Aposel 19:33 - Basef Buꞌwami Godi

³³ Esis Juda sasapa' Aleksander nafe' la'afena esis saitu sa'i basefa. Ama sa'i anan ni'ipasa anom basef. Ea' Aleksander nafela lagel na'i nogwamasa basef esis amam nematawa.

Aposel 19:33 Iomraidhean Croise

Luk Nandaꞌafi 1:22

Anan nawisi ande', ina na'i anom basefa esis, owa'. Na'ama esis sogawana sa'i anan nati anom amamaga mandati na'ami ipat lu'unai Godi nomon. Ea' anan nape nanda'masa lagel atona na'ipasa amamaga, ea' malogel ananinai nase'ana nape.

Aposel 12:17

Ea' Pita nanda' lagel atona na'ipas na'i “Feso'mepa.” Ea' na'ipasa amamaga amama Dembinai nofa'ana nakwaha ipat sanda' kalabusainai nao'wana nawisi ande'. Ea' na'i, “Ipe' kipago Jems nolomago sahin owan ama amamaga amama.” Ea' nakwaha esis notanima nawisi ande' nafe' anagon.

Aposel 13:16

Ea' Pol nohafel nafela lagel na'i basef na'i, “Ipe' Israel hipei paloma ipe' enipa epes panda' lotuma Godi, ipe' peme' basef ae'ami.

Aposel 19:34

Ea' satolona sogawa anan Judainai. Na'ama dei' hiesi sandame'mam na'ama etin sakolasa malogof atom sa'i, “Artemis ape' Efesusi akwa'w ato'w dembe'wi agel lu'unai.” Esis sa'i mehip na'ama etin sape la'ela'ef nogota launai awa biefina.

Aposel 21:40

Ea' soldia anama na'i aho'mana na'i. Pol naitu bulasan anama, nafela lagel nanda'ana de'inda' ma esis amam nematawa sosopama malogof. Ea' Pol na'ipasa basef diga Hibrui.

Aposel 24:10

Ea' gavman dembinai nanda' balaga nahali' Pol nogwa basef na'ama na'i, “Ae' egawa afagof hiami ine' nanda' jas nape dembinai gavman numafi ape' Juda hiapai. Na'ama dei' okom ae'anai bo'ona, endilisi ma egwa basef amama ihi'ambena ae' ina anda' anona waf aonai, owa'.

Filipai 1:7

Ae' ahapila ipe' okom ae'anai, egawa God nigiambamepa dei' anona nemaf wapoti' na'ama etin. Amama andeande'. Dei' main, ape' manda'kolas etin manda' opeh ananimi. Nemaf anae' dei' ape kalabus o nimeguf hiami ali' awalapa basef amama bu'wami epes hiesi agiambamasa sogawa basef amama endilisimi atom, nimeguf amama hiami God nagiambamapa na'a.

1 Timoti 1:20

Epes sanda' waf anama, amam biam Himeneus naloma Aleksander. Bale'ef amamunai aona. Ae' andaiwa'mam ali'amonam mafe' lagof Satani ma mogawa gawa bu'unai. Anda'am na'ama amam ina monda' basef findiwama agel Godi, owa'.

2 Timoti 4:14

Aleksander aman nanda' maola brasi, nanda' megah endilisi. Anona nemaf Dembinai nogwamana nimanimi anan, mondahama waf anan nanda'meanai.