Aposel 19:11 - Basef Buꞌwami Godi

¹¹ God nagiambama Pol nanda' pepel la'ifinai hianai si'i God nanda'anai.

Aposel 19:11 Iomraidhean Croise

Jon Nandaꞌafi 14:12

Basef endilisimi atom dei' a'ipipa. Emi egafis sembale'efa ae'i, opeh hiami dei' anda'ami, esis wapoti' anona nemaf esis sonda'am. Ama anona nemaf sonda' opeh lu'wami endilisi mikila' opeh ae'ami. Dei' main? Ae' efe'ma Ahalome.

Aposel 14:3

Amam biam mapani nogota launai Aikoniam ea' mawalapa basef Dembinai la'ifim alihim. Amam ina umbamaham, owa'. Ma'ipasa basefa Dembinai nandahomas endilisi nagiambamas. Ea' Dembinai nanda' amam biam mataga la'ifim manda' ikwaf la'ifinai naninani hianai. Ea' dei' esis sogawa basef amama endilisimi atom.

Aposel 15:12

Pita na'iam na'ama ea' esis sandatama etifigin ina sa'i anom basef, owa'. Ea' sape same' basef Barnabas naloma Pol ma'ipasami. Amam biam mawalapa basef hiami ma God nanda'am la'ifim manda' amamaga pepel hianai ma naep esis amam nematawa owa' Judaisi.

Aposel 16:18

La'ela'ef nemata'w akwama kwanda'am na'ama etin nimeguf hiami. Ea' Pol okom aona endilisi ma akwa'w, nandamboma na'ipa ambal anama napai'wi na'i, “Ae' a'ipina agel Jisas Kraisi, kwaho'w nemata'w akwama ea' fo'o!” Ea' dei' atef ambal anama nakwaha akwa'w ea' nafe'.

Aposel 5:12

Amam aposel manda' pepel naninani hianai si'i God nanda'anai la'afena esis amam nematawa. Ea' epes isima hiesi sombale'efanai ukup etifim sandatama etifigin sape atogon ilaf ipat Solomoni felefele'ma ipat lu'unai Godi sanda' lotuwanai.

Aposel 8:13

Ea' aman anama Saimon wapoti' nembale'efa Jisas ea' nofa' baptais nape naloma Filip. Anan nati Filip nanda' ikwaf anama la'ifinai naninani ea' okom natanea nafe'.

Galesia 3:5

Maina eaf dei' God nase'epa Ambal Bu'unai Ananinai nanda' ikwaf la'ifinai la'afena ipe'? Ambal Godi na'i ipe' paila mi'uli fowa' God naso' Mosesanai nanda' ikwaf anama, o Ambal Godi na'i pame' basef bu'wami Godi pembale'efam pailam nanda' ikwaf anama?

Hibrui 2:4

Ea' God nanda' basef amama la'ifima eaf hianai naninani. Anona eaf, nihi'ambasa ikwaf naninani hianai la'ifinai. Ea' anona eaf nanda' pepel lu'unai naninani si'i Anan atona nanda'anai. Ea' anona eaf na'ama, nihi'ambapa amamaga bu'wami Ambal Bu'unai Ananinai nase'apami, naila okom Ananinai atona nase'apam atona etin nihi'ambapa basef amama endilisimi atom.