Aposel 19:9 - Basef Buꞌwami Godi

⁹ Ea' enis sasopama opalef la'ifis endilisi, ina sombale'efa Jisas, owa'. Esis sa'i basef awami ma eaf Dembinai ma naep esis amam nematawai. Ea' dei' Pol nakwaha esis hiesi nao'wa esis Kristen etis safe' salomana. Ea' Pol nawalapa basef nimeguf hiami la'ela'ef ipat anama Tiranusi, anama sawalipasa basefa.

Aposel 19:9 Iomraidhean Croise

Matyu Nandaꞌafi 15:14

Ipe' kwahowa amam Farisi ata' mopan. Amam si'i amam naep mase'ami ma'i mihi'amba eafa enis epes. I'i esis naep mase'asi si'i sihi'amba eaf enis epes isima naep mase'asi, atuwasi esis hiesi sondakolas dogwas sefe' sowala etin kwambiwag.”

Matyu Nandaꞌafi 16:4

Ipe' epes hiesi amam nematawa dei' pape etap anae' panda' waf aonai pewa' alafugaha God. Dei' pa'i piti anona ikwaf la'ifinai. Ea' ae' owa'etina enda'ana potolona, owa'. Ikwaf anama la'ifinai fowa' God nihi'amba profet Jona atona nambimb ihi'ambepana ipe'.” Jisas na'ipam ea', nakwahom nafe'.

Matyu Nandaꞌafi 26:55

Ea' Jisas na'ipa esis amam nematawa hiesi na'i, “Ipe' pefa'ai bainahi belep pafi'i si'i pafi'i pa'i pewa' anona aman aonai napa' naloma gavmani? Nimeguf hiami ae' ape alomepa ipat lu'unai Godi awalapa basef bu'wami esis amam nematawa hiesi ea' ipe' ina pembale'e.

Aposel 11:26

Natolona ea', nofa'ana nafi'i Antiok. Ea' amam biam mape afagel atotona maloma esis Kristen amam nematawa sape Antioki mawalipa epes hiesi ma basef Godi. Ea' esis amam nematawa saila Jisasi, enis epes sofalas agel anama Kristen dambadamba wambel anama Antiok.

Aposel 14:4

Ea' esis amam nematawa taun anama sandawaloga biefis. Enis opalef atifim saloma esis Juda, ea' enis saloma amam aposel biam ukup etifim.

Aposel 17:4

Ea' enis amam nematawa Judaisi sombale'efa Krais ea' saila Pol naloma Sailas sawis wambota Godi. Enis Grik sanda' lotuma Godi hiesi saloma anowa nematawa dembiwai hiawai esis wapoti' sawis wambota Godi saila amam biam.

Aposel 19:23

Nogota anama enis epes sanda' naumbih saloma eaf bu'unai Dembinai sanda' aga lu'unai sindininifama sa'i mehip.

Aposel 19:30

Pol na'i nefe' ni'ipa esis amam nematawa la'afisa, ea' esis Kristen sili'akwana.

Aposel 20:31

Ipe' dei' pindumafuma andeande' la'ela'ef. Ipe' ukup mopoma amama afagof amama wanom la'ela'ef owamb alip ae' ina apoma noma'w ma awalipipa afela ukup ipe' hipei atona etin, owa'. Awalipipa aloma embif maluwi naep ae'ami.

Aposel 22:4

Fowa' ae' anda' maol ahambombaga epes saila eaf anama sombale'efa Dembinaianai. Na'ama aha esis amam nematawa wapoti', a'i ehas soga'. Ea' ewa'as sen efa'as afe' ipat sanda' kalabusanai.

Aposel 24:21

Anom basef etifim na'ama. Nemaf anama aitu la'afena amam, ae' ega a'i, ‘Ae' embale'efa God nefela esis saga'i sohafel wapoti', ea' amama atom ipe' dei' panda' kotima ae' ma naep ipe'imi.’ ”

Aposel 28:22

Ea' afa' wa'i ome' okom ine'inai atoma malogel ine'inai. Afa' ogawa, wambel hiagoma esis amam nematawa sanda' basef awami ma epes hiesi wambota anama.”

Aposel 7:51

Ipe' epes pesambala basefi. Ipe' owa' pegawa basef Godi si'i enis epes owa' sogawa Godi. Ipe' pandaiwa' ma peme' basef Godi ma opalef aligah ipe'imi. La'ela'ef ipe' pesambala Ambal Bu'unai Godi. Ipe' panda'am na'ama etin si'i fowa' gani bafasepa ehasepa ipe'isi sanda'am.

Aposel 9:2

Na'ipana ea' pris anama nanda' basefa pas mafe'ma agufumi hiami mumafi ifagw esis Juda sa'i basef sapeimi wambel Damaskus. Ea' nase'ana pasa basef amama Sol. Ma'iam na'ama ma'i, “I'i Sol niti enis amam nematawa saila eaf anama dambainai sape Damaskusi, nonda' kalabusimas nombale'as nefa'as sefe' Jerusalem.”

Basef Amama Pol Nandaꞌam Mafeꞌma Esis Romi 11:7

Dei' ape' ata' mi'iam mi'imama? Waf anama God nati epes na'i bo'wes andeande', anama esis Israel sanda' maol lu'unai ma sa'i sofa'anai, ina sofa'ana, owa'. Fowa' God nandandepa esis tu'wanis etis ea' amama atom sofa'ana. Na'ama esis Israel hiesi opalef asasimi maso'as ea',

Basef Amama Pol Nandaꞌam Mafeꞌma Esis Romi 9:18

Ape' mogawa i'i God ni'i nigiambama enin epen etin, anan nigiambaman. Ea' i'i nosopama okom enin epen, anan nosopama okom ananinai.

1 Korin 16:9

Dei' main, God nausi'ame eaf nagal alihina ma enda' maol bu'unai eloma amam nematawa hiesi samboma opalef sembale'efa God endilisi. Ea' hiesi sandaiwa'ma sonda' maol anama.

1 Timoti 6:5

Epes isima sanda' na'ama, ukup asasimi mahaga magaol endilisi ea' ina sombale'efa basef bu'wami endilisimi, owa'. Ea' sa'i basef sapa'am sandahihianama saloma enis. Ea' sa'i, “Eaf anama Godi eaf sofa' otambanai.”

2 Timoti 1:15

Ine' negawa epes hiesi sape etap hiagoma Esiai, saloma amam biam Figelus naloma Hermogenes sakwahowe safe'.

2 Timoti 3:5

Epes isima saila waf Godi alop atona asasinai ande' atogon, ea' ukup asasimi nomon sandaiwa'ma God sowa' alafugaha pepel ananinai. Ine' nihi'ama epes isima.

2 Timoti 4:2

ine' ni'ipasa basef Godi la'ela'ef. Nemaf anama esis sondandombam ma some' basef, ni'ipasam. Ea' maina nemaf esis sandaiwa' ma some'am, ni'ipasam etin. Ni'ipasam ma mohagofa basef amama baso'maimi. Ni'ipasa basef la'ifimi ma sokwaha waf aonai esis sanda'anai. Ea' nefela ukup asasimi nenda'as sotaga la'ifisa bale'ef, niwalipasa waf aonai nenda'as so'uso'umbemas. Niwalipasa basef amama si'i okom Godi na'iami.

Hibrui 3:13

Na'ama owa'. Ipe' pendagigiambanama etin pitu la'ifipa. Penda'am na'ama etin nimeguf hiami atona etin nogota anae' God na'i, “Dei'.” Penda'am pilam ama pilam la'ela'ef. Na'ama enipa opalef ipe'imi la'ifima waf aonai baso'omainai.

2 Pita 2:12

Amamaga amam mambaso'ami owa' mogawame, amam ma'i basef awami ma amam. Amam mambaso'ami si'i mafis mape aolopi owa' ukup bu'wami miapaimi mape aolop atona. Mafis amama enis epes sagolopam satolom saham afum hi'alam ea' na'ama etina amam amama wapoti' anona nemaf aom hegililam.

2 Pita 2:2

Amam manda'am na'ama nambimb enis amam nematawa hiesi sila waf naninani aonai amam manda'anai. Ea' enis siti waf aonai amam mambaso'ami manda'anai ea' sosambala basef bu'wami si'i basef awami atoma waf bu'unai endilisi Godi.

Basef Ifimba Jut Nandaꞌafi 1:10

Ea' amam amama mandambaho' mawisi malomapa, amam ma'i basef awami ma amamaga hiami amam owa' mogawa ofagema. Waf ukup mohafela migi'ma alop atona inai mogawana andeande'. Waf anama amam manda'ana si'i mafis amama ukup a'emi manda'ami. Amam manda' waf anama atona nahambombagam endilisi.