Aposel 18:7 - Basef Buꞌwami Godi

⁷ Ea' Pol nakwaha ipat esis Juda sa'i basef sapeinai nawisi ande' nafe' anona ipat notawa felefele'ma ipat anama ea' nape la'ela'ef. Ipat anama anona amani, agel ananinai Titius Jastus. Aman anama nogawa God nanda' lotumanai.

Aposel 18:7 Iomraidhean Croise

Jon Nandaꞌafi 9:31

Ape' mogawa God ina name' esis sanda' waf aonai, owa'. Anan name' emi egafis sanda' maol ananinai safela agel ananinai ma seame' basef ananimi.

Aposel 10:2

Anan aman nanda' lotu naloma epes hiesi ananisi sape ipat ananinai sanda' lotu ma God. Anan nase'as moni maina esis Juda kwahusi otamba maim a'asi. Ea' la'ela'ef nanda' betena God.

Aposel 10:22

Ea' ma'ipana ma'i, “Kornilius anan kepten dembinai numafi soldia 100-peleim hiami, nasapa'afa wafi'i. Anan aman nanda' waf bu'unai nanda' lotuma Godi. Esis Juda hiesi sa'i, ‘Anan aman bu'unai.’ Anona ensel Godi na'ipana ma nofalena nefe' ipat ananinai, ma ata' nome' anom basef ine'imi.”

Aposel 13:42

Ea' Pol naloma Barnabas ma'i muwis mofe' ea' esis amam nematawa sa'iam na'ama sa'i, “Nemaf anama Sabat nigi'i ape' ma'i ipe' bipa pitanima pifi'i pi'ipapa basef amama wapoti'.”

Aposel 13:43

Ea' esis sakwaha ipat esis Juda sa'i basef sapeinai sawisi ande' ea' esis Juda hiesi saloma enis epes hiesi sagi'mam. Esis isima saila waf esis Juda sanda' lotuwanai. Ea' amam biam mase'asa basef esis hiesi ma sape la'ifis sembale'efa God nanda' waf bu'unai ma ape' nagiambamapa etin.

Aposel 13:50

Na'ama esis Juda safela anowa nematawa agufuwai wanda' lotuma Godi waloma anom agufumi mape taun anama lu'wagoma saha Poli naloma Barnabas sanda'am kwapete'am. Ea' sagalo'mam wambel asasinai.

Aposel 16:14

Ano'w nemata'w agili'wa Lidia kwanda' lotuma God kwape kwalomawa. Dembinai namboma okom akwa'inai kwame' basef amama Pol na'ipakwami. Akwa'w Taiatairai'wi, kwanda' maol kwanda' bisnisa luwaguf akwahimi.

Aposel 17:4

Ea' enis amam nematawa Judaisi sombale'efa Krais ea' saila Pol naloma Sailas sawis wambota Godi. Enis Grik sanda' lotuma Godi hiesi saloma anowa nematawa dembiwai hiawai esis wapoti' sawis wambota Godi saila amam biam.

Kolosi 4:11

Ea' Jisas agel wa'ana Jastus, anan wapoti' nanda'mepago nemaf bu'unai ipe'. Ama epes hiesi Juda, amam atom manda' maol malome ma wihi'amba hiesi siowis wambota Godi numafias. Amam magiambame ma maol anama.