Aposel 2:17 - Basef Buꞌwami Godi

¹⁷ ‘God na' i, felefele' ma nimeguf akutaimi Ae' ese'as Ambal Bu'unai Ae'anai nope amam nematawa hiesi. Ea' efela esis batawisipa ipe'isi sowalapa basef si'i amam profet ma'iam. Ea' ihi'amba amam so'umi ipe'imi mondanda'oh motolom naep mose'am mope motolom, ea' ese'ama mo'oh mondanda'oh motolom amam hagami ipe'mi ma ihi'ambam waf ae'anai.

Aposel 2:17 Iomraidhean Croise

Luk Nandaꞌafi 3:6

Ea' amam nematawa hiesi hi'ilas anona nemaf siti God nagiambama enis amam nematawa nofa'as sotanimani.’ ”

Jon Nandaꞌafi 17:2

Dei' main? Ine' nendandepe ea' ma ape Dembiwei ali'ma epes hiesi ese'as ambal namunai epes isima hiesi ine' nasi'iesi. Ambal anama nenda' esis sope andeande' la'ela'ef hihif.

Jon Nandaꞌafi 7:39

Basef Jisasi ofagema ma'i Ambal Bu'unai Godi anona nemaf esis sembale'efana sofa'ana nupe nolomas. Nemaf anama Ambal Bu'unai Godi ine' dei' nape naloma enis epes sembale'efanai, ata' owa'. Dei' main, Jisas ata' owa' noga' nohafel wapoti' nofa' agel lu'unaima howalagon ananinai, ata' owa'.

Aposel 10:45

Amam amama Judaimi mombale'efi mafi'i malumai Pitai mohafel gegelalasom kwapete'am ma mati God nase'asa Ambal Bu'unai Ananinai etin si'i presena esis amam nematawa owa' Judaisi wapoti'.

Aposel 11:27

Nogota anama anom profet mape Jerusalemi makini' Antiok.

Aposel 11:28

Anona profet esis sofalana sa'i Agabus, Ambal Bu'unai Godi napaina ea' nawalipasa basefa nolomeahas lu'unai nambimb neataga etap wambel anama hiagoma. Anom nimeguf mafe'ma ea', aman anama Klodius nataga nape gavman dembinai esis Rom, nogota anama nolomahas nataga si'i fowa' Agabus na'iam.

Aposel 2:16

Ea' amamaga amama mataga si'i anona profet Joel fowa' gani na'i,

Aposel 2:18

Nimeguf amama ae' ese'asa Ambal Bu'unai ae'anai nope esis amam nematawa ae'asi sanda' maol ae'anai nefelas sowalapa basef Ae'ami si'i fowa' amam profet manda'ami.

Aposel 2:33

Dei' God nafelona nohafel nalata gani heven ilif ea' nape lagel da'isinai Godi. Anan nofa' Ambal Bu'unai Godi ma Ahalomana, si'i fowa' Ahalomana na'ipana na'i endilisi nese'ana. Amama atom dei' Jisas nase'asam esis amamaga amama dei' patolom pame'am ea'.

Aposel 21:9

Anan nola nematawa biawai biawa, ina dei' waso' amam, ata' owa'. God nase'awa gawa wawalapa basef ananimi si'i profet.

Basef Amama Pol Nandaꞌam Mafeꞌma Esis Romi 5:5

I'i ape' mogawa endilisi na'ama, bale'ef ape'inai ina anona nemaf hegililana, owa'. Dei' main, God nase'apa Ambal Bu'unai Ananinai ea' waf okom nainailapa nape lu'una opalef ape'imi.

1 Korin 12:10

Ea' enin epen Ambal Godi nagiambaman nase'an pepela nenda' amamaga la'ifimi si'i God nanda'ami. Ea' enin epen Ambal Godi nafelan na'i basef Godi. Enin epen nefa' gawa ma newaloga ambagof mamumami hiami, bu'wami o awami. Ea' enin negawa ma na'i diga naninani hianai. Ea' enin epen negawa ma nemboma basefa diga naninani.

1 Korin 12:28

God nahapona enis epes ananisi sape na'ama ma sios. Mali'i aposel, sagi'i profet, safe'ma wenifi, esis tisa sawalipasa basef ofagema Godi. Ea' sagi'ma amama epes isima sanda' betena sanda' la'ifimi si'i God nanda'ami. Ea' epes isima sanda' awes nanda'asi sataga bo'wes wapoti' ea' esis isima sagiambama enis epesi, saloma amam mumafi maol siosi naninani hianai saloma isima sogawa ma si'i diga naninani hianai.

Hibrui 1:2

Ea' dei' nogota anae' si'i nogota anama anona nemaf nigi' neatagai endilisi, nawalapa basef na'ipapa malogel Nogalomana Ananinai. God nandandepana ma nemaf akutainai Anan nope Dembinaima amamaga hiami ma etap anae' moloma esis amam nematawa wapoti'. Anan atona nofa'am numafiam. Fowa' gani God na'i Nogalomana Ananinai nanda' amamaga hiami ambagof mapaimi maloma ambagof a'ami mape ilif etapi hi'alam mataga mape.

Jems 5:3

Moni ipe'inai gol siliwa nowa'w nasagiham aom. Nowa'w anama si'i enin epen ni'ipipa waf aonai ipe' panda'anai nataga nandawalap. Ea' nowa'w anama nonda' alop ipe'inai si'i nif fandumi. Ipe' piwaniam hiahaom otamba maim ma nimeguf akutaimi motaga felefele'ma God nonda'mepa basef.

2 Pita 3:3

Ipe' ata' ukup mogawa amama muli'. Nimeguf amama akutaimi anom amam monda'iafipei motaga mila ukup awami amamumi ma waf amam manda'anai. Ea' monda'iafipa na'ama