Aposel 2:22 - Basef Buꞌwami Godi

²² Ea' Pita na'ipas wapoti' na'i, “Ipe' epes Israelipei, ipe' peme' basef amama. Dei' i'ipipa aman anama Jisas Nasaretinai. Ipe' pegawa maol ahalomana la'ifinai naloma pepel anama God nanda'anai la'afena ipe' ma lagel aman anama. Amama mihi'ambepa andeande' aman anama God nasapa'ana nafi'i.

Aposel 2:22 Iomraidhean Croise

Matyu Nandaꞌafi 12:28

Endilisi, Ambal Bu'unai Godi nigiambama ae' atofa ambagof amama awami. Ea' dei' ipe' pegawa nemaf anama piowis wambota Godi numafipa dei' natagamepa ea'.

Matyu Nandaꞌafi 2:23

Ea' nafe' nape enin taun sa'uni sofalagon Nasaret si'i anom basef amam profet fowa' ma'iami ma'i, “Owagama esis sofalana si'i Nasaretinai.” Basef amama dei' mataga mandawalap endilisi.

Matyu Nandaꞌafi 9:8

Ea' amam nematawa hiesi satolona sehafel gegelalasis umbamahas kwapete' sogawa God nagiambama aman anama nase'ana pepel lu'unai. Na'ama esis safela agel Godi lu'una.

Luk Nandaꞌafi 11:20

Pepel Godi atona nagiambama ae' atofa ambagof awami. Na'ama dei' ipe' pegawa nemaf anama epes siowis wambota Godi numafias nataga ma ipe' ea'.”

Luk Nandaꞌafi 18:37

Ea' sa'ipana sa'i, “Jisas Nasaretinai anama dei' nafi'i nikila'ena nafe'.”

Luk Nandaꞌafi 24:18

Ea' anona amam biam Kliopas nahali'ana na'i, “Epes hiesi sape Jerusalemi sati amamaga amama mataga nemaf anae' sogawam. Ea' ine' etina owa' negawai.”

Jon Nandaꞌafi 1:45

Ea' Filip nafe' nagolopa Nataniel na'ipana na'i, “Aman anama fowa' gani Moses nanda' basefa mi'uli God na'ianai, ea' amam profet wapoti' manda' basef ma'ianai, aman anama ma'una afa' watolona. Anan Jisas Nasaretinai, Josep nogalomana.”

Jon Nandaꞌafi 10:37

I'i ae' ina anda' maol Ahalome ae'anai, andeande'ma ipe' pindaiwa' ma pembale'efa ae'.

Jon Nandaꞌafi 11:47

Ea' amam pris dambami maloma amam Farisi hiami mofala anom dambami mafi'i mandakolasa monda' kot. Ea' ma'i, “Afa' atuwasi onda' maina aman anama nanda' ikwaf anama la'ifinai hianai?

Jon Nandaꞌafi 12:17

Enis epes sali' sati Jisas nofala aman anama na'i Lasarus napani hi'agif nehafel wapoti'. Ea' sa'ipa hiesi ma basef amama Lasarusi.

Jon Nandaꞌafi 15:24

Esis saila waf etapanai ina sati anona aman nanda' opeh mandahama opeh ae' anda'ami, owa'. I'i ae' owa' enda 'opeh amama, esis ofagenama waf aonai a'as. Ea' dei' sati opeh ae'ami la'ifimi ea' sowa' alafugaha ae' ukup aom endilisi ma ae' aloma Ahalome ae'anai wapoti'.

Jon Nandaꞌafi 19:19

Gavman dembinai Pailat nanda' anom basef nofa'am nanda'am mail lawag anama ilif. Basef ma'i na'ama ma'i, “Jisas Nasaretinai, anan King esis Judai.”

Jon Nandaꞌafi 3:2

Anona owamb nafi'mai Jisas na'ipana na'i, “Dembinai Tisa, ape' mogawa ine', God nasapa'ena nafi'i si'i Dembinai Tisa. I'i owa' God nope noloma anona epen, anan ina la'ifina neanda' maol anama la'ifinai ine' nanda'anai, owa'.”

Jon Nandaꞌafi 4:48

Ea' Jisas na'ipana na'i, “I'i ipe' hipei piti ikwaf la'ifinai si'i God atona nanda'anai, ipe' pembale'efa ae'. I'i owa', owa'etin.”

Jon Nandaꞌafi 5:36

Maol anama la'ifinai Ahalome nase'eama na'i imafiana enda'ana hi'ilana anama atona ae' dei' anda'ana. Anama maol la'ifinai nikila' maol Joni nawalapa basef ofagema ma ae'. Dei' main, maol anama Ahalome nasi'ianai ma eanda'ana hi'ialana ae' anda'anai nihi'amba esis amam nematawa segawa Ahalome nasapa'e afi'i.

Jon Nandaꞌafi 6:14

Ea' esis amam nematawa sati ikwaf anama la'ifinai Jisas nanda'ana sa'iam sa'i, “Endilisi, anan profet anama sa'i niefi'i etap anae'.”

Jon Nandaꞌafi 6:27

Ipe' ina penda' maola pefa' gwa'aimi amama awami folo'olami, owa'. Ipe' penda' maola gwa'aimi bu'wami sagwa'am mape bo'om andeande' la'ela'ef. Gwa'aimi amama ambal namunai nape la'ela'ef. Gwa'aimi amama, ae' ataga epen endilisiwei, ae' atowe nambimb ese'epam ipe'. God nase'e agel lu'unai nesahe'e ea' ma enda' maol anama lu'unai.”

Jon Nandaꞌafi 7:31

Epes hiesi sape na'ae same'ana sembale'efana sa'i, “Nemaf anama Krais niefi'i, Anan nonda' maol la'ifinai. Maol Kraisi nambimb nikila' maol aman anama nanda'anai?”

Jon Nandaꞌafi 9:33

I'i aman anama ina aman Godi, anan ina nambimb nenda' anom amamaga. Owa'etin. Anan aman Godi.”

Aposel 13:16

Ea' Pol nohafel nafela lagel na'i basef na'i, “Ipe' Israel hipei paloma ipe' enipa epes panda' lotuma Godi, ipe' peme' basef ae'ami.

Aposel 14:27

Amam mataga Antiok mofala esis mowa'anias sandakolas etifigin ma'ipasa basefa maol Dembinai nape nalomam nagiambamam manda'anai. Ea' ma'i, “God nanda' eaf nagala esis amam nematawa hiesi enis owa' Judaisi ma sombale'efa Krais.”

Aposel 2:19

Ea' enda' anona ikwaf notaga gani otaga ilif, enda' anona ikwaf notaga na'ae etap. Anama na'ama. Enda' nogoh hiami otaga, enda' esimbel, nif fandumi mataga etap anae'.

Aposel 2:43

Nimeguf hiami God nanda' ikwaf lu'unai ma pepel hianai nataga lagof amam aposeli. Ea' amam nematawa hiesi umbamahas endilisi sape.

Aposel 21:28

Ea' soga sa'i mehip na'ama sa'i, “Ipe' epes Israelipei, pigiambamapa aman anama na'ipa epes hiesi wambel hiagoma nasambala epes hiesi Israela mi'uli anama Godi fowa' gani Moses nawalipasanai naloma ipat lu'unai Godi wapoti'. Ea' ina amama atom, owa'. Anan nao'wai enis epes owa' Judaisi safi'i sawisi nomon ipat anama sanda'ana aona.”

Aposel 22:8

Ea' ae' agwa basef a'i, ‘Dembinai, ine' emi?’ Ea' na'ipi na'i, ‘Ae' Jisas Nasaratiwei ine' nahambombage.’

Aposel 24:5

Ape' mogawa aman anama nanda'mapa amamaga awami hiami. Ea' nanda' naumbih nafela ukup awami naloma esis Juda hiesi napa' nalomas etap hiagoma wambel hiagoma. Anan agel lu'unai ma epes isima sapa' sawala epes hiesi ape'isi ma epes sape deindei'i, sa'i epes Nasareti.

Aposel 26:26

Ine' dembinai king negawa hi'alam amamaga amama hiami. Ea' ae' dei' awalapam a'iam ae' ina umbamahe, owa'. Ae' egawa amamaga amama hiami ina mandambaho'ma naep maloma aligah ine'imi, owa'. Ine' natolom negawam ea'. Dei' main, amamaga amama ina mataga mandambaho', owa'.

Aposel 26:9

Fowa' ae' wapoti' okom na'i ae' enda' amamaga hiami ma ehagofa agel Jisas Nasaretinai.

Aposel 3:6

Ea' Pita na'i, “Ae' otamba siliwa gol a'e, ea' amamaga bu'wami a'i atuwasi iesi'inami amama. Ae' a'i pepel Jisas Krais Nasaretinai atona a'ipina, dei' hafel nitu nefe'.”

Aposel 4:10

Ipe' hipei peme' basef ae'ami pegawa andeande'. Esis hiesi Israel wapoti' seme'ama sogawam andeande' ma pepel agel Jisas Krais Nasaretinai atona dei' aman anama ambo'ona endilisi nohafel naitu naep ipe'imi. Jisas ipe' paundana lawag usi'inai tu'wanainai pahana afuna, ea' dei' God nafelana nohafel hi'agif wapoti'.

Aposel 5:35

Ea' na'ipa amam dambami Juda na'i, “Ipe' amam Israelipei, ipe' pindumafuma andeande'ma amam amama. Ipe' ata' ukup mi'i andeande' pili'.

Aposel 6:14

Ape' mame' anan na'i, ‘Aman anama Jisas Nasaretinai nambimb nohambombaga ipat anama lu'unai Godi ea' nonda' anona waf dambainai noho'ofa waf hianai fowa' gani Moses na'ipapanai.’ ”

2 Korin 12:12

Ae' anda' okom ae'anai la'ifina ea' anda' ikwaf la'ifinai hianai la'afena ipe', awalapai ikwaf hianai aposeli. Amama na'ama. Amama la'ifimi si'i God nanda'ami mataga hiami mamumami la'afena ipe' mandahama maol Godi. Sati pepel anama, esis gegelalasis kwapete'as. La'ifimi amama mihi'ambepa ae' aposel endilisiwei.

Hibrui 2:4

Ea' God nanda' basef amama la'ifima eaf hianai naninani. Anona eaf, nihi'ambasa ikwaf naninani hianai la'ifinai. Ea' anona eaf nanda' pepel lu'unai naninani si'i Anan atona nanda'anai. Ea' anona eaf na'ama, nihi'ambapa amamaga bu'wami Ambal Bu'unai Ananinai nase'apami, naila okom Ananinai atona nase'apam atona etin nihi'ambapa basef amama endilisimi atom.