Aposel 19:22 - Basef Buꞌwami Godi

²² Ea' nasapa' amam biam magiambamanai Timoti naloma Erastus mafe' etap hiagoma Masedonia. Ea' Pol ata' nape etap hiagoma Esia anom nimeguf wapoti'.

Aposel 19:22 Iomraidhean Croise

Aposel 13:5

Ea' mataga Salamis, mawis nomon ipat esis Juda sa'i basef sapeinai ma'ipasa basef bu'wami Godi, Jon Mak wapoti' nape nalomam nagiambamam.

Aposel 16:1

Pol naloma Sailas mafe' mataga Derbe ea' makwaha Derbe mafe' Listra. Wambel anama anona aman alupunai nembale'efa Jisasi nape, agilinama Timoti. Anan mama'wana ano'w nemata'w Judai'wi, akwa'w wapoti' kombale'efa Jisasi. Ea' ahalomana anona epen Grikinai.

Aposel 16:3

Pol na'i Timoti nefe' nolomana. Amama atom dei' nao'wana natopa'mana alop. Pol okokoma esis Juda sape na'amai na'i, “I'i Timoti owa' neatopa' alop, esis ina nambimb sila basef ananimi, owa'.” Na'ama dei' naila waf esis Judai natopa'mana alop. Dei' main, esis hiesi sogawa Timoti ahalomana anan Grikinai.

Aposel 18:5

Sailas naloma Timoti makwaha etap hiagoma Masedonia mafi'i Pol napoma, nogota anama Pol nakwaha maol anama nagundisa sel ea' la'ela'ef nawalapa basef bu'wami Godi nimeguf hiami. Nawalapa basef la'ifimi esis Juda na'ama na'i, “Jisas anan Krais, God nandandepana nasapa'ana nafi'i.”

Aposel 19:10

Ea' nanda'am na'ama etin nape afagof biam. Esis amam nematawa hiesi sape etap hiagoma Esiai wambel hiagoma same' basef Dembinai, esis Juda saloma isima owa' Judaisi wapoti'.

Aposel 19:21

Amama mafe' ea', okom Poli nohafel la'ifina na'i nefe' etap hiagoma Masedonia esis Grik sapoma ea' nefe' Jerusalem. Anan na'iam na'i, “Ae' efe' anama ea' efe' iti Rom wapoti'.”

Aposel 19:29

Ea' epes hiesi sape taun anama sanda'am sa'i mehip endilisi. Ea' sohafel safe' anama sondowa'anima sa'i basefa. Sahondo' Gaius naloma Aristarkus Masedoniaimi mafi'i maloma Poli mafe' maloma esis.

Aposel 20:1

Esis sa'i basef awanami, Pol nofalai esis Kristen safi'mai anan, na'ipasa anom basef nanda' opalef asasimi mataga la'ifim. Ea' nanda'masa nemaf bu'unai esis nakwahis nafe' etap hiagoma Masedonia.

Aposel 20:34

Ipe' etipa pegawa ae' atowe anda' maol agiambama ae' aloma amam mape malumai ma anom amamaga a'afa.

Basef Amama Pol Nandaꞌam Mafeꞌma Esis Romi 16:23

Gaius nasapa'ago danifel nemaf bu'unai ma ipe'. Anan numafi ae' Pol andeande' ipat ananinai, ea' numafi esis Kristen hiesi wapoti' safi'i sandatama etifigin na'ae. Erastus anan nanda' maola gavman numafi otamba taun wambel anama, ea' sahalomapa ape'inai Kwartus, amam biam masapa'o basefa danifel nemaf bu'unai ma ipe'.

2 Korin 1:16

Ae' okom na'i ata' ili' efe'mepago ea' ekwahipa efe' etap hiagoma Masedonia ma nambimb ekwaha Masedonia etanimai ifi'mipai wapoti' ma pigiambame pesapa'e efe' etap hiagoma Judia.

2 Korin 11:9

Fowa' ape alomepa ata' ipe'imi amamaga a'e, nogota anama ae' ina ahali'ipa ma amamaga amama, owa'. Dei' main, amam alupumi makwaha etap hiagoma Masedoniai mafi'i matagamepa muwapanimi amamaga amama ae' owa'i. Ea' ina ahali'ipa ma pase'e otamba maim, owa'. Ea' anona nemaf wapoti' enda'am na'ama etin ina ihali'ipa ma anom amamaga, owa'.

2 Korin 2:13

Ea' opaf ae'anai ina nape awanena, owa'. Dei' main, ae' ina ata' ati owalome ae'anai Taitus, owa'. Ea' akwaha esis Troas afi'i ataga anona etap hiagoma Masedonia.

2 Korin 8:1

Ipe' alupipei, dei' a'i i'ipipa ma pegawa waf esis sios Kristen hiesi sape anona wambel etap hiagoma Masedonia sanda'anai. God nagiambamas na'a nihi'ambas waf bu'unai sagiambama enis epes kwahusi.

2 Korin 8:19

Ina amama atom, owa'. Esis sios hiesi sandandepana ma nefe' nolomafa ofa' otamba ipe'imi ma wigiambama Kristen isima kwahusi. Afa' ukup ma'ima'i maol anama afa'inai. Afa' onda'ana ofela agel Dembinai atona ma wihi'amba epes hiesi sogawa opalef afa'imi mohafela wigiambamas.

1 Tesalonaika 1:8

Basef Dembinai ipe' pa'ipasami mogal ma'i mafe' si'i wata nalef mehip. Ina mafe' Masedonia naloma Akaia atogon, owa'. Anama hiagoma esis same' basefa ipe' pembale'efa God. Afa' ina wa'ipa epes isima, owa'. Ipe' pali' paso' opalefa God andeande'.

2 Timoti 4:20

Erastus ata' napani etin Korin. Ea' Trofimus awes nanda'ana akwahona napani Miletus.