hiami dei' magi' matagai, Anan nataga nandawalap alihina ma nagiambamepa.

1 Pita 2:8

Ea' anom basef Godi wapoti' ma'iam ma'i, “Anona nemaf owap anama nonda' enis epes sowa.” Esis sondasisi'ip sowa. Dei' main, esis ina same' basef Godi sailam, owa'. Sosambalom si'i fowa' God nali' nandandepasa sondasisi'ip sowa.

Basef Ifimba Jut Nandaꞌafi 1:4

Dei' main, anom amam mandambaho' mawisi la'afena ape' Kristen. Fowa' gani basef mail Buk Baibeli ma'i amam amama anona nemaf God nowalogama basef lu'wami ma kot. Amam mowa' alafugaha God maho'ofa basef bu'wami Anan nagiambamapa na'a ma'ipas anom basef manda' waf naninani ukup mohafela waf aonai so'a waolanai nataga la'ifina.

Revelesen 13:8

Anona buk ambal namunai napainai na'oh. Esis sanda' agof epes Godi etis mape buk anama ma nogota anama fowa' gani God nanda' etap anae'. Buk anama sipsip anama noganai fowa' esis sahana naga'. Amam nematawa hiesi etapasi agof asasimi owa' mope buk anama, epes isima hiesi sanda' lotuma mafin anama.