Aposel 2:11 - Basef Buꞌwami Godi

¹¹ Ape' Juda maloma enis epes maila waf esis Juda sanda' lotuwanai ea' ape' etap hiagoma Krit Arebia, ape' hiapai mame' amam mawalapa basefa pepel maol Godi ma diga hianai naninani.”

Aposel 2:11 Iomraidhean Croise

Aposel 2:12

Ea' esis hiesi sohafel gegelalasis kwapete'as, esis ukup matamea mape hiahiam. Esis etis sandahali'ma sa'i, “Amamaga amama mataga ma'imama?”

Aposel 27:12

Basis amama sip nafe' naima ina bo'wagon ma sip nilagon nogota anama uf naluwianai, owa'. Ea' amam hiami mape sip ma'i anom basef mandame'mama ma'i mokwaha wambel anama mafe'. I'i amam la'ifim, ma'i mefe' motaga ulal basis amama Finiks ea' mope anama nogota anama launai uf lu'unai naluwianai. Basis amama Finiks mape ailan anama Krit. Anama bo'wagoma ma sip nofe' nondambaho'ma uf naluma. Basis amama mape la'afena aon natefima nowalama.

Aposel 27:13

Sape nogota bandana nafe' ea' uf so'unai nalo nafi'i aon natopa' nowalama ea' ina la'ifina, owa'. Ea' amam ma'iam ma'i atuwasi amam mofe' andeande' si'i ukup amamumi ma'i. Na'ama magiai anka nalatai ea' wafe' waila naoh atom felefele'ma bandagoma ailan anama Krit.

Aposel 27:7

Wafe', sip anama nafe' sa'osa'ombel ama anom nimeguf hi'alam. Wanda'am noma'w nahafa ea' wataga felefele'ma anona wambel Nidus. Uf nalo lu'una nili'akwafa ea' ina ata' wafe' mehip, owa'. Ea' wafe' anona ailan Krit wa'ol uf owa'ma felefele'ma etap Salmone da'malifinama.

1 Korin 12:10

Ea' enin epen Ambal Godi nagiambaman nase'an pepela nenda' amamaga la'ifimi si'i God nanda'ami. Ea' enin epen Ambal Godi nafelan na'i basef Godi. Enin epen nefa' gawa ma newaloga ambagof mamumami hiami, bu'wami o awami. Ea' enin negawa ma na'i diga naninani hianai. Ea' enin epen negawa ma nemboma basefa diga naninani.

1 Korin 12:28

God nahapona enis epes ananisi sape na'ama ma sios. Mali'i aposel, sagi'i profet, safe'ma wenifi, esis tisa sawalipasa basef ofagema Godi. Ea' sagi'ma amama epes isima sanda' betena sanda' la'ifimi si'i God nanda'ami. Ea' epes isima sanda' awes nanda'asi sataga bo'wes wapoti' ea' esis isima sagiambama enis epesi, saloma amam mumafi maol siosi naninani hianai saloma isima sogawa ma si'i diga naninani hianai.

Galesia 1:17

Ae' ina afe' wambel Jerusalem ati amam God nali' nandandepama manda' maol aposeli, owa'. Nemaf anama atona afe' etap hiagoma Arebia. Anom nimeguf mafe'ma ea' etanima afe' Damaskus.

Galesia 4:25

Akwa'w kondola'wifa halaf Sainai, nape anona etap hiagoma Arebia, ea' akwa'w basef womun etina wambel anama Jerusalem dei' nape etap anae'. Dei' main, akwa'w kwape kwanda' maol la'ifikw kwaloma awasi akwa'usi sape owina pepel si'i esis Juda sape Jerusalemi sape owina mi'uli God naso' Mosesanai.

Taitus 1:12

Fowa' anona aman Kritinai anan gawainai si'i profet na'im na'ama na'i, “Fowa' gani endilisi esis Krit sape epes sambaso'ami ea' dei' wapoti' ata' sape na'ama etin. Esis si'i mafis mape aolopi awami. Ala'uta nas endilisi, sa'oh etin sa' gwa'aimi hiami.”

Taitus 1:5

Ae' akwahina napani ailan Krita nendondomba opeh amama ata' owa' nimbefama nambimb nendandepa anom agufumi mumafi esis Kristeni wambel hiagoma, si'i fowa' a'ipina. Ea' basef amamumi mape na'ama.

Hibrui 2:4

Ea' God nanda' basef amama la'ifima eaf hianai naninani. Anona eaf, nihi'ambasa ikwaf naninani hianai la'ifinai. Ea' anona eaf nanda' pepel lu'unai naninani si'i Anan atona nanda'anai. Ea' anona eaf na'ama, nihi'ambapa amamaga bu'wami Ambal Bu'unai Ananinai nase'apami, naila okom Ananinai atona nase'apam atona etin nihi'ambapa basef amama endilisimi atom.